Luka 12:4 - Verikariano Vou Na Baki

⁴ Ana na Yesu ber ka bunu kiano naiagagoano nalo, naio berinavo “Banalo, kiniou neber ka kamiu ka kamiu kumerou re ka nalo nam̃a amijikia aue tam̃aria mokotenemiu nalo ga, karina mia maka bunu ajikia ala titai bereio ka niunumiu nalo.

Luka 12:4 ပူးပေါင်းရင်းမြစ်များ

Mataiu 10:28

“Kamiu kumerou re ka nalo na amijikia auetam̃aria mokotenemiu, bior napano nalo maka ajikia auetam̃aria niunumiu, mia monokanio kamiu kumerou ka ga Atua, napano naio mijikia rila lelan mokotenemiu vija niunumiu ea vio na jogvaiano.

Navisip̃eiano 2:10

“ ‘ “Mia be riano, p̃eli mia vesiou re kamiu tealo monoka avar burum̃ara jogvaiano nalo rivior napano kumonea kiniou, mia kumerou re. P̃eli Sim̃aro naio mijikia rila ka mia avuku kam tealo avan ea nalakoiano, ka naio to rila vonvon kamiu, mia nemijikia never ka mia naio rijikia rila lelan kamiu ea jogvaiano nalo riva rivokar legiano ve duelimo ga. Ver tibe na, monoka kuvitu sikili riva rivokar bogo na mia adular kenemiu jegi, mia ver kuvijoru re ea bogo na, mia bogo na koviyotuba kean kiniou, mia nesian burum̃ara ijaiano van kamiu, nina be batubatu niogo na meuliano.

Vilip 1:28

Mia kamiu kumerou re, tiniemiu ribobogia venia na vede mia uolu nalo ala van kamiu. Ver nojog ka na kamiu kumitu kumila jibe na, mia rivu mia rivu, bior ka mia naio be kijokijo na Atua rivan uolu nalo ka riuedomlo, a ve kijokijo na Atua rivan kamiu ka mia naio rilarur kamiu.

1 Pitere 3:14

Mia vede bogo tai aial kito roju romila bo jibe ka napano Atua naio jidomio, naruei romiilo ka napano ajumolu amila bova ban kito biorio. Ana ver tibe na, monoka reial jogvaiano nei naio maka ve vite tai, naio be ilivuiano tai ga napano Atua naio mije ban kito. Romijikia rosidomial iliano tai na niosi na tormoruo naverialiano Aisea, napano naio ber jibe nei, naio berinavo Atua kanano toro, jau komemebiju re, jau monoka komerou ka re venia na m̃a tomu nalo na yetemeriba amijikia amerou kario. Aisaia 8:12

Yemesi 2:23

Naruei vite nei naio mila ana Iliano Lu nei naio be riano bunu, napano naio berinavo “Epraamo naio biekouo ea Atua, a kar vite na ana Atua mila Epraamo naio binimei memedu bija naio.” Mo vonganei, rojum̃a robio Epraamo kia ga vo roberenio naio be Atua kiano bilbilu.

Im̃auano 20:24

Mia naio bo ga na, bior napano maka nevitii kanaku meuliano naio rive vite tai, p̃eli na mokotenaku, ka monoka nesidomiio m̃elea, p̃eli ga. Mia kiniou nejidom titai takurano ga, ka mia nemijikia novuro ga rivano-o mia novokar juluvati na im̃auano napano Tubo Yesu midu joaio jum̃aku, ka napano monoka neverial Ioluano Vou na Bo na Atua kiano na tiniememiano ea vio reraio ga.

Im̃auano 4:13

Naruei tomu na tortoru nalo nei amiilo toru, bior nalo abitilubar ka Pitere naio Jone naljuo maka ave tomu na tortoru leleio, a naljuo maka ajikia vite ve telabo, mia naljuo nei maka niukniuku rivielo leleio. Naruei nalo amileal bunu ka beamu, tomu juo nei amiel naliko Yesu bogo nonovio.

Jone 15:13

Maka bunu ve tinietiiano dolu tai ka mia rivu lie tovulu tinietiiano napano mia toro tai rijamo ka kiano meuliano, naio rim̃aro ka rilarur kanano bilbilu.