Luka 18:20 - Verikariano Vou Na Baki

²⁰ Mia jau kobika kober jum̃abe ka toro tai na jibe ka jau mijikia rimei rivu ea Atua mirano. Mo, p̃eli jau komijikia batitig tuboiano nene nalo ruei nam̃a aber ka: Jau kala re siakaiano, jau koue tam̃aria re toro, jau kovina re, jau kala sibi re, jau kotovon karam̃amo naio koniomo ga.”

Luka 18:20 ပူးပေါင်းရင်းမြစ်များ

Luka 18:19

Ana Yesu berdop̃e, ber “!Ei! ?Jau komijikia venia, ana kobio kiniou kober kiniou nobo? Maka ve toro dolu tai na rivu ve riano, mia Atua ga takurano.

Luka 18:21

Ana tete nei naio berdop̃e ber “Nao, kiniou nomijikia nono tuboiano nalo nam̃a jau kober kiana, mia nomijikia na ver ka jau ka kiniou nojom̃a nabokar batitiglo jikar ea bogo na kiniou nobe m̃eaku kia ga vo. Binimei bokar vonganei, maka nalabelea tai.”

Romo 13:9

Iliano dolu nalo miroano ju joomo ea tuboiano, jibe nalo na aber jibe nei, aber jau kola re siakaiano, a jau kouebin re toro rim̃aro, a jau kovina re, a jau tiniemo tii re tenalo na toro dolu kiano, a iliano dolu nalo na jibe nei. A iliano nalo na tuboiano nonovio, aju yetano ka burupati tuboiano na toru tai, napano naio ber jibe nei, berinavo: Jau monoka tiniemo tii toro dolu napano jo vaataro kaso, kala rivu ka naio jibe napano kojo komila kaso bereio.

Romo 3:20

Maka toro tai rijogkar ka tuboiano na Atua kanano rivare ka naio rimemedu ka Atua mirano, a tuboiano na mila na abiniu amijikia vatitig ka kariano joalo.

Eveso 6:2

Tuboiano tai ea Iliano Lu napano Atua kiano naio berenio jibe nei, napano naio berinavo, “Kamiu kuvatove ka karamemiu a koniomiu nalo,” mia nina naio be natuboiano jukamu napano be verikariano mave ea naio, napano naio berinavo,

Kolosia 3:20

Kamiu kalse nalo, monokanio mia kuvijogkar karamemiu a koniomiu nalo, bior kanado Tubo naio jaaro ka bajago na.