Luka 16:8 - Verikariano Vou Na Baki

⁸ “Ana iorou kanio, ana toro na toru nei naio bitilubar vite nei, ana naio ber ka kanano toro nam̃a jenjen kanano puruveru nalo beamu, naio berinavo ‘Riano ga, jau kobina vatitigio ka kiniou, ana namial jibe kanamo masouano tenia, jau kobe pariparimo kija ga na.’ ” Naruei Yesu berinavo “Kamiu kumial kulorinio nalo na yetemeriba nei, bogo nam̃a amim̃au bija puruveru, mia abe masou ka bo, nalo amijikia bajago na ala bilbilu vija tomu nalo, ka mia tomu nalo nene ala rivu kalo iorou bereio. Mia kiniou nemial ka napano keneriku nalo na miamoiano, va telabo nalo maka ave masou batitig rivu ka aim̃au vija puruveru napano Atua jian banlo.

Luka 16:8 ပူးပေါင်းရင်းမြစ်များ

Mataiu 17:26

Naruei Pitere berinavo “Tomu dolu nalo ga monoka avuluio.” Ana Yesu berenio “Nao, jibe na naruei, a nina berenio m̃aratavo nalo na parinio tubo nalo, maka ajikia avuluio. A kiniou naruei, nebe m̃aratavo na Parinio Tubo na Yimo Lu napano memedu, mia kiniou maka nejikia novulu takis na ajum̃a abika denso na.

Luka 16:10

“Toro na bar ka naio batitig bo ea im̃auano na kiritavaso ga, mia kito ramijikia ravarkar tiniedo ea naio ka mia naio rivar naio ka im̃auano na toru bunu. Mia toro na mim̃au maka rimemedu ea vite na telisu, mia naio rim̃au rivova lie vo ea vite na toru.

Luka 16:4

Mo bo ga, kiaku m̃arabo naio tibe nei. Mia note vatove kija bereio tomu nalo kialo jabue nalo, mia asaaro ka kiniou-o mia monoka avitikar vatitig kiniou ka bogo na ver toro na toru rivukular kiniou den im̃auano nei.’

Luka 16:7

“Mia naio bano, ana dolu binimei, ana naio bika denio, berinavo ‘?Koig a jau, kanamo jabue venia?’ Ana naio berdop̃e, ber ‘Bake na uiti tormomou takurano [100] ga.’ Ana naio berkanio, berinavo ‘Mo, mia kito ve juo rete rivatove ga. Ninei be kanamo jabue nene, jau kototano, ana koyolkon bulag sop̃elia nana beamu, ana kovivitauia kar ve duelimo va arolu [80] ga.’ Naruei naio mila jibe na-o mila nonovlo abiniu.

Luka 18:6

Ana Yesu mil ban nalo nam̃a ajum̃a amije tilinielo ka jamerijiano nei, ana naio berinavo “?Kamiu kuviagago vatitig ka toyovo nei kiano iliano nam̃a berenio? Bior tira nei jegi va telabo banio, mo mia naio monoka sidomii vite nam̃a tira na naio jom̃a bikanio.

Luka 20:34

Naruei na Yesu berdop̃elo berenio berinavo “Ea yetemeriba nei ga tomu nalo ajum̃a ajorjoro,

Luka 20:35

mia nalo napano Atua ber ka amijikia ameul bereio ea nam̃ariano, ka ava jouro ea kiano vio, mia maka bunu ajikia alaio. Ka bogo na, maka bunu asorsoro kalo,

Jone 12:36

Telikiti napano kiniou burupati na yulu nojo kia ga bija kamiu, bo kamiu kumonea kiniou, ka kuvijikia kumei kuve tomu na miamoiano.” Mia bogo na Yesu ber iliano nalo nei bisi, naio juvanlo aju, naio ba jo luku ea vio tai napano ajikia re amei bunu rivior naio eaio.

1 Korin 3:18

Monoka kuvidu venia napano nojo neberenio nei, maka rivu ka kuvisidomii kuver be titai iakurano ga. Ver kamiu tai ber naio be masou bo ea jikiaiano nalo na yetemeriba nei, bo lie ka naio tuvan jidomiano sibisibiano nalo na atu. Ea tivelinio na jikiaiano nalo na yetemeriba nei, naio monoka rila naio tibe toro vovu tai ga, ana ver rila tibe na, mia naio mijikia ve masou vatitig ea Atua kiano jikiaiano.

Eveso 5:8

Nanua beamu, ana kamiu kube tomu nalo na melijokouo ga, mia vonganei, napano kumitua kiado Tubo, kamiu kumitua kiano miamoiano bunu. Tibe na, monoka kuviel tulaka ga tibe ka kamiu kube tomu na miamoiano nene nei ruei,

Vilip 3:19

Kanado uolu nalo nei, vite na amilotu kanio, naio be mabolo ga. Kanalo vovaiano nalo bo ka aimou kanio, mia abarvar kalo laka. Vite na m̃a bujovujo ea kanalo jidomiano nalo, abe tena yetemeriba nei, mia kanalo jukuti, naio avakovio rivova.

1Tesa 5:5

Kito maka bunu rove tomu na melijokouo na bogiano, a rove tomu na miamoiano na legiano ruei.

1 Pitere 2:9

Mia tibena re van kito, bior napano robe taara takurano napano Atua naio bitirilario, robe taara takurano na parinio kulo lu tai na rovitikar kiano vio, roju jouro ea kanano buruvenuo lu, robe tom nalo na kanano m̃aratavo memedu. Kito naruei napano robe tomu na memedu nalo ka ravamenea naio, ka roverial kanano tinienovoiano na mila ban kito, napano naio buru bulag kito den melijokouo, ana jii kito rojua kiano miamoiano na bo laka.

1 Jone 3:10

Ea m̃arabo nei naruei kito romijikia ka rovitilubar batitig ga kei na be Atua kenerinio, a kei naio be Sim̃aro kenerinio. Toro na maka rila rimemedu p̃eli na toro na maka tinien tii kiano m̃aratavo, toro na jibe na naio maka ve Atua kenerinio leleio.