Kalesia 2:17 - Verikariano Vou Na Baki

¹⁷ Mia kito kulo Ju nalo, kito roju rojidomii roberiam̃a tuboiano nei mila kito romemedu kitoliko Atua ruei na, mia maka tibe na. Mia verenio be riano ka kito kulo Ju bunu, monoka romonea ga Yesu Kristo bunu ka romemedu kitoliko Atua, neber p̃eli tomu tealo amijog bova ka iliano nei. P̃eli nalo alavon ka aver iliano na mila ana kito kulo Ju robinimei robe tomu na kariano beverare ga tomu nalo napano maka ave kulo Ju. ?Ana p̃eli nalo amila von ka aver bunu ka tibe na, nina sano nene berenio Kristo nei naruei mila kito kulo Ju robinimei robe tomu na kariano ga? Mia makanio, nina maka tibe na leleio garuei.

Kalesia 2:17 ပူးပေါင်းရင်းမြစ်များ

1 Jone 3:5

Mia bogo na Yesu naio binimei ea yetemeriba nei, naio binimei napano maka kariano toa naio leleio, naruei naio binimei ka rivar bulag kiado kariano nalo.

Kalesia 2:15

A ka bogo na, kiniou neber vatitig ka nalo jibe na neberinavo “Kito romiyotuba ea bajulukuti na kulo Ju, kito maka ve kulo dolu nalo, tibe ka nalo napano kulo Ju nalo aju ajidomii aber nalo amiagiago ga.”

Romo 11:7

Kito romijikia ka kito kulo Ju nalo, robiniu roju rojirag kiado m̃arabo ka romei rimemedu vija Atua, a kito telisu ga romialio. Ana ver tibe na, mia tum̃abe ka nalo dolu na? Nina berenio ka nalo miroano napano nalo pariparilo jikili laka, ana nalo maka aial m̃arabo nene vo.

Abe Kulo Ju 8:2

Naio joa vio na, naio mila kiano im̃auano lu, javukia napano parinio toro lu nalo re beamu amila lotuano joomo ea yimo lu panpano nei ea vio yauo. Mia vio na lotuano nei, tomu nalo ga amim̃aukanio, mia kiado parinio toro lu Yesu, naio jom̃a mim̃au joomo ea vio na lotuano na bo laka, nana be riano, napano Atua ga mim̃aukanio.

Kalesia 3:21

A nina maka river ka tuboiano rilavio ka riverbure Atua kiano verikariano, makanio. Ver Atua naio mijikia sian tuboiano dolu tai bereio napano ver kito rojogkar nonovio, ana mijikia rila kito romeul, p̃eli naio jian tuboiano nene ban kito ruei ka romijikia romemedu vija naio naruei.

Kalesia 2:11

Iorou ka nina, kiniou nabatove bereio, naba nojoa komeli napano Antioko, naruei ka bogo na Pitere naio malivo ka kumemi ea vio na, ana kiniou nejikil noju kamu ea namoneano nalo miralo, neberbure naio, bior meravo batitig ka vaio napano naio mila maka memedu.

Romo 15:8

Mia bo ka rola tibe na, bior napano Kristo binimei ea yetemeriba, maka rila im̃auano rivan kulo Ju nalo ga, mia mila bunu ban nalo napano maka ave Ju. Jibe ea tivelinio na kulo Ju, naio mila nonovio vite napano Atua kiano Iliano Lu nalo aberenio, mila napano verikariano nalo napano Atua mila ban Ju nalo kialo bajulukuti, nalo amolmoluo abe riano.

Romo 3:6

maka tibe na leleio! Verver Atua naio maka tibure kito kulo Ju, p̃eli maka rivu ka naio tibure kulo dolu napano maka ave Ju, mia makanio, naio memedu a naio takurano ga be natibureano.

Romo 3:4

P̃eli kito tomu nalo romila sibi bogo nonovio, a Atua naio be riano bogo nonovio jo, jibe na napano Parinio Tubo Teviti naio ber ea Niosi na Iouano nalo, napano ber Mia nalo aialio napano jau kobe riano ga ka kanamo iliano nalo ka kotiburelo, a mia nalo ajidom atibureso bereio, mia jau komemedu ga kojo. Iouano 51:4

Mataiu 1:21

Mia Mere naio rivar tete sum̃ano tai, mia monoka jau kesisia siano ka Yesu Naioruriano, bior mia naio rilakon nonovio kiano tomu nalo kialo kariano nalo.”

Luka 20:16

Neber ka kamiu neber tomu kirivova nei, mia naio rimei ruelo, am̃arm̃aro ea bajago kouo tai, a mia naio rudu kiano jiosi nei toa tomu dolu na bo nalo jum̃alo.” Ana bogo na amijog Yesu naio ber jibe nei, amijog lubar ka iliano nei be ilivaniano tai, ber jibe ka kulo Ju maka asidom naio napano be Atua kenerinio, ana mia Atua rivuru tomu nalo na maka ave kulo Ju adu jelelo. Ana vite nei nalo maka asidom ajogio, naruei nalo amil jikili aberinavo “Vite na jau kojom̃a koberiio na, Atua maka lele rijamo ka mia riyotuba tibe na.”

Kalesia 6:14

Naruei ea kiniou, maka bunu ve titai ka nesidom navarvar ka kiniou kanio, mia kiado Tubo Yesu Kristo kiano m̃akolkolo ga napano nabarvar kiniou kanio, bior kiano m̃ariano mila bajago nalo na vio yetemeriba nei nalo abinimei jibe ka vite nalo napano am̃arm̃aro ga ea kiniou ruei, ana mila kiniou bunu nebinimei nejibe ka toro na m̃aro tai ea bajago na tibolboiano nalo na vio yetemeriba nei ruei.