Luka 10:28 - Verikariano Vou Na Baki

²⁸ Ana Yesu berkanio, berinavo “Nao, jau kober kirimemedu tanea na. Mia ver jau kala tibe na, mia jau kovokar meuliano na kojom̃a kobikanio na.”

Luka 10:28 ပူးပေါင်းရင်းမြစ်များ

Mataiu 19:17

Ana Yesu berkanio, berinavo “?Jum̃abe ana kobika den kiniou jibe na, ka never im̃auano na bo tai vanso? Atua ga takurano naio bo, a verenio jau komonmonea kiano tuboiano nalo, ana mia jau komijikia kejev meuliano na bo nene.”

Kalesia 3:12

Iliano nei naruei naio berii bajago na viekouoiano, mia romijikia reial bajago na viekouoiano nei vija bajago na moneano na tuboiano, naljuo maka aveverare leleio. Nina bior bajago na moneano na tuboiano, naio jumolu jua tivelinio vite nalo napano toro ga mijikia mim̃aukanio, jibe ka napano Iliano Lu berenio berinavo “Toro napano mila saba nalo nonovio napano tuboiano berenio, mia naio mijikia rivokar meuliano eaio.”

Romo 10:4

Nalo aju ajikili ka aber ka ajogkar tuboiano, naio ga be m̃arabo, mia m̃arabo nene bova ruei, kar napano kito robiniu romila korovio tuboiano nalo. M̃arabo napano kito rober ka romemedu bija Atua bior napano romijogkar tuboiano, Kristo juko ruei, a naio mim̃auka kiado m̃arabo vou tai. A vonganei, ver romonea ka Kristo bar bulag kiado kariano nalo, naruei Atua mijikia rila kito romei romemedu ea mirano.

Romo 3:19

Ee, iliano nalo na amiyotuba ea Atua kiano tuboiano, a kito romijikia ka venia napano Atua kiano tuboiano berenio, naio jo jiloglog kito kulo Ju. Kito roju yetano ka tuboiano na, a toro na bitilubar venia na tuboiano na berenio, naio maka bunu iliano ka verenio, naio mijikia ka yetemeriba reraio amila kokorovio, monoka aviniu ka avar vironiano kanio.

Luka 7:43

Ana Saimon berdop̃e ban Yesu, naio berinavo “Kiniou maka nejikia, p̃eli na kanano jabue burutomoruo laka kovio, naio monoka sidomii naio rivu lie.” Ana Yesu berenio berinavo “Nao koig, naio jibe na naruei.”

Yesu Kristo Kiano Ioluano Vou Napano MAK Bivitauiaio 12:34

Mia Yesu mijog kiano verdop̃eiano naio bo, naio be masou, naruei naio berkanio, berinavo “Kiniou neber kaso, neberinavo, jau kojo vaataro ruei, ka mia jau kava jouro ea Atua kiano navenatuboiano navo.” Ana mia iorou ka bogo na, maka bunu toro tai rila vonvon Yesu ea vikadeniano bereio.

Romo 7:10

a nobitilubar ka monoka novar vironiano riviorio, nam̃aro. Jibe na, bajago na moneano ea tuboiano naio maka ve m̃arabo na vokariano na meuliano, mia tuboiano binimei jibe m̃arabo na m̃ariano na kanado ruei.