Luka 10:33 - Verikariano Vou Na Baki

³³ Mia iorou ka bereio, toro dolu tai, napano naio jo miel ea kiano burutili m̃arabo na, naio binimei. Naio be tete re Sameria tai, naruei jibe napano romijikia, nalo nene abe bilbilu va toru naliko kito kulo Ju nalo. Mia bogo na naio binimei bokar vio na, mial toro na m̃ariulu mijoru mon ea m̃arabo, mia tinien miia naio toru.

Luka 10:33 ပူးပေါင်းရင်းမြစ်များ

Luka 7:13

Mia Yesu nalo aju amial nalo napano m̃a aju amiel abinimei, mia bogo na kiado Tubo mial taanou nei, naio tinien miiaio toru laka-o mia. Naruei naio ban vaataro kanio, berkanio, berinavo “Ai, jau koteg re bunu.”

Mataiu 18:33

?Mia jum̃abe ana maka kejikia tiniem riia bunu kiamo bilbilu dolu, tibe ka napano kiniou tinieku miiaso jukamu ruei?’

Mataiu 10:5

Mia Yesu naio mil batitig ban nalo duelimo ba juo [12] nei, karina naio miila bulaglo abano. Ilivatitigiano napano naio berii kalo, nainei, naio berinavo “Mia kamiu kuvan ea re nalo napano maka ave kulo Ju nalo, a kamiu kuvan ea re m̃arkomeli nalo na vio Sameria vo.

Jone 8:48

Mia Yesu kiano ilisikiliano nalo nei mila tomu na tortoru na Ju nalo amijog bova, ana nalo abika denio, aberinavo “Kumemi numijog aber jau maka kove Ju rimemedu na, jau kobe niabe leri na Sameria ga tai. Ana kumemi numial napano sim̃aro tai joaso, naio jom̃a milaso kobe kodovo kija. ?Iliano nalo na abe riano, p̃eli na makanio?”

Jone 4:9

Ana tira nene, naio maka rijikia Yesu, mia bitilubar ka naio be toro Ju tai, mia miilo toru laka ka napano naio mil batitigio bo ban naio jibe na, bior ka bogo na, kulo Ju nalo bija kulo Sameria nalo abe bilbilu va maka avior kalo. Ana tira nei naio bika den Yesu, naio berinavo “?Jum̃abe na jau, kobe toro Ju, komil ban kiniou tira na Sameria, na jau kobika uei den kiniou?”

Luka 10:32

Ana iorou kanio, ana toro dolu tai miel binimei. Naio be Livai nalo tai na, napano ajum̃a amila im̃auano nalo nonovio ea Atua Kunuano Lu, mia bogo na binimei bokar toro nei, naio bunu maka sidom rijai naio, naio miel ga barlaka ban ea ikim̃arabo tivelinio ban ga.

Luka 10:34

“Mia naio binimei vaataro keanio, ana jekon batitigio kiano niajebijo nalo, a mia titikivaka ealo, a bitakar batitiglo bo. Naruei naio burular toro nene jumolu, midu jotano mon mave ea kiano togki taakano, ana miel ka bija naio bano-o abinimei abokar vio tai napano be yimo na jilimebiano tai joaio. Ana naio buru toro neibano ba joomo ea vio nene, miija batitig naio bo mia bo laka.