Luka 18:13 - Verikariano Vou Na Baki

¹³ “Mia toro na takis naio jo mijog bova bior kiano kariano tealo nam̃a milaio, mia niabene buru vurebure jibe Atua bitii kiano meuliano maka rimemedu leleio. Naruei naio niabene p̃ili ka riva vaataro keanio, naio jumolu ju koalabo ga, mia maka sidom sirarago rivavin mave, naio jurubanini naio jom̃a mijubaluba bairene, naio jegi naio berinavo ‘!Aiou Atua, jau kala lup̃ilup̃i kiniou, a tiniem riia kiniou, kiniou toro na kariano.’

Luka 18:13 ပူးပေါင်းရင်းမြစ်များ

Mataiu 10:3

Vilip; Bartolomio; Tomas; kiniou Mataiu, napano nebe toro na var bijii takis; Yemesi napano Alveas kenerinio; Tateas;

Mataiu 6:5

Ana na Yesu berii bunu, berinavo “Verenio bogo napano kamiu kubolkouo, mia maka rivu ka jau kala takii bajago napano nailikuleiano nalo kialo. Nalo ajidom m̃elea ka atumolu ka abolkouo joomo ea yimo na volkouano, a tavio ea vio medave nalo, ka tomu nalo amijikia aialo. Vameneano na kulo dolu na, nina ga be mauo, mia maka bunu ajikia avokar vite dolu bereio.

Mataiu 9:13

Bo ka kamiu kuvisidomii nioti na iliano tai napano joa Iliano Lu, napano Atua naio berenio, berinavo ‘Kiniou maka nesidom kenemiu sida nalo mia kiniou nejidom tinievuiano toa kenemiu meuliano nalo.’ Kiniou maka nemei ka novio nalo napano ajidomii aber nalo abe tomu na amemedu ruei, p̃eli ga, mia kiniou nebinimei ka novio tomu na bova nalo ka atakisor kiniou.”

Yesu Kristo Kiano Ioluano Vou Napano MAK Bivitauiaio 11:25

A ea bogo nonovio na kamiu kuvisidomii ka kubolkouo, kamiu monoka tiniemiu maio ka bunu, ka ver titai joaso bija toro dolu, monoka koviekokoa beamu, karina jau komijikia kotumolu koverialio ea kiamo volkouano nene van Atua. Verver jau kala tibena, mia Karam̃ado na tiniabene, naio bunu mia sidomii ka riviekokoaso ka kiamo vovaiano nalo.”

Luka 17:12

Naruei nalo amiel bano-o, vaataro ka ayotuba ea m̃arkomeli tai, abitavo bija taara tai na tomu na burumieni, nalo duelimo, napano ajujum̃a ea ikim̃arabo.

Luka 22:41

Naio ber jibe na kalo, bisi ana na naio juvanlo, ba lie denlo telisu ga, naruei minie ka sudu jaano ana bolkouo ban Atua.

Luka 23:48

Mia tiniobi na toru napano abinimei vio takurano ea vio nei, nalo bunu amial vite nalo nei napano m̃a amila ka Yesu, tiniel miia naio toru laka na. Avona bisi, ana na abanvan bereio, amiel bija burum̃ara jogvaiano, abano bere ea kialo vonuo nalo.

Luka 5:8

Mia Saimon Pitere mial tenei, naio bitilubar ka Yesu ga mila tenei ea kiano burum̃ara moroano lu nei, ana minie tano ea Yesu jaano, berinavo “Tubo, kiniou nobe toro na bova ga tai. Bo laka ka kovuro den kiniou, jau kotu re vaataro ka kiniou.”

Im̃auano 2:37

Mia bogo napano tomu nalo amijog iliano nei, nalo amijog jibe ka julu kanalo m̃aravuo ba bokar kanalo buruiu memedu, naruei ana nalo abika den Pitere a atevi dolu nalo, aberinavo “?Banalo, mia kumemi nuvila tum̃abe naruei?”

Romo 5:8

Atua kiano tinietiiano toru laka jibe na naruei, kar bogo napano kito tomu na kariano nalo roju parido jikili kia ga, Kristo binimei m̃aro kar kito.

2 Korin 7:11

Kamiu bunu kuvijikia kuvitilubar ka jogvaiano napano Atua jianio maluvo kean kamiu, naio mila im̃auano novo tai. Mila kamiu kumisidomii temi laka ea kenemiu meuliano, a kumila vonvon laka ka kuvila siemiu amei rivu bereio. Beamu, tiniemiu mimi napano aberii vovaiano napano jo iviso kean kamiu, a bogo napano nomil ban kamiu biorio, kumial von m̃arabo ana kumerou. Kamiu ga kuvitumormolu kuvil van kamiu bereio, a kuvisian vironiano van nalo napano amila bova, ka vovaiano tai re bunu toa kamiu.

1 Timoti 1:15

A iliano tai jo, napano romijikia ravarkar tiniedo eaio, napano bo ka aviniu ajev ea kialo meuliano, napano ber jibe nei, berinavo Kristo Yesu naio batove yetano ea yetemeriba nei ka rilarur nakariano na vabe kiano meuliano. Mia ea tomu nalo na m̃a amila kariano jibe na, nemial jibe ka kiniou nebe natukamuano kalo, kiniou nobova loa ka nalo abiniu,

Abe Kulo Ju 4:16

Jibena, ana kito romial ka napano robe kiado m̃arabo naruei napano romijikia ralavon ka rojian kija kito romei vaataro ka Atua kanano jobaro lu, napano be burupati na tiniememiano. Kito romerou re bunu, rasaaro ga ka romei ea Atua, ana na mia rovokar kiano tinieiiano ea kiado meuliano, rovitiio ka kiano tinievuiano naio mijai kito ea bogokouo vaio na rojoaio.

Abe Kulo Ju 8:12

Kiniou neberkar ka kialo vovaiano nalo, mia nevie kokoalo ga, a kialo kariano nalo, mia nosidomialo re bunu. Naina naruei be kanaku virakariano vou bija kanaku tomu nalo.” Jeremaia 31:31-34