Luka 10:40 - Verikariano Vou Na Baki

⁴⁰ Mia ka bogo na, Marita maka tovon ka riagago, naio jom̃a bukudeli toru ka rila vite nonovio riviniu tu vatitig rorea Yesu, a naio jo jidomii bijovijon ka im̃auano nalo nei. Mia iorou kanio, ana naio binimei mial Mere naio jom̃a jotano, naio jom̃a miagago ka Yesu, naruei naio ber ka Yesu, berinavo “Tubo, kulueku na naio jotano kurano ga jum̃abe na, napano kiniou ga takurano nojom̃a nomila vite nonovio nalo. P̃eli jau maka koto kovitilubar koviobo, mia bo kanio jau kover ka rimei riija kiniou.”

Luka 10:40 ပူးပေါင်းရင်းမြစ်များ

Mataiu 14:15

Mia bogo napano m̃erenio batove, ana Yesu kiano naiagagoano nalo abinimei kean naio, aberinavo “Tubo, vio nei maka rivu, a vaataro ka vio rimelijo bunu. Bo ka jau keiila tiniobi nalo na avanvan bereio ea komeli nalo, ka avulu salo sinaniano tai.”

Mataiu 16:22

Naruei Pitere biolar Yesu denlo, ana naio jikar mil jikili banio, berbureio, berinavo “Yesu, monoka mia Atua naio riverbure tena. Vite nalo na maka rijikia rimaluvo kaso tibe na.”

Yesu Kristo Kiano Ioluano Vou Napano MAK Bivitauiaio 3:21

Naruei Yesu kiano torogio nalo amijog ka napano Yesu naio jo mim̃au m̃ele jibena, a nalo amijog bunu ka tomu nalo ajum̃a amil dieio, aberinavo “P̃eli kema nei, naio milaluvu parinio ruei kovio!” Mia Yesu kenieno bija kuruano nalo aban ka ajidom ka alavon ka avurular naio den tomu nalo nei.

Luka 10:38

Mia ka bogo na, Yesu naliko kiano naiagagoano nalo ajum̃a amiel abavin mave Yerusalemo, naruei nalo amalmaluvo ea m̃arkomeli na telisu na Betani, ana ea vio na tira na Marita naio buru Yesu ban ea kialo vonuo.

Luka 10:41

Mia kiado Tubo berdop̃e naio berinavo “Marita, jau kobe tira tai nam̃a kojo kojidom bijovijon vite m̃ele, a jau kojom̃a komijog bova m̃ele ka vite telabo na jibe na.

Luka 12:29

“Bior vite nalo na, mia maka rivu ka kenemiu iviso rivujo ka jidomiano nalo na, kuverinavo ‘?Tum̃abe ana na mia rosinan, a romunu, a releal kulum̃arauo?’ Mia maka rivu ka kuvitum̃a kuvisidomii bijovijon m̃elea laka tibe na.

Luka 9:55

Mia Yesu naio bilig naio banlo, berbure kialo jidomiano na jikili nei.

Jone 11:1

Mia bogo napano Yesu naio jo laka kia ga vo, mieiano na jikili tai binimei bokar kiano bilbilu tai, napano naio be Lasaros. Naina be Lasaros napano kuviviniene juo be Mere naio Marita, a nalo tolu nei tena komeli na telisu na Betani vaataro ka Yerusalemo.

Jone 11:5

Yesu tinien jii Marita toru laka bija kulueno na telisu a kum̃anelo nei, a naio mijog bova toru kalo, mia maka rimonloglog bogo na tenei vo.

Jone 12:2

Kumemi numitu bijalo jibe na bano-o, ana nalo nei aber ajidom ala Yesu sano sinaniano tai. Ana telikiti na amila batitig vite nalo biniu, kumemi nubinimei numitutano, Lasaros bunu jotano bija kumemi, naruei kuviviniene nei Marita naio jom̃a barvar simemi sinaniano binimei.

Jone 6:27

Mo, kanaku ilirianiano van kamiu naio jibe nei: kamiu kuvitum̃a kuvisidomii m̃ele re rivior sinaniano ga napano naio be tena bogo bulati ga naio joono bereio. Mia bo kanio kuvim̃au sikili rivior sinaniano nei na m̃a naio mijikia to dam̃ariga to, naio mijikia to to riva rivokar bogo na meuliano nei napano naio maka ve jukuti nene. Be riano, mia kiniou Kulorinio Kenerinio nemijikia nesian meuliano nene van kamiu, bior ka napano teta Atua naio jekarlar kiniou takurano ga ka nela tibe na.”