Luka 1:7 - Verikariano Vou Na Baki

⁷ Mia vite takurano ga, naljuo maka ve kenerilo tai, bior tira nei Lesveti naio jumolumu ga, mia vonganei naljuo abinimei abe kulo moruo nalo laka ruei.

Luka 1:7 ပူးပေါင်းရင်းမြစ်များ

Luka 1:5

Tukunuano nene naio jikar jibe nei: Ea bogo nam̃a Parinio Tubo Erot naio jo mije tuboiano ea tanobuku na vio Yutea, toro lu tai, naio be m̃aratavo na Abija, a naio buru tira tai napano naio bunu miyotuba ea yati na kulo lu nalo, nina ea m̃aratavo na tormoruo Erono, Mosis kuruano re nua laka. Toro nene siano Sakaraia, a koano, siano Lesveti.

Luka 1:6

Mia naljuo nei, kialo meuliano kiri memedu laka ea Atua kiano vitiiano, ka nam̃a amonmonea kiano tuboiano, a nalo ajum̃a amila bajago nalo na memedu kam̃a amila bogo nonovio ga, maka atum̃a ala belea tai.

Luka 1:8

Mia ka bogo tai, naio be bogo na Sakaraia kiano taara nalo monoka ava ala sida ea Atua Kunuano Lu, tavukia nam̃a taara nalo amila terakurano ea sude nalo.

Romo 4:19

Ea bogo nei, naio mijikia ka naio bija koano tira Sera, kialo m̃erenio vaataro ka rijoru naruei, napano kiano yuka bokar toromomou [100], a koano tira maka lele rivar tete kija vo, mia kiano viekouoiano maka leleio rijoru.

Abe Kulo Ju 11:11

Tai bereio, naio be tiramoruo Sera. Ea kiano viekouoiano ea Atua, naio be m̃abono ka kenerinio motoru neibano Aisak. Beamu, naio maka rijikia rivar kiritete banbano-o binimei be tiramoruo, mia naio biekouo ju jikili ea Atua ka mia Atua rive riano ea kanano verikariano van naio vija kanano tormoruo Epraamo, ka mia naljuo avar kenerilo tai.