Jone 7:28 - Verikariano Vou Na Baki

²⁸ Mo bior nalo ajum̃a aber jibe na, Yesu jaam̃i ka berlogloglo joomo ea Yimo Lu, naio berial iliano nei banlo, berinavo “Kamiu kuberiam̃a kumijikia kiniou, a kuberiam̃a kumijikia vio napano nebinimei eaio, mia nemial jibe ka maka kuvijikia batitigio rivu. Nebinimei ea vio nei, maka ea kiaku jidomiano, mia toro dolu tai miila kiniou nebinimei, napano naio be burupati na ilirianiano. Mia jibe ka maka kuvijikia kiniou, mia maka kuvijikia naio bunu.

Jone 7:28 ပူးပေါင်းရင်းမြစ်များ

Jone 8:42

Ana na Yesu berinavo “Ver iliano na be riano, ka Atua naio be karamemiu, mia kamiu monoka tiniemiu tii kiniou ve toru mia, bior ka kiniou najaluvo den naio nebinimei ea vio nei. Kiniou maka nemei tibe ka napano kiniou ga, mia naio naruei miila kiniou nebinimei.

Jone 8:19

Nalo amijog iliano nei, naruei abika denio, aberinavo “Jau kojom̃a kober karam̃amo na, mia naio jo be vonganei?” Ana na Yesu berdop̃e, naio berinavo “Kamiu maka kuvijikia naio, jibe ga napano maka kuvijikia kiniou. Ver kumijikia batitig kiniou rivu, mia rila kamiu kuvijikia vatitig naio bunu rivu, a maka kuvijikia kuvika vikadeniano tibe na, ana makanio.”

Jone 8:26

Naina ga kiniou nojom̃a neber tivelinio na kiniou. A tivelinio na ea kamiu, ve vite miroano napano nemijikia neverenio, mia p̃eli ver neverenio, a be iliano na tibureiano nonovio. Ana vite nalo napano nojom̃a neberial ea yetemeriba nei, naio be iliano nalo ga napano nomijog den naio napano miila kiniou, bior dam̃ariga, kiano iliano nalo amemedu laka.”

Jone 8:14

Ana na Yesu berinavo “P̃eli namila jibe na kovio, mia kiaku iliano nonovio p̃eli kiaku verloglogiano abe riano laka. Kiniou nemijikia nonovio vite na tivelinio ea kiniou, ka kiniou nojo be na nebinimei ea vio nei, p̃eli na nojo nei ka mia nava be bereio, mia kamiu maka kumijikia lele tivelinio na kiniou.

Jone 17:3

Mo m̃arabo na meuliano nene napano naio maka rijikia ribisi naio jibe nei, kanio napano amijikia jau, Atua takurano ga napano naio be riano, bija bunu kiniou Yesu Kristo napano jau komiila kiniou nebinimei.

Jone 12:49

Kanaku iliano mijikia rila tibe na, bior ka bogo napano nojom̃a naberial iliano nalo na, maka neil ea siaku kiniou ga ve takurano, mia nemil ea Teta siano napano naio miila kiniou nebinimei yetano. Naio ga berial batitig ban kiniou vite nonovio na monoka neverialio,

Jone 5:43

Bogo na m̃a kiniou nomiyotuba ka kamiu, nebinimei ea karam̃aku siano, mia kamiu maka kuvisaaro ka kiniou. Mia ver bogo tai toro dolu tai rimei, napano rimei ea naio ga ve takurano siano, a vede mia kamiu kuvisaaro kanio ga.

Mataiu 11:27

Karina Yesu ber bunu, berinavo “Karam̃aku juvan vite nonovio jua jum̃aku ruei. Mia Karam̃aku, naio ga takurano mijikia batitig kiniou, mia kiniou nei napano nebe kenerinio, kiniou ga takurano napano nemijikia batitig naio. Kiniou kumemliko nalo napano nebijauialo ka nesiloglog Karam̃aku kalo ka avarkar tinielo ea naio, kumemi nene naruei numijikia batitig naio napano be karamememi.”

1 Jone 5:10

Toro na m̃a monea Atua kenerinio riano, mia iliano nalo nei aju jikili bo-o ea kiano jidomiano napano naio maka sidom dedeio ka bereio, mia toro na maka rimonea Atua kenerinio, naio maka rimonea vite napano Atua ber bisivisii ban kenerinio, naio jibe ka napano naio mial Atua, ber naio mila sibi ga.

