Luka 15:18 - Verikariano Vou Na Baki

¹⁸ Ver tibe na, bo laka ka kiniou nalavon ka navan bereio ga, noim̃au kija ga tavukialo. Mia kiniou nava naial teta, never kanio, neverinavo “Aiou teta, kiniou namila burum̃ara kariano va tai ban Atua, a banso bunu.

Luka 15:18 ပူးပေါင်းရင်းမြစ်များ

Luka 15:21

Ana m̃eaku mil ban karam̃ano naruei, berinavo ‘Aiou teta, kiniou nomila burum̃ara kariano va tai ban Atua, a banso bunu. Vonganei, maka rimemedu ka jau keial kiniou notibe ka kenerimo.’

Luka 18:13

“Mia toro na takis naio jo mijog bova bior kiano kariano tealo nam̃a milaio, mia niabene buru vurebure jibe Atua bitii kiano meuliano maka rimemedu leleio. Naruei naio niabene p̃ili ka riva vaataro keanio, naio jumolu ju koalabo ga, mia maka sidom sirarago rivavin mave, naio jurubanini naio jom̃a mijubaluba bairene, naio jegi naio berinavo ‘!Aiou Atua, jau kala lup̃ilup̃i kiniou, a tiniem riia kiniou, kiniou toro na kariano.’

Mataiu 6:14

“Bior ver kamiu kuviekokoa tomu nalo na abijuku jorokor ban kamiu, mia Karamemiu na joa vio mave naio riviekokoa kenemiu vijukuano torokoriano nalo bunu.

Mataiu 6:9

“Bior vite na, memedu ka mia kamiu kubolkouo tibe ka volkouano nei, napano naio berenio, berinavo ‘Karamememi napano jau kojoa vio mave, memedu ga ka tomu nalo atu avatove ka siamo lu.

Mataiu 3:6

Ana aber bulag kialo kariano nalo banio, naruei naio baruei ealo ea m̃arauei na vio Yortano.

Mataiu 7:11

Riano ka kamiu kube kulo va ga nalo, mia maka kamiu tai rijikia rila tibe na, kamiu kumitum̃a kumisaaro dam̃ariga ka kuvisian vite novo nalo van kenerimiu nalo. Jibe na ga, ver bogo napano kamiu kubika vite tai den Karamemiu na vio mave, mia naio jaaro ga ka sian vite novo nene nalo rivan kamiu kenerinio vevinio nalo rivavin ve toru laka vo.

Luka 11:2

Ana Yesu mijamo kanio, naio berinavo “Mo, ver kamiu kuvisidom kubolkouo, kamiu kumijikia kuver tibe nei, kuverinavo: ‘Karamememi, memedu ga ka kumemi nuvitu nuvatove ka siamo lu. Kumemi nubolkouo ka kiamo navenatuboiano rimei.

Luka 15:17

Mia bogo napano jidom ka rila tibe na, naio bitilubar naio bereio, naio mial ka kiano bijuku m̃eteano ga mila lelan naio bereio. Mo naio tinien maio bereio ka karam̃ano bija kiano vonuo, naio berinavo ‘Riano ga, kiniou nomiavovu toru laka. Kiaku bijuku m̃eteano ga mila kiniou nam̃aro ka vituiano ea vio nei, mia kosidomii von nalo nam̃a atibe ka tomu na im̃auano ga na teta kanano. Naio jom̃a jian sinaniano novo nalo telabo banlo ka legiano nonovio ga, maka ajikia asen nonovio.

Luka 15:19

Vonganei, maka bunu rimemedu ka jau keial kiniou tibe ka nebe kenerimo tai, mia nobika denso ka tiniem riia kiniou ka noim̃au kija ga tavukia nalo nam̃a amim̃au kanamo.”’