Luka 15:10 - Verikariano Vou Na Baki

¹⁰ Ana na Yesu mila meravo ka Varisis nalo, naio berinavo “Naruei mia tibe na ga bunu ea vio mave. Ka bogo napano ver toro na kariano ga tai naio rivilig kiano meuliano, mia Atua kiano nailiano nalo aialio mia saariano ve toru laka ea vio mave.”

Luka 15:10 ပူးပေါင်းရင်းမြစ်များ

Luka 15:7

Ana Yesu mila meravo ban Varisis nalo, berinavo “Mia tibe na ga bunu ea vio mave. Tomu telabo napano ajua vio yetemeriba nalo ajavukia kamiu, be tinielo ka aber nalo amemedu ruei, ana p̃eli mia saariano na mave rivior kamiu tomu kinkin na jibe na kovio? Mia ver toro na kariano tai ga, naio rivilig kiano meuliano, mia ve burum̃ara saariano ea vio mave, riva lie vo ka mia ve burutomoruo laka. Vite na naruei mila ana tinieku jaaro ka notukunu vija tomu nalo nam̃a kamiu maka tiniemiu tiilo.”

2 Korin 7:10

Tibe na, jogvaiano nei naio be jogvaiano novo tai napano binimei mave, napano mila toro bilig naio ka rijikia rijev ioruriano. Mia jogvaiano dolu, napano jogvaiano na yetemeriba nei, naio be jogvaiano va tai napano mia rila toro rijog rivova ga riva rivokar m̃ariano.

Luka 13:5

Mia makanio, naio bunu maka tibe na. Mia kiniou neber bereio ka kamiu, neber monoka kuvitikar kamiu rivu, bior ver kuvilig re kamiu, mia kumijikia kum̃arm̃aro bunu ea bajago na tai jibe na.”

Mataiu 18:14

“Mia karamemiu na vio mave, naio bunu jibe na, naio maka sidom ka kiritete nalo nei tai rilaluvu m̃arabo riva kovio.”

Abe Kulo Ju 1:14

Naina naruei be iliano na maaro ea tivelinio nei, na m̃a berii jum̃abe ka Atua kiano nailiano nalo na aim̃au kanano ga, nalo abe niununo nalo na m̃a abar kanano iliano, a nalo na ka m̃a ajai kito na m̃a rojev ioruriano, mia be toro tai jo napano naio loa lievo kalo, nina naio be Kenerinio Lu na Yesu, napano Atua mil maariano ban kito eaio.

Im̃auano 11:18

Naruei ea bogo napano nalo nei na Yerusalemo neibano nalo amijog Pitere kanano iliano, nalo maka bunu ajikia averenio titai vanio, mia nalo ajaaro ga toru, a nalo abamenea Atua toru laka, aberinavo “!Riano ga na o-o! Vonganei ga kito robitilubar vatitigio ka Atua naio jaaro m̃ele ban nalo napano maka ave kulo Ju bunu, ana na naio midu buluvio banlo bunu ka mia nalo amijikia aviliglo, a ka nalo amijikia avokar meuliano riano ea naio.”

Luka 7:47

Mia kiniou neber batitig banso, ka tira nei, kanano kariano nalo miroano laka, mia kiniou nebiekokoa nonovlo biniu ruei, ana mila na tinien jii kiniou toru laka. Mia kiniou nemial ka toro na kanano kariano maka ve toru, kiniou nebiekokoa naio, mia naio tinien jii kiniou maka rive toru.”

Mataiu 18:10

Ana Yesu berii bunu, berinavo “Kamiu monokanio kuvitikar batitig kamiu rivu ka mia kamiu kuviakurano re ea kanaku kiritete nalo nei tai bogo tai. A ver makanio, ana mia kamiu kuvitikar kamiu, bior tete nalo nei abe kanaku, ana nalo abe kanalo nailiano nalo napano ajua vio mave, napano ajum̃a abitikar batitiglo, a nailiano nalo nene, nalo aju bogo nonovio ea Teta na joa vio mave mirano.

Vailimon 1:15

Riano ga ka napano Onesimas naio buro denso, ana mia kei rijikia, p̃eli Atua ga mila naio jaluvo denso ka bogo na bulati tai jibe na, ka vere naio riviedu easo bereio, mia naio ve kiamo bo kanio naruei, rivano-o mia to toboto.

Im̃auano 5:19

Aju ga banbano-o na ka bogiano, ana Atua kiano nailiano tai binimei, ana betavo ea m̃aratavo na yimo na tetavokoiano nei, ana naio jukamu ka atevi nalo aba tavio bereio.

Mataiu 10:32

Ana Yesu berinavo “Toro napano riverial ea tomu nalo miralo, riverinavo naio be kiaku toro tai, toro na, mia kiniou bunu neverial ea Teta na joa vio mave mirano never toro na naio be kiaku.

Luka 12:8

Ana na Yesu berenio, berinavo “Kei nam̃a berial kamu ka tomu nalo miralo ber naio be kanaku toro tai, mia kiniou Kulorinio Kenerinio, kiniou bunu neverial siano van nailiano nalo na mave ka toro nene be kanaku.

Luka 12:9

Mia toro kei nam̃a berial kamu ka tomu nalo miralo ber naio maka ve kiaku, mia kiniou Kulorinio Kenerinio kiniou bunu neverial van nailiano nalo na mave never toro na naio maka ve kanaku.

Luka 15:9

Ana bogo napano rilealio, mia naio rivio nalo na ea kiano m̃aratavo, p̃eli na kiano bilbilu dolu nalo, ka amei. Ana naio tukunu kanio vanlo, riverinavo ‘Ai, abe vite tanie napano romijikia rojog rivu ve toru kanio. Kanaku burum̃ara kurukuveru tai nemilaluvuio mijoru banbo kovio tai, mia karina, nejiragio bano-o ana nemilealio bereio. !Bogo napano nemilealio, kiniou nomijog bo-o mia!’ ”

Luka 15:11

Mia Yesu kiano jamerijiano na maariano na tivelinio nei, naio jibe nei, napano berenio berinavo “Kulovu tai, be kenerinio sum̃ano juo, nam̃a aju amim̃au bijaio ea kialo borotano.