Jone 9:39 - Verikariano Vou Na Baki

³⁹ Ana na Yesu mil, berinavo “Kiniou nebinimei ea yetemeriba nei ka nevitii tomu nalo, ka rila meravo ka tomu nalo nam̃a abe merebono, amijikia aial vite, a ka tomu nalo nam̃a aberiam̃a amijikia amial vite, ajikia ka abe merebono ga.”

Jone 9:39 ပူးပေါင်းရင်းမြစ်များ

Mataiu 11:5

‘Merebono nalo, ajirarag bereio ruei, a nalo napano abe jaba milalo a abe javuluku milalo, vonganei amiel bereio ruei, a nalo napano burumieni milalo, vonganei niabele binimei meravo bo nonovio bereio ruei, a nalo napano abe bulubau nalo, vonganei amijog vite bereio ruei, a nalo napano am̃arm̃aro, vonganei nalo amemeul bereio ruei, a nalo napano abe talim̃asa, vonganei kiniou nojom̃a neberial Lilianiano Vou banlo ruei.’ Aisaia 35:5,6

Mataiu 6:23

Mia verver miramo rimeravo re rivu, mia maka kojikia kovitilubar vatitig toro dolu, mia koto kovitii kiamo saba nalo ga, ana koto kove viti kalo. Verver kala tibe na, kiamo iviso bujolou ka melijokouo, a ver melijokouo ritoa vio napano memedu ka yulu toaio, nina jau kojoa melijokouo na bobogio mia kiri bobogio laka.”

Luka 1:79

rimei rimererali kito napano m̃a rojua melijokouo, napano niununu nam̃ariano miununuko kito ruei, a mia rimei rimererali m̃arabo na tum̃aro ka rotum̃a reiel eaio.”

Luka 13:30

Mia tibe na naruei, ka nalo nam̃a aju iorou, mia atu tukamu, a nalo nam̃a aju jukamu, mia atu iorou.”

Luka 2:34

ana Simion mil bereio, milivu kalo, naruei naio mil ban Yesu kenieno, berinavo “Atua mila kiritete nei binimei ban kito na vio Israel ka rila kito ve telabo rojoru, a kanio rila kito ve telabo rotumolu bereio. Atua mila naio binimei jibe ka kijokijo tai, mia tomu ve telabo ail rivova ka naio,

Luka 4:18

“Niununo na Atua kanano naio joa kiniou ruei, bior Atua naio jiloglog kiniou ka kiniou naruei noioliolu ka Ioluano vou nabo rivan talim̃asa nalo. Naio miila kiniou nebinimei ka neverial van nalo na ajua lakoiano, ka vonganei, amijikia avanvan tavio bereio ga tibe na, a ka kiniou neverial ka merebono nalo, ka vonganei, miralo mijikia rimei rivu bereio. A naio miila kiniou, ka tomu nalo nam̃a ajutano, napano kulo dolu nalo ajum̃a amila kikilo julaka, mia kiniou novuru bulaglo, amei atua vio tai nabo bereio.

Luka 7:21

Mia memedu ka bogo napano abinimei ka avika vikadeniano nei, Yesu jom̃a mieliel ka tomu na mieiano nalo, a jom̃a mijil bulag niadu nalo denlo, a jo mila merebono nalo miralo abinimei abo bereio, ana Jone kiano naiagagoano nalo amial vite nalo nei.

Jone 12:31

Monoka tibe na bior ka napano vonganei be bogo na tibureiano na yetemeriba, be bogo na avukular parinio tubo sim̃aro na yetemeriba naruei.

Jone 12:46

Kiniou nebinimei ea yetemeriba nei, jibe ka kanano yulu, ka rila ka napano toro kei na rimonea kiniou, mia naio toa re melijokouo.

Jone 3:17

?Ana bior vaio Atua miila kenerinio nei binimei yetano ea yetemeriba nei? Maka riilaio rimei ka tibure tomu nalo na yetemeriba nei, mia miilaio binimei ka rijamo ka kanano meuliano ka rilarur kito.

Jone 3:19

?Ana vironiano nei napano mia Atua naio monoka rilaio, burupati nene be venia? Naina bior napano naio miila kanano yulu binimei ea yetemeriba nei, mia tomu nalo ajum̃a amila kikiio ga banbano-o na, maka asaaro kanio, mia ajidom ga bajago na bova tena melijokouo.

Jone 8:12

Mo iorou kanio ana na Yesu mil banlo bereio, naio berinavo “Kiniou nebe yulu na yetemeriba, toro kei napano takisor kiniou, mia naio riel re bunu ea melijokouo, ana mia yulu na meuliano toa naio.”

Jone 8:15

Kumitum̃a kumitibure kiniou ea jidomiano na toro, mia kiniou maka netibure toro leleio.

Jone 9:25

Ana toro nei naio berdop̃elo, naio berinavo “Naio be toro na bo p̃eli maka ve toro na bo, kiniou maka nejikia. Vite takurano ga na kiniou nemijikia, jibe ka. Nua beamu, miraku bono batitigio, mia vonganei kiniou nemijikia nemial vatitig vite nonovio.”

Im̃auano 26:18

ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”

2 Korin 2:16

Ana ea nalo napano aju aba kovio, bonoti nene bova jibe vite tai na m̃aro joono, mia ea nalo napano aju amijev meuliano, naio jibe bonoti novo na tanunu na meuliano. Nina naruei romial ka im̃auano na numitu numilaio, naio be im̃auano na toru tai, bior numioliolu ka Atua kiano iliano napano rijikia rila ka toro rijev meuliano p̃eli rijev m̃ariano.

Eveso 5:14

Mia bogo na miamoiano mila vite nalo amalmaluvo medave jibe na, vite nene nalo bunu amijikia amei tibe ka miamoiano. Vite nei javukia iou napano berii jibe nei, berenio “Jau napano komonmelio ruei, ketevijo, kotumolu ea nam̃ariano, komeul bereio, ana mia Kristo naio rimereraliso.”

2Tesa 2:10

Mia naio rila tibe na bior jidom rijukujuku tomu nalo nei kialo jidomiano, ka nalo avakovio. A mia naio rila bunu bajago va na ajikia avurudom kialo jidomiano ve dolu, bior nalo abe tomu na maka asidom Atua kiano ilirianiano, nalo maka asidomii leleio ka mia naio rijikia rivuru meul ealo.

1 Pitere 2:9

Mia tibena re van kito, bior napano robe taara takurano napano Atua naio bitirilario, robe taara takurano na parinio kulo lu tai na rovitikar kiano vio, roju jouro ea kanano buruvenuo lu, robe tom nalo na kanano m̃aratavo memedu. Kito naruei napano robe tomu na memedu nalo ka ravamenea naio, ka roverial kanano tinienovoiano na mila ban kito, napano naio buru bulag kito den melijokouo, ana jii kito rojua kiano miamoiano na bo laka.

1 Jone 2:11

Mia naio na m̃a jo jerm̃i ka kuruano, naio maka tibe na. Naio jo keano vo ea melijokouo, melijokouo mila jibe ka mirano miunu, naruei naio jom̃a miel vovu ea vio bobogio dam̃ariga, naio maka rijikia rivitilubar batitig kiano m̃arabo, naio maka rijikia vio na mia riagago sel eaio.