Luka 10:29 - Verikariano Vou Na Baki

²⁹ Mia tete nei nao mijikia ka naio maka tom̃a rila rimemedu tibe na, mia naio jidom rila sop̃eiano, naio bika den Yesu, berinavo “?Ana be kei nalo napano m̃a ajuju vaataro ka kiniou, napano kiniou monoka nala rivu kalo?”

Luka 10:29 ပူးပေါင်းရင်းမြစ်များ

Yesu Kristo Kiano Ioluano Vou Napano MAK Bivitauiaio 8:34

Ana Yesu bio tiniobi nalo bija kiano naiagagoano nalo, ka amei ea naio, ana ber kalo, berinavo “Toro na jidom takisor kiniou, naio monoka sidomii iakurano ea kiano sidomiano nalo, monoka rudu kiano m̃akolkolo, ana takisor kiniou.

Luka 10:36

Naruei Yesu bika den toro neibano bika vikadeniano nei denio, berinavo “?Jau komial tukunu nei jum̃abe? ?Ka nalo tolu neibano amiel ea m̃arabo napano toro nei jo mon eaio, na vabe kalo mila banio jibe ka napano naio be toro tai napano jo vaataro ka naio?”

Luka 16:15

Ana Yesu mil banlo berinavo “Kamiu tiniemiujii ka kuvila ka napano mia tomu nalo aial kamiu tibe ka tomu na memedu nalo, mia Atua biti dulu venia napano joa kenemiu iviso. Vite miroano napano m̃a tomu nalo amiaia, aberinavo naio bo, mia ea Atua kiano vitiiano tenalo na abova ga.”

Romo 10:3

Nina bior napano nalo aju ajakii kialo jidomiano ga, a nalo maka asidom atakii m̃arabo napano Atua mim̃aukanio ka toro rijikia rimei rimemedu ea mirano bereio.

Romo 4:2

Naio mila im̃auano novo telabo napano Atua jaaro kanio, a im̃auano nalo nene na maka ala naio rimemedu ea Atua mirano. Verver naio rimei rimemedu kar kiano im̃auano, p̃eli naio mijikia rivarvar ka naio bereio, mia maka tibe na. Maka toro tai napano mijikia rivarvar ea Atua mirano bior im̃auano napano naio milaio,

Kalesia 3:11

Tenene na meravo vatitig ban kito ka napano maka toro rijikia rimei rimemedu vija Atua kar ga naio monea tuboiano na, mia jibe ka Atua kiano Iliano Lu berenio, napano berinavo “Toro napano memedu bija Atua kar ga barkar tiniene ea Atua, naio ga mijikia rimeul.”

Yemesi 2:24

Bior vite nalo na, romijikia ka releal ka Atua naio mila toro memedu bija naio bior kiano bajago novo na kanano meuliano bunu, a maka ka ga kiano viekouoiano ga.