Abe Kulo Ju 6:18

Atua kiano verikariano ka kito jibe na naio bo, naio jikili ruei, bior naio maka rila sibi bogo tai, kiano iliano maka rijikia rive dolu bogo tai, mia mave ka kiano verikariano, berkar bija siano lu bereio. Ana vite juo nei, kiano verikariano bija siano, naljuo amim̃au biju ka rila kito rotumolu rotu sikili ea kiano iliano. Kito roburo den vio na bova nanua m̃a rojujua mugaruei, rojum̃a rojiravo vio na tolukuano, naruei Atua kiano verikariano na bo nalo amila kiado jidomiano rimei rive tebievi rivu. Tibena mia kito romijikia rava rovokar vatitig rivu vio novo nei napano Atua naio mila batitigio bo midu jo kamu ea mirado.

Taitas 1:2

a mia amijikia avokar meuliano napano maka rijikia ribisi bogo tai. Kiado jidomiano ju jikili ruei ka mia kito rovakar meuliano na, kar napano Atua berkar nua beamu ka mia naio rila tibe na, a romijikia ka naio maka leleio rila sibi bogo tai.

2 Korin 4:6

A vite nonovio nei be Atua kiano im̃auano ga. Ea tiiano, Atua ber jibe nei, berinavo “Mia miamoiano rimei mereralii melijokouo napano jo,” a jo mila jibe na kea ban kito. Nina ga Atua nei napano jo mim̃au vonganei, mila kiano miamoiano merera ba joomo nonio ea kito, mila robakar miamoiano nei napano jo merera binimei den Kristo mirano, napano miyotuba nonovio ea Atua kiano mermerano napano joaio.

2 Korin 1:18

mia jibe napano kumijikia kumituvan ga Atua kiano iliano, kumijikia kumituvan ga bunu kenememi iliano. Kenememi “Ee” maka verenio “Makanio” p̃eli “tibe na kovio,”

Romo 3:4

P̃eli kito tomu nalo romila sibi bogo nonovio, a Atua naio be riano bogo nonovio jo, jibe na napano Parinio Tubo Teviti naio ber ea Niosi na Iouano nalo, napano ber Mia nalo aialio napano jau kobe riano ga ka kanamo iliano nalo ka kotiburelo, a mia nalo ajidom atibureso bereio, mia jau komemedu ga kojo. Iouano 51:4

Romo 1:28

Tomu kinkin na jibe na, maka aialerinio ea Atua ea kialo meuliano nalo, maka asidom titai kanio, ana Atua maka tokovio kalo, mia naio juvanlo ka kialo sidomsearoiano nalo aburulo aba amidu momou ea bajago va.

Im̃auano 17:23

Bogo napano nojom̃a nemiel ea komeli nei, ana nemial vio lu nalo a boda nalo, a kenemiu tavoru nalo telabo laka, mia bogo tai ana nemial boda tai napano aje vivitauiano tai joaio, napano berinavo ‘Boda na atua napano maka rejikia naio.’ Ee, kamiu kumitum̃a kumilotu ka atua nene, mia kuber be riano ga, maka kuvijikia leleio naio, ka naio be kei. Mia be Atua riano takurano ga napano naio jo, a naio naruei kiniou nejidom neverial van kamiu ka kuvijikia naio.

Jone 17:25

Teta, jau kobe lu a komemedu, mia tomu dolu nalo na yetemeriba nei maka ajikiaso, mia kiniou nemijikia batitigso bo dam̃ariga. Naruei kiniou namila ka napano vonganei kanaku naiagagoano nalo amijikia ka kiniou najaluvo denso, jau komiila kiniou nebinimei.

Jone 16:3

Mia nalo amijikia ala tibe na rivan kamiu, bior binimei bokar vonganei maka ajikia vatitig Teta na mave, a maka ajikia batitig kiniou bunu.

Jone 14:31

mia kiniou nemijamo ka ga kiniou ea jum̃ano, bior monokanio nala venia napano m̃a Teta berialio ka naio jidom ka kiniou nalaio. Mia nemila jibe na, ka tomu nalo na yetemeriba nei nalo ajikia avitilubar ka kiniou tinieku jiilo. “Kito m̃a, voniganei kiano bogo nene na ruei, rotumolu rava tavio.”

Jone 14:10

?Jau komonea ka kiniou ea Teta, a Teta naio ea kiniou, p̃eli na jau maka komoneaio? Iliano nalo nam̃a neber ka kamiu, maka kiniou ve takurano nam̃a nemil ea siaku ga, mia Teta napano joa kiniou naio jo mila kiano im̃auano nalo jel ea kiniou.

Jone 10:36

Atua naio berii kiano tomu nalo jibe nei ruei, ana mia jum̃abe ka kiniou, napano kiniou ga takurano naio mioa kiniou miila kiniou nebinimei ea yetemeriba nei? Memedu ga ka neverenio ka naio be Atua karam̃aku, a kiniou nebe kenerinio, a mia kamiu kuber maka rivu ka naber jibe nei. Mia kamiu kuber nojom̃a namila niege Atua siano lu, mia maka tibe na.

