Kalesia 4:6 - Verikariano Vou Na Baki

⁶ Mia vonganei, jibe napano robe kenerinio nalo, naio juvan kenerinio kiano Niununo binimei ea kiado iviso, napano naio mila na kito romijikia rovio Atua, rover “Teta, Teta.”

Kalesia 4:6 ပူးပေါင်းရင်းမြစ်များ

Romo 5:5

a baleano ea Atua rila kiado jidomiano maka rijikia rijoru leleio kar titai bogo tai. Nina bior ka Niununo Lu napano naio jian ban kito, bogo nonovio jo mison vatitig Atua kiano burum̃ara tinietiiano ba joomo ea kito banbano-o kito robujo vatitig eaio.

Romo 8:9

Mia jau napano Atua kiano Niununo joaso, jau maka koiel ea bajago na kariano napano abariso bijaio, mia monoka koto koiel ea Niununo nei kiano moroano napano Kristo jian banso. Mia verver toro tai naio jo napano Niununo nei maka toaio, toro nene maka ve Atua kiano.

Vilip 1:19

Naina naruei, bogo na kiniou nomijog ka siano jo batavio ruei, najaaro toru, a ver bogo tai nojog ka kanano im̃auano naio jo jidel dolu bo kiano vo, mia nojog rivu lie vo eaio. Vonganei nojoa vio tai na namial jibe ka amidu kiniou nojoa juluvati na nam̃ariano, mia maka ve kanaku m̃arabo na nemijikia nataluvo den bereio, mia bogo na nomijog ka kanano im̃auano jo bavin jibe na, miijalar kanaku jidomiano bereio, mila na nabarkar tinieku lie ea kenemiu ilivolkouano nalo, bija ijaiano nalo na Niununo na Tubo Yesu Kristo kanano, ka mia rivu van kiniou keano na vo.

Eveso 2:18

Ana bior vite nalo nei napano Kristo naio mila ruei, vonganei kito nonovio robe kiado m̃arabo tai ea Niununo tai ga, ka romei ea karam̃ado mirano.

2 Korin 3:17

Ana bogo napano iliano nei ber ka Mosis bilig naio bitikar Tubo, iliano nei Tubo jo ber ka nina napano Atua kiano Niununo Lu. A kito romijikia ka vio vabe Atua kiano Niununo joaio, tomu nalo amijikia ataluvo den moroano na vovaiano, ana amijikia ajev meuliano.

Eveso 4:30

Kamiu kuvila re Niununo Lu riumou, a rijog rivova, ea kenemiu ilivovaiano nalo, bior Niununo Lu napano, Atua midu joa kamiu jibe ka kiano tovo, napano naio berial berinavo kamiu kube kiano, a ka riverial bunu, ka mia naio rivuru bulag kamiu ea bogo na tagap̃iano.

M̃esi Napano JUT Bivitauiaio 1:20

Mia kamiu, kanaku bilbilu nalo, bo ka kenemiu im̃auano nalo ea kanado moneano lu naio jo bavin lie dam̃ariga. Monoka kubolkouo dam̃ariga ka moroano na Niununo Lu.

Jone 16:7

Mia makanio, naio monoka tibe na ga. Neber be riano ban kamiu, mia rivu laka van kamiu ka nataluvo den kamiu, bior ver navan re, mia Niununo na ijaiano naio maka rijikia rimei, avona ver navano, mia neiila naio rimei ea kamiu.

Jone 14:16

Mia kiniou noto re bunu vija kamiu, ana mia nevika den Teta ka mia naio riila toro dolu tai ka riija kamiu ka mia ridu jeleku ea kenemiu. Naio napano mia rimei, mia naio to vija kamiu dam̃ariga,

Luka 11:13

Be riano ka kamiu kube tomu na kirivova ga nalo, mia maka kamiu tai mijikia rila tibe na, kamiu kumitu kumisaaro julaka ga kam̃a kumisian tonovo nalo ban kenerimiu nalo. Jibe ga na, bogo napano kamiu kumitum̃a kubika den karamemiu na tiniabene, naio jaaro ga ka sian Niununo Lu van kamiu kenerinio nalo.”

2 Korin 1:22

Atua bijauia kito ka robe kiano, naruei naio jian Niununo ju joomo ea kito, jibe verikariano tai ka mia kitoliko naio ea bogo nonovio napano ju ka rimei.

Jone 15:26

“Mia kiniou neber ka kamiu, ka mia neiila Niununo na ijaiano taluvo ea Teta mave riyotuba ka kamiu, napano naio be Niununo na jaluvo ea Atua kanano meuliano, napano be Niununo na ilirianiano. Mia naio rimei riverial kiniou lie vo van kamiu,

Luka 11:2

Ana Yesu mijamo kanio, naio berinavo “Mo, ver kamiu kuvisidom kubolkouo, kamiu kumijikia kuver tibe nei, kuverinavo: ‘Karamememi, memedu ga ka kumemi nuvitu nuvatove ka siamo lu. Kumemi nubolkouo ka kiamo navenatuboiano rimei.

