Jone 9:31 - Verikariano Vou Na Baki

³¹ Kito romijikia ka ver toro va naio rivio van Atua, mia Atua maka rijikia riagago kanio, mia ver toro na be toro nam̃a milotu ka naio a napano jom̃a mijogkario, ver naio rivio naio, mia naio riagago kanio.

Jone 9:31 ပူးပေါင်းရင်းမြစ်များ

Jone 11:22

Mia kiniou nomonea ka be kurano ka napano naio m̃aro, mia venia na ver jau kovika den Atua, mia naio rijamo ka ga vanso.”

Jone 15:16

Kamiu maka kuvijauia kiniou ka neve kenemiu, mia kiniou naruei nebijauia kamiu ka kuve kanaku, kiniou nebitiri bulag kamiu ka kuva kuvar m̃arati ea kenemiu meuliano nalo, m̃arati napano mia to toboto. Ana ver bogo napano kamiu kuvitum̃a kuvan tibe na, venia na mia kuvika den Teta na mave ea siaku, mia naio sian van kamiu.

Jone 4:34

Ana na Yesu ber kalo, berinavo “Makanio, sinaniano na kiniou nojo neberenio na naio dolu kiana. Saku sinaniano, naio be im̃auano na jogkariano na tinieiiano na naio nam̃a miila kiniou nebinimei yetano nei, a kiniou monoka noim̃au ka nonovio riviniu rivanvano-o na ribisi.

Jone 7:17

Ver toro tai saaro ka rila ga Teta kiano jidomiano, mia naio rila toro nene mijikia rivitii vatitig kanaku verloglogiano nalo. Mia toro nene naio mijikia rivitilubar ka kiniou maka noto neverloglog tomu nalo selia ga siaku, mia mijikia rivitilubar ka verloglogiano nalo nei, be riano laka ka amaluvo ea Atua.

Jone 9:30

Naruei toro nei naio berdop̃e, naio berinavo “!Tomnei, kiniou nemiilo va ka kamiu ka napano maka kuvijikia naio! Naio jom̃a mila burum̃ara im̃auano nalo jibe na, banbano-o na naio mila batitig miraku, mia kamiu maka kuvijikia ka naio be kei p̃eli na naio be toro re be.

Jone 9:32

Mia toro nene, Atua jom̃a miagago ka naio, bior jikar ea tikariano na yetemeriba nei binimei bokar vonganei, maka lele aial toro tai rilarur bereio toro napano naio miyotuba mirano bono.

Abe Kulo Ju 10:7

Karina, kiniou nojumolu neberial batitig banso, neber ‘Atua, kiniou najaaro ka nala kanamo sidomiano, nina ga kiniou nebinimei biorio, nina tibe ka ga napano Niosi Moruo naio berenio ber mia kiniou nalaio.’ ” Iouano 40:6-8