Jone 9:30 - Verikariano Vou Na Baki

³⁰ Naruei toro nei naio berdop̃e, naio berinavo “!Tomnei, kiniou nemiilo va ka kamiu ka napano maka kuvijikia naio! Naio jom̃a mila burum̃ara im̃auano nalo jibe na, banbano-o na naio mila batitig miraku, mia kamiu maka kuvijikia ka naio be kei p̃eli na naio be toro re be.

Jone 9:30 ပူးပေါင်းရင်းမြစ်များ

Jone 12:37

Yesu mim̃auka burutomoluo na tortoru telabo ea miralo ruei, mia be iakurano maka asidom amoneaio ga.

Jone 3:10

Ana Yesu berdop̃e banio, berinavo “Jau kobe naverloglogiano na toru tai na kulo Israel kialo ruei, mia kiniou nemial jibe ka vite nalo nam̃a kiniou nojom̃a neber bisivisiio banso na, jau maka lele kejikia vo, a!

2 Korin 4:6

A vite nonovio nei be Atua kiano im̃auano ga. Ea tiiano, Atua ber jibe nei, berinavo “Mia miamoiano rimei mereralii melijokouo napano jo,” a jo mila jibe na kea ban kito. Nina ga Atua nei napano jo mim̃au vonganei, mila kiano miamoiano merera ba joomo nonio ea kito, mila robakar miamoiano nei napano jo merera binimei den Kristo mirano, napano miyotuba nonovio ea Atua kiano mermerano napano joaio.

Luka 7:22

Naruei Yesu berdop̃e vikadeniano nei, naio berinavo “Kamiu kuvan bereio kuvoru ea Jone, ana mo kuverial vanio vite venia napano kumialio p̃eli kumijogio ea vio nei. Ajibe ka vite nalo nam̃a Naverialiano Aisea berial nua ruei, napano berinavo: ‘Merebono nalo, vonganei amial vatitig vite bo bereio ruei, a javuluku nalo, vonganei nalo amiel bo bereio ruei, a tomu nalo napano burumieni milalo, vonganei niabelo binimei meravo bo ruei, a nalo na abe bulubau, vonganei tilinielo bo bereio ruei, a tomu nalo na am̃arm̃aro, vonganei amemeul bereio ruei, a talim̃asa nalo, vonganei neberial Ioluano Vou banlo ruei.’

Mataiu 11:5

‘Merebono nalo, ajirarag bereio ruei, a nalo napano abe jaba milalo a abe javuluku milalo, vonganei amiel bereio ruei, a nalo napano burumieni milalo, vonganei niabele binimei meravo bo nonovio bereio ruei, a nalo napano abe bulubau nalo, vonganei amijog vite bereio ruei, a nalo napano am̃arm̃aro, vonganei nalo amemeul bereio ruei, a nalo napano abe talim̃asa, vonganei kiniou nojom̃a neberial Lilianiano Vou banlo ruei.’ Aisaia 35:5,6

Yesu Kristo Kiano Ioluano Vou Napano MAK Bivitauiaio 6:6

Mia Yesu miilo laka ka tomu nalo na kiano vio na, bior napano maka asidom amonea naio leleio. Ana naio juvan kiano vio na, ana ba jeliviv ea m̃arkomeli dolu nalo napano naio jo berloglog tomu nalo.

Mataiu 21:42

Naruei ana Yesu berii kalo berinavo “Ea Iliano Lu tai napano Atua kiano, be iliano tai jibe nei napano naio berenio ‘Puruveru na, tomu na amila yimo aberenio naio bova abukuio ban ruei, mia vonganei puruveru nene naio binimei be puruveru na bo tai ka bokar sudu na yimo ka rudukar yimo sikili rivu. Tena Atua na jo mave laka naio milaio, mia kumemi numialio bo laka.’ Iouano 118:22 “?Mia kamiu iliano nei kamiu kubuluku bogo tai ruei p̃elina makanio vo?”

Jone 9:29

Mosis nei, kumemi numijikia batitigio bo ka be riano ka Atua berial kiano iliano nalo banio, mia tivelinio ka toro dolu na, kumemi maka nuvijikia naio, ka naio be toro na vio be p̃eli na naio binimei jum̃abe.”

Jone 9:31

Kito romijikia ka ver toro va naio rivio van Atua, mia Atua maka rijikia riagago kanio, mia ver toro na be toro nam̃a milotu ka naio a napano jom̃a mijogkario, ver naio rivio naio, mia naio riagago kanio.