Jone 8:9 - Verikariano Vou Na Baki

⁹ Mia bogo napano amijog venia napano Yesu ber kalo, ajikar ka abeve terakurano abanvan bereio. Na naio jukamu, be kialo tormoruo tai, mia iorou ka naio, nalo dolu bunu aburu dedade ealo beve terakurano, o-oa ka tira nei ga jumolu ju ea Yesu mirano.

Jone 8:9 ပူးပေါင်းရင်းမြစ်များ

Luka 13:17

Mia bogo na Yesu ber iliano nei, mila kiano uolu nalo nei amijog amimou toru laka ea tomu nalo miralo. Mia kulo dolu nalo, nalo ajaaro toru laka ka im̃auano na bo nalo na miroano napano Yesu milaio banlo.

Jone 8:10

Mia Yesu bitikar naio bavin, naio bika berinavo “?Tira, nalo napano aju be? ?Maka bunu nalo tai sidom tibureso?”

Jone 8:12

Mo iorou kanio ana na Yesu mil banlo bereio, naio berinavo “Kiniou nebe yulu na yetemeriba, toro kei napano takisor kiniou, mia naio riel re bunu ea melijokouo, ana mia yulu na meuliano toa naio.”

Jone 8:2

Naio mon ea vio na-o viomijeni kon naio, ana kavijo naio ban bereio ea Yimo Lu na Atua Kunuano. Bogo napano tomu nalo amial naio, nalo telabo abinimei eaio, naruei naio jotano jom̃a berlogloglo.

Jone 8:3

Mia maka vesiou, naverloglogiano na tuboiano bija Varisis nalo, aburu tira tai binimei eaio, amila naio jumolu jua mirano na tomu nalo. Tira nene, aju abokar naio jibe na bior aberenio naio mila siakaiano bija toro tai, mia nalo tai amial, aberialio.

Jone 8:8

Vaarakurano bereio, naio jurubanini batove, bivitauia iliano dolu tai ea borotano.

Romo 2:15

Nalo jibe ga napano venia na tuboiano jo beriio, naio joa kialo iviso ruei. Jibe na, bogo napano amijog iliano nalo reraio aberinavo jau kavan na, p̃eli jau kavan nei, kialo jidomiano novo jo ber vatitigio kalo venia na bo a venia na bova.

Romo 2:22

Jau na kojo koberloglog ka toro monoka rila re siakaiano, ka venia jau bunu komilaio? A jau na kober ka tavoru napano nalo dolu amim̃aukanio, nalo abova laka, jau kober be riano na, mia jau bunu, p̃eli jau kojo kobina ka niogo vite nalo na abar joa kialo vio lu nalo, ina?

1 Jone 3:20

Mia bogo tai ana mia romerou ka naio, bior kiado jidomiano ga tibure kito bereio, rila na rotum̃a rosidomial bere kanado vovaiano, mia Atua naio mijikia nonovlo biniu ruei, a kiano viekokoano naio buru tomoruo laka, naio bar bulaglo den kito ruei.