Luka 18:4 - Verikariano Vou Na Baki

⁴ Mia tubo nei maka tinien riia tira nei, naio miovo ka ril van tete neibano. Mia naio mila jibe na banbano-o, mia tira nei naio jom̃a monmon ga ba jegi ban kanano yubo. “Ana iorou kanio ana tubo nene berenio ‘Kiniou nebe toro tai nam̃a maka nosidomial ka nala vaio nam̃a Atua p̃eli toro dolu ber ka kiniou ka bo ka nalaio.

Luka 18:4 ပူးပေါင်းရင်းမြစ်များ

Luka 16:3

“Mia toro na im̃auano nei naio mijog bova, berinavo ‘Riano, vonganei bova nono naruei. Toro na toru midular im̃auano novo nei den kiniou, maka nejikia ka mia kiniou nesen venia naruei. Kiniou nojotano ea im̃auano nei kirisiou ruei, mia maka bunu ve kiaku moroano ka nava noim̃auka tiniavio bereio, a kiniou maka nosidom natan ea yimo nalo kam̃a noiniogiog sinaniano den tomu nalo bunu.

Luka 12:17

Mia tete nei naio mial sinaniano nalo nei, naio maka bunu rijikia mia rila tum̃abe naruei, ka mia rivar vatitig sano sinaniano nalo nei tua vio na vabe, bior kiano yimo na varvatitigiano na sinaniano bija kiano vio dolu nalo abujovujo nonovio ruei.

Luka 18:2

Kiano jamerijiano nei, naio ban jibe nei, berinavo “Be komeli tai, tubo nene naio be toro kouo tai, be toro tai nam̃a maka rialerinio ea Atua leleio, maka rimerou kanio, a maka tovon tomu nalo bunu.

Luka 18:3

Ana taanou tai bunu joa vio na, napano toro tai jom̃a mila bulag kiano saba nalo bogo nonovio ga, ana taanou nei naio jo ba jo jegi ban kanano tubo, jom̃a mila kiano veriiano ka toro neibano, berinavo ‘Aiou, jau monoka kala titai ka tete na, naio jom̃a mila kiki m̃elea kiniou mia.’

Luka 20:13

“Mo toro na toru na jiosi nei naio mial bajago na kirivova nei, mia naio maka bunu rijikia naruei, berinavo ‘!Aiou! ?Bo ka mia nala tum̃abe naruei? P̃eli vonganei, monoka neiila ga keneriku rivano. Naio be keneriku takurano ga, tinieku jii m̃elea naio, mia ver naio rivan mia nalo monoka avitilubar avijuku rivu ka naio.’

Abe Kulo Ju 12:9

Mia beamu, kito robiniu, bogo na karam̃ano ajum̃a amila vironiano ban kito, maka rosidomio, be riano, voniganei robitilubario ka nalo amemedu ga, mia mila na rabamenealo loa laka. Tibe na ana bo ka ravatove ka niunudo na naio be karam̃alo, rasaaro ka venia na naio mila miyotuba ka kito, bior naina naruei be m̃arabo na meuliano.