Jone 9:5 - Verikariano Vou Na Baki

⁵ Mia vonganei, kiniou nojo yetano ea vio nei, kiniou nebe yulu na yetemeriba nei.”

Jone 9:5 ပူးပေါင်းရင်းမြစ်များ

Jone 8:12

Mo iorou kanio ana na Yesu mil banlo bereio, naio berinavo “Kiniou nebe yulu na yetemeriba, toro kei napano takisor kiniou, mia naio riel re bunu ea melijokouo, ana mia yulu na meuliano toa naio.”

Jone 12:46

Kiniou nebinimei ea yetemeriba nei, jibe ka kanano yulu, ka rila ka napano toro kei na rimonea kiniou, mia naio toa re melijokouo.

Im̃auano 13:47

Bior napano Iliano Lu tai berenio ruei napano kumemi monoka nuvila tibe na, napano Atua naio berenio, berinavo ‘Kiniou nebitiri larso ka mia jau komerera, kotibe ka yulu tai rimererali nalo napano maka amonea kiniou vo. Mia jau kavar kiaku ioruriano riva rivokar vio reraio nalo ea yetemeriba.’ ” Aisaia 49:6

Eveso 5:14

Mia bogo na miamoiano mila vite nalo amalmaluvo medave jibe na, vite nene nalo bunu amijikia amei tibe ka miamoiano. Vite nei javukia iou napano berii jibe nei, berenio “Jau napano komonmelio ruei, ketevijo, kotumolu ea nam̃ariano, komeul bereio, ana mia Kristo naio rimereraliso.”

Im̃auano 26:18

ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”

Navisip̃eiano 21:23

A nemileal ka napano komeli nei maka ve m̃erenio a siberio amerera eaio, bior napano Nunu Solbouo naio jibe sano yulu nene, Atua kiano miamoiano mila vio nonovio be burum̃ara mereraiano jo dam̃ariga.

Mataiu 4:16

Tomu nalo napano m̃a aju nunu ga, mia nalo aial burum̃ara yulu tai. Nalo na aju nunu dam̃ariga, ka mia m̃a am̃arm̃aro ga, mia burum̃ara yulu tai naio rimereralilo.” Aisaia 9:1,2

Im̃auano 26:23

Nina naio jibe na, napano Naverikariano, na bogo napano mia naio rimei riyotuba, mia tomu nalo monoka ala rivova ka naio, mia iorou, mia naio naruei ve toro na meul ve moti den m̃ariano bereio. A kiano tumoluano nene bereio den nam̃ariano, mia vite na naruei rive m̃arabo ka rivar yulu na ioruriano rimei rimiamo ea tomu nalo nonovio, kulo Ju nalo a nalo napano maka ave kulo Ju.”

Luka 2:32

javukia yulu tai napano jiloglogso ka kulo dolu nalo, a ka mia aiaia kumemi kanamo kulo Ju nalo, bior kenememi mermerano nei, Yesu.”

Mataiu 5:14

“Kamiu kumitavukia yulu na yetemeriba nei. Mia verenio m̃arkomeli tai toa suku levlevi mave, mia bogiano tomu nalo napano aju koalabo amijikia aial yulu na m̃arkomeli nene, tomu nalo napano ajuaio maka ajikia aduvan kanalo m̃arkomeli nei.