Jone 9:7 - Verikariano Vou Na Baki

⁷ Ana naio mil banio, naio berinavo “Mo, jau kavano, kavatove ea bulukuei na Sailomo, kesekon batitig bereio miramo.” Uei napano Yesu berkanio, siano naio berenio “uei na riila rivano.” Ana toro nene naio batove, mila jibe na, mia mirano abinimei abo. Ana naio binimei bereio kean kumemi bija Yesu, napano naio mijikia bitilubar vite nonovio bo.

Jone 9:7 ပူးပေါင်းရင်းမြစ်များ

Jone 11:37

Mia tealo dolu nalo, aju abivika denlo, aberinavo “Toro na naruei nanua beamu naio mila na merebono mirano binimei bo bereio. P̃eli verenio naio sidom, naio mijikia rila ka napano kiano bilbilu naio maka rijikia rivakovio ga p̃eli?”

Jone 9:11

Mia naio berdop̃elo, berinavo “Toro m̃a na Yesu, naio naruei mim̃aukanio. Naio mila kitkiti bulukinia telisu ea titinio, naio miaia jeleig miraku, ana naio berenio navatove ea uei na Sailomo, nesekonio bulag den miraku bereio. Mia nemila ga jibe na, nabatove, nejekon miraku, namial jibe ka tinia miraku bo naruei.”

Im̃auano 26:18

ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”

Luka 13:4

“Mia kamiu kuvisidomii von yimo na siraragkuiano napano joa komeli na Sailomo. Naio bavin loa laka, mia bogo nanua naio mijoru, na jibirbil ea tomu nalo mia nalo duelimo ba arolu [18] am̃arm̃aro. ?Mia jum̃abe ka nalo na? ?P̃eli kumitum̃a kuber nalo na bunu abova loa ka kulo dolu nalo na vio Yerusalemo, mia nina naio jibe ka kialo vironiano tai, a?

Kalesia 4:4

Mia binimei bokar bogo nene memedu, Atua miila kenerinio binimei, napano tira tai bario, naio moluo ea vio yetemeriba nei, a napano naio moluo yetano ka kulo Ju nalo kialo tuboiano.

Romo 8:3

Tomu nalo amila vio ka amonea vatitig Atua kiano tuboiano ka avokar ioruriano eaio, a maka ajikia ala kar toro parinio kirisikili laka. A venia napano maka ajikia alaio, Atua naruei milaio. Naio miila kenerinio Yesu binimei ea yetemeriba, mila mokotenano a kiano meuliano, be verare ka kito tomu na kariano. Mia Yesu binimei mijamo ka mokotenano a kiano meuliano nei jibe sida tai ka uelar vironiano na kiado kariano.

Jone 10:36

Atua naio berii kiano tomu nalo jibe nei ruei, ana mia jum̃abe ka kiniou, napano kiniou ga takurano naio mioa kiniou miila kiniou nebinimei ea yetemeriba nei? Memedu ga ka neverenio ka naio be Atua karam̃aku, a kiniou nebe kenerinio, a mia kamiu kuber maka rivu ka naber jibe nei. Mia kamiu kuber nojom̃a namila niege Atua siano lu, mia maka tibe na.

Jone 9:39

Ana na Yesu mil, berinavo “Kiniou nebinimei ea yetemeriba nei ka nevitii tomu nalo, ka rila meravo ka tomu nalo nam̃a abe merebono, amijikia aial vite, a ka tomu nalo nam̃a aberiam̃a amijikia amial vite, ajikia ka abe merebono ga.”

Luka 2:32

javukia yulu tai napano jiloglogso ka kulo dolu nalo, a ka mia aiaia kumemi kanamo kulo Ju nalo, bior kenememi mermerano nei, Yesu.”

Mataiu 11:5

‘Merebono nalo, ajirarag bereio ruei, a nalo napano abe jaba milalo a abe javuluku milalo, vonganei amiel bereio ruei, a nalo napano burumieni milalo, vonganei niabele binimei meravo bo nonovio bereio ruei, a nalo napano abe bulubau nalo, vonganei amijog vite bereio ruei, a nalo napano am̃arm̃aro, vonganei nalo amemeul bereio ruei, a nalo napano abe talim̃asa, vonganei kiniou nojom̃a neberial Lilianiano Vou banlo ruei.’ Aisaia 35:5,6