Luka 12:37 - Verikariano Vou Na Baki

³⁷ Mia burum̃ara ilivuiano van tomu nalo nam̃a amim̃au jibe na, ka bogo napano kialo toro na toru boru keanlo, mia nalo aju rorea ruei, nalo ajevijo aju. Mia kialo toro na toru naio saaro ve toru kalo, ana na mia naio riva riija naio, karina mia rimei mia amiilo ka naio riviolo ka amei atutano ea kiano vio na sinaniano, naio biovio ka sinaniano novo tai banlo.

Luka 12:37 ပူးပေါင်းရင်းမြစ်များ

2 Pitere 3:14

Bilbilu nalo, nina naruei roju rorea naio ka rimei rivuru kito ravan ea vio nene, mia bogo napano maka rovokar vo, monoka ralavon ka rove lu, rotu romeravo, a rotua tum̃aro.

Mataiu 24:42

“Tenene na mia kamiu monokanio kuvitikar vatitigio, bior kamiu maka kuvijikia ea legiano na vabe napano mia kenemiu Tubo naio rimei bere eaio.

Vilip 1:23

Kirisikili laka ka neviti veve kanaku m̃arabo juo ka nevijauia tinene, bior ea tivelinio nene, tinieku jii toru ka kiniou nemijikia notuvan yetemeriba nei, ka nava noto vija Kristo, naio rivu laka keano vo,

1 Korin 2:9

Tomu nalo maka avitilubar Atua kiano jidomiano tibe na, naio jibe Vivitauiano Lu tai, napano berenio jibe nei, berinavo Tenalo na bo napano toro mirano maka lele rialio, p̃eli maka lele toro tiliniene rijogio, p̃eli toro kiano iviso maka lele sidomiio, mia tenalo na naruei Atua mila vatitigio ju ka kiano tomu nalo napano tiniel jii naio. Aisaia 64:4

Navisip̃eiano 14:13

Ana kiniou nomijog iliano tai juvan vio mave, berinavo “Ninei be iliano tai ka jau kovivitauia bulagio. Naio ber, tikar vonganei rivano, nalo na mia am̃arm̃aro, napano kialo meuliano naio jo bo ea Tubo jum̃ano ruei, mia nalo avar ilivuiano ve toru.” Iliano nei bisi, ana nomijog Niununo mijamo kanio, berinavo “Nao, nalo na mia kialo im̃auano novo nalo amei mave vijalo, a vonganei, mia aim̃au re bunu, mia nalo aje kialo jilimebiano na bo.”

2 Pitere 1:11

Ver kamiu kuvitu kuvila tibe na, mia kuvijikia re kuvijoru bogo tai, a m̃aratavo na riva joomo ea Yesu Kristo kiano navenatuboiano napano naio be Tubo a Ioruriano na kiado, mia naio rivetavo ea batig van kamiu. Mia ala vorvoruano na bo van kamiu ka kuva kuvitu vija naio to toboto.

Jone 12:26

Toro Ju p̃eli na toro Krik nam̃a ber jidom rim̃au kiaku, jidom riija kiniou, naio monoka takisor kiniou dam̃ariga. Mo ver naio to takisor kiniou tibe na, mia vio vabe nam̃a nava notoa, mia naio bunu mijikia rivija kiniou. Toro nam̃a be kiaku naim̃auano, mia Atua sian sio na bo van naio.”

Luka 21:36

Mia monoka kamiu kuvitu derevijo dam̃ariga, monoka kuvitu kubolkouo ka kuvijikia kuvitu sikili ka kuvilarur kamiu ea vite nalo na mia ayotuba, rila ka mia kamiu kuvijikia kuva kuvitumolu kuvitu ea kiniou Kulorinio Kenerinio miraku.”

Navisip̃eiano 7:17

bior nunu solbouo napano naio jo iviso ea vio lu nene mave, mia naio rivaganlo, rivuru m̃arabo kalo avan ea burupati uei na meuliano, ana mia Atua naio riolkon nono jogumiralo den miralo.’ ”

Navisip̃eiano 3:21

“ ‘ “Naio napano ju jikili ba jovulu na bova, mia najamo ka naio rijikia totano biju vija kiniou ea jobaro lu na kanaku, javukia ga napano kiniou bunu nojuvulu kanaku uolu, a na iorou kanio karam̃aku buru kiniou nojotano biju bija naio ea jobaro lu na kanano.

Vilip 1:21

Venia na joa kiniou naio jibe nei, berinavo ver kiniou nemeul, mia Kristo kiano meuliano na bo naio to vija kiniou, mia ver kiniou nam̃aro, nava noto vija naio, naio bo lie vo bereio.

Luka 17:8

Mia toro na toru monoka river kanio ga riverinavo ‘Mo, mia kava kovorosebi beamu vo. Verenio sinaniano rimenoko, ana kava koyovovua so rivu, ana kavar saku rimei ka nesenio, a nomunuio, bisi, ana mo jau komijikia koviovio samo.’

Luka 12:43

Mia bogo na toro na toru naio rimei bereio, mia naio rileal ka kiano toro na im̃auano nei, naio jo bokar batitig im̃auano nalo nene kiano vo. Mia ka bogo na, mia toro na im̃auano nei naio rijog rivu ve toru laka,

Luka 22:27

“Ka bogo na sinaniano, toro tai jotano ana toro dolu bar sano sinaniano binimei banio. Naruei naljuo nei, na vabe nene napano amial jibe ka naio toru lie loa tinene? Kamiu kumijikia, mia kiniou maka netibe ka naio, mia kiniou nebinimei ea yetemeriba nei jibe ka naio nam̃a mila im̃auano, miija kulo dolu nalo, bijuku bo kalo.”

Navisip̃eiano 16:15

“Kamiu kuvitikar, mia kiniou nemei vina ga ea kamiu, mia kuviilo ka kiniou tibe ka napano ver toro na vinauano tai rimei. Toro na ver mison vatitig kiano saba nalo, ju rorea ruei ju jevijo kia vo jororea kiniou ka kumemi ve juo nuvano, mia rivu laka van naio. Ana mia nalo dolu aiilo ga, atikiti mom̃a tanea vio, avar burum̃ara imouiano ka bogo nene.”