Luka 12:14 - Verikariano Vou Na Baki

¹⁴ Ana na Yesu berdop̃e, berinavo “Ai, abe vite na maka ve kanaku ka nalaiio. Kiniou maka nove toro nana mia netibure kamiu.”

Luka 12:14 ပူးပေါင်းရင်းမြစ်များ

Romo 2:3

P̃eli jau tai napano kojo kojidom ka jau kobo bior napano kojo komil ban toro napano mila korovio tuboiano, a jau bunu kojo komila korov, mia bova jau kojo kojidom ka vironiano na mia Atua sianio mia maka rijikia rivakarso.

Romo 9:20

A mia kiniou noverdop̃e ka iliano nalo na, kiniou neber: Koig, makanio, jau kobe toro ga, jau kobe titai napano Atua jiio, mia jau kola vonio re ka kodukian kiamo iliano mave ka naio bereio. Naio jibe ka napano toro tai jo mim̃auka baju na tano nalo. Bogo na naio mim̃auka baju na tano tai karina, ana baju nei maka rijikia tumolu ril vanio bereio riverinavo “E, kar venia jau komim̃au kirivova ka kiniou jibe na?”

Romo 2:1

Jibe na, ver jau toro Ju tai napano kojo komial vovaiano nalo na kulo dolu nei kialo, mia jau kosidomii tum̃abe kanio? P̃eli jau kosidomii ka jau kobo, nalo abova, mia maka leleio, vovaiano na joaso be verare ga, mia maka bunu kojikia kover titai. Jau kobe toro na tibure kulo dolu na, a kojo kojibureso bereio kar napano jau kojo komila tena javukia napano kojo kojibure dolu nalo kanio.

Jone 8:11

Ana tira neibano naio berdop̃e, berinavo “Tubo, maka bunu toro tai.” Mia Yesu berenio berinavo “Bo ga, mia kiniou bunu natiibureso re. Jau komijikia kava vonuo bereio ga, mia kola re bunu kariano bereio.”

Jone 6:15

Naruei nalo aju ajidomii ka ava avokar Yesu, ajidom atutuaio ka avitirilar naio rimei rive kanalo parinio Tubo, mia bogo napano naio mijog lubar ea naio venia napano ajidomii ka alaio, naio jaluvo denlo, miel naio takurano ga ba bavin lie vo ea burusuku nalo nei.

Luka 5:20

Mia bogo na Yesu mial vite nei, mijikia ka nalo aju abiekouo kilkilii ea naio ka mia naio rijai toro na mieiano nei, ana naio berkanio berinavo “Koig, kiniou nebiekokoaso ka kiamo vovaiano nalo.”

Luka 22:58

Karina maka vesiou ga, nalo tai mial Pitere, bitilubario, ber “Ai, jau bunu, kobe nalo tai na.” Mia Pitere berdop̃e berinavo “Ai kema, abe makanio.”

Luka 12:13

Naruei tiniobi nei napano aju nei nalo tai, naio bio ban Yesu, berinavo “Naverloglogiano, kuruaku naio jom̃a mijukubin kiniou-o mia, naio maka tom̃a tan ka batitig karamememi jajum̃ano rivija kiniou. Bo kanio mia jau kover kanio ka naio rila rive verare ga vija kiniou.”