Luka 1:76 - Verikariano Vou Na Baki

⁷⁶ Keneriku, mia avioso ka Atua Loa Laka kiano Naverialiano, mia kotukamu ka kala vatitig Tubo kiano m̃arabo.

Luka 1:76 ပူးပေါင်းရင်းမြစ်များ

Mataiu 14:5

Mia Parinio Tubo Erot milavio ka ruebin Jone, mia naio merou kija kanio kulo Israel nalo, bior nalo amonea Jone aberinavo naio be kialo naverialiano tai.

Mataiu 21:26

Mia maka rejikia rover varueiano na tomu nalo ga aberii ka Jone, ver tibe na p̃eli mia tomu nalo na mia nalo ala titai ka kito kovio na, bior nalo amonea Jone ruei ka aberenio naio be Atua kiano Naverialiano riano tai.”

Mataiu 3:11

Kiniou nojukamu nebinimei, nojom̃a nabaruei ea kamiu ka uei ga, ka rila rimeravo ka kamiu kuvilig kamiu ruei, mia be toro dolu tai napano jo binimei iorou ka kiniou. Naio jo loa kiniou, a kiniou maka navare ka neive kar kiano kulubue, p̃elina nala kiano im̃auano dolu tai. Mia naio naruei mia rivaruei ea kamiu ka Niununo Lu vija kiano sebi ka sisen kon bulag iorosoro nalo den kenemiu meuliano nalo.

Mataiu 3:3

Mia ninei be toro napano Naverialiano Aisea naio jom̃a berial nua ruei, berinavo “Toro tai bio jouo ea vio yauo, berinavo ‘Kamiu kuvila Atua kiano m̃arabo rimemedu, ka mia naio riyotuba ea kenemiu meuliano nalo.’” Aisaia 40:3

Yesu Kristo Kiano Ioluano Vou Napano MAK Bivitauiaio 11:32

Ana kito maka rejikia rover bereio Jone kiano varueiano nene naio miyotuba ea tomu nalo kialo jidomiano ga, ka ver maka mia tomu nalo tiniel ser kito!” Tomu nalo na tortoru nei nalo amerou ka aver iliano nei, ka nalo amijikia ka tomu nalo aju amonea Jone jikil ruei ka naio be Atua kiano naverialiano tai na be riano.

Luka 1:32

Iliano Lu re nua berii kenerimo nene ruei, na naio berinavo ‘Naio mia rive toro na toru, a mia siano rive “Atua Na Loa Laka Kenerinio,” a Atua Tubo rila naio rimei ve parinio tubo tai, napano ridu jeleig korobinio re nua nene, napano parinio tubo Teviti,

Luka 1:35

Ana na nailiano berdop̃e, berinavo “Mia Niununo Lu rivatove easo, a mia moroano na Atua Na Loa Laka kiano rimei sovokoso, ana na mia jau kop̃igi. Ana bior mia jau kotibe na, mia nalo averinavo kiritete lu napano mia jau koduio be ‘Atua kenerinio.’

Luka 6:35

“Mia kiniou neber ka kamiu, neberinavo: Monoka tiniemotii kanamo uolu, a mia kovijuku rivu kanio, a mia kajamo ka kanamo veru tibe na ga, napano kosidom bijovijon re ka na naio bario, ka mia naio mijikia rivar kean bogo tai, p̃eli na mia naio rivar kean lele re bunu. Mia ver jau kotom̃a kalala tibe na, kojom̃a kabar bajago na karam̃ado, Toro na Loa laka, mia naio sian kanamo ijaiano tai na mia ve toru lie vo, bior naio be toro tai napano kiano iviso bo ga ka nalo na maka atu aver siva vanio, p̃eli na nalo na ajum̃a ajidomial nalo ga bereio.

Jone 1:23

Ana kanano verdop̃eiano na ea bogo nei, naio jibe nei berinavo “Kiniou nebe niono kurano ga ea vio yauo, nam̃a Naverialiano Aisea beriio nua ruei. Kiniou nebe niono napano binimei ka riverial riverinavo ‘Kuvila vatitig rivu m̃arabo nalo na Tubo kanano ea kenemiu meuliano nalo.’ ”

Jone 1:27

Naio loa lie laka ka kiniou, jibe ka napano kiniou maka navare ka nava vaataro ka naio, neiel vijaio, p̃eli neivelar kanano kulubuei.”

Jone 3:28

Javukia napano kamiu kumijikia batitigio ruei, nam̃a kiniou nojom̃a neberial julaka ga, ka kanaku im̃auano, kiniou maka neve Naverikariano, mia nebinimei beamu ka naio ga, ka neverial ka naio jo binimei ruei.

Im̃auano 16:17

Naruei kumemi numiel nuban jibe na, mia niatira nei jakisor kumemi naio iorou, naio jom̃a miagiaga toru ban tomu nalo nonovio ga, jo berinavo “!Ai! Abe tomu nalo na nalo abe tomu na amim̃au Atua kanano napano meul ea vio sop̃i mave. Nalo naruei amijikia averial m̃arabo na ioruriano van kamiu.”