Jone 3:34

Kanano iliano nene nalo, naio miila Naverikariano naio binimei berial ban kito ruei, ana romijikia ka iliano nalo nei abe riano. Nina bior bogo na Naverikariano binimei, kito romial ka napano naio mil ea moroano na Niununo na Atua kanano, bior Atua jian kanano Niununo banio, maka ve torogio ga, mia momonio garuei.

1 Pitere 1:11

Ajum̃a aberenio, mia maka ajikia batitig ka mia naio rim̃auka tum̃abe, p̃eli mia naio rim̃auka ea bogo na vabe. Amijog ga ka napano Niununo na Naverikariano na kanano naio jo betavo ea banlo ka beamu, mia nalo ala kiki naio ve toru, mia iorou, ilivuiano novo nalo amijikia amalmaluvo, mia ajikia re ka mia Naverikariano naio ve toro na jum̃abe, p̃eli naio be kenia.

Eveso 6:18

A vija vite nalo na, kamiu monoka kubolkouo bunu, monoka kuvika den Atua ka rijai kamiu. Bogo nonovio ga, monoka kuvitum̃a kubolkouo ea moroano na Niununo Lu, mia kuvitu tiniemiu rimaio ka namoneano lu dolu nalo tulaka ea kenemiu volkouano nalo, napano mia miremiu nalo ve temi re bogo tai.

Navisip̃eiano 19:10

Mia nomijog naio mil jibe na ban kiniou, neminie tano kanio, nojidom nolotu vanio, mia naio berbureio. Naio berinavo “To, jau kala re tibe na van kiniou! Jau monoka kolotu van Atua naio ve takurano ga. Kiniou nebe toro na kanano im̃auano ga, nejibeso ga, nejibe bunu kuruamo dolu nalo napano m̃a aju jikili ea Yesu kanano ilirianiano. A bo laka ka napano kamiu kumitum̃a kumila jibe na, bior ka napano burupati nioti na visip̃eiano nonovio na be riano napano aberial beamu binimei, naio be Yesu ga na, bija kanano ilirianiano napano kamiu kumitum̃a kubokar jikili.”

Eveso 1:13

Mia kamiu kulo dolu nalo bunu, napano kamiu maka kuve kulo Ju nalo, kamiu kumijog iliano riano nei ruei, napano be Ioluano Vou napano kubokar kenemiu ioruriano eaio. Kamiu kumonea Kristo ruei, ana kubinimei kube Atua kiano tomu nalo ruei. Ana bior kamiu kube kiano, Atua naio midu tovo na vite na monea kamiu, napano naio jian Niununo Lu ban kamiu, jibe ka napano naio berkario.

1 Korin 15:45

A bunu, romijikia rosidomii toro moti nei napano Atua jiio, napano be Atam, bija Atam na maariano napano midu joa yetemeriba, napano be Kristo. Iliano tai berenio ber Atam, Atua jii naio binimei bija mokotenano tai napano meul, ana Kristo, Atua miila naio binimei bija niununo tai napano be burupati na meuliano.

Im̃auano 16:7

Ajum̃a aban jibe na, ana bogo napano abinimei vaataro ka tanobuku na Mesia, amila vonio ka ava tove ea tanobuku na toru Bitinia, mia bogo tai bereio, Yesu kiano Niununo maka rijamo kalo ka avan tibe na.

Jone 7:39

Mia Yesu kiano iliano nei, naio jijamerji ka Niununo Lu, bior ka napano naio mijikia ka iorou, nalo na m̃a amonea naio, mia avokar Niununo Lu. Mia ka bogo na, Niununo Lu naio maka rimei vo, bior ka napano Yesu naio jo kia navo ea yetemeriba nei, naio maka riva totano ea kiano vio lu na mave vo.

Yesu Kristo Kiano Ioluano Vou Napano MAK Bivitauiaio 14:36

Jau komijikia komila vite nonovio, mia kiniou nobika denso ka jau kodular baja na jogvaiano den kiniou, ka mia kiniou nomunu eaio re. Mia jau kala re tibe ka na kiniou nejidom, mia be kiamo ga.”

1Tesa 4:8

Tibe na, toro napano maka tinien saaro ka verloglogiano nalo nei, naio monoka rivitilubario ka maka toro kiano iliano ga na naio jo bukular, a naio jo bukular Atua kiano iliano ga na, nina napano midu kiano Niununo joa kito, napano naio be Niununo napano be Lu.