Jone 8:16

Mia ver bogo tai netibure tomu nalo, mia kiaku tibureiano naio rimemedu ga, bior napano kiniou re ve takurano nalaio, mia kumemi juo naina napano miila kiniou nebinimei, kumemijuo nuvila buronio.

Jone 5:32

Mia naio bo ga na, naio maka ve titenia, bior napano be vite dolu nalo na m̃a amija kanaku iliano amijikia atumolu atu. “Na be moti nene, naio be toro tai napano naio berial vite ninio ban kiniou napano abe riano laka.

Jone 3:33

Telabo na maka amoneaio, mia kito nam̃a kito romoneaio, kanado moneano naio jekar batitigio ka Atua, kanano iliano nalo be riano, a amemedu batitigio bo ga.

Jone 1:46

Mia bogo na Nataniel mijog ka Yesu naio be na komeli na telisu nei, naio bika berinavo “Ana jum̃abe? Tonovo na toru tai na jibe na naio maka rijikia riyotuba ea komeli na telisu na Nasarete nei!” Ana Vilip berdop̃e, berinavo “Ai, abe jau keil re tibe na, jau komei ga keial naio beamu vo.”

Luka 10:22

A Yesu ber bunu berinavo “Karam̃aku mijamo ka vite nonovio jua jum̃aku ruei. Teta naio ga takurano napano mijikia batitig kiniou ka nobe kei, a kiniou napano nobe kenerinio, kiniou ga takurano napano nomijikia batitig naio, ka naio be kei. Kiniou bija nalo napano nebijauia bulaglo abe kanaku, ka mia nesiloglog Teta kalo ka mia avarkar tinielo eaio, kumemi naruei numijikia batitig naio ka naio be karimememi.”

Luka 2:51

Naruei Yesu jumolu den vio nei, ana naio ban bijalo, abatove bereio ea kanalo vio Nasarete. Ana Yesu jobo bijalo ea vio na, naio jo mijogkarlo bo dam̃ariga. A kenieno Mere naio jom̃a jidomikar vite nalo nei joomo ea kanano iviso bogo nonovio.

Luka 2:39

Telikiti napano Yoseve naio Mere amila nonovio vite nalo nei biniu javukia nam̃a Atua kanano tuboiano berenio, mo Yesu abatove bereio ea kanalo komeli na Nasarete, nina ea tanobuku na vio Kalele.

Luka 2:11

Ka bogiano nei ga, ea komeli na Parinio tubo Teviti re nua kanano, nina ea vio Betleem, kiritete solbouo tai naio moluo vonga, ka mia naio rive kenemiu ioruriano. Naina naruei be kenemiu Tubo, naio be Naverikariano nam̃a Atua berkario nua ruei ka mia riilaio rimei.

Luka 2:4

Vite na naruei mila ana Yoseve naio jumolu den komeli na vio Nasarete, nam̃a naio jojoaio, nina ea tanobuku na vio Kalele, ana naio bavin ea komeli na vio Betleem, ea vio na tormoruo Parinio Tubo Teviti naio moluo eaio nua, nina ea tanobuku na vio Yutea, bior Yoseve naio miyotuba ea yati na tormoruo Teviti nene.

Mataiu 2:23

Ana nalo aba ajua komeli tai napano ea tanobuku na, siano Nasarete. Vite na maluvo jibe na ka rila naverialiano nalo kanalo iliano nalo ave riano, napano m̃a aberii Verikariano nei nanua ruei, aberinavo “Mia averenio naio be toro re Nasarete tai.”

Jone 7:14

Mo nalo ajua jokoluolu banbano-o na, legiano tealo barlaka ruei, mia Yesu naio mial bo ka riva rivavin ea Atua Kunuano Lu ka riverloglog tomu nalo bereio.

Mataiu 26:55

Mia Yesu mil ban tomu nalo nei, naio berinavo “?Ka vaio ana kamiu kubar kenemiu iobogu nalo bija kenemiu nia nalo? Kubokar bena kiniou jibe na? ?P̃eli kamiu kuberiam̃a kiniou nebe toro kouo na vinauano, p̃eli na napano m̃a mue toro? ?Mia legiano nonovio kiniou nojom̃a noberloglog tomu nalo ea Atua Kunuano Lu, mia jum̃abe ana maka kamiu kumei kuvokar kiniou ea bogo na?

Jone 6:42

Nalo aberii ealo aberinavo “?Jum̃abe ana toro na naio jom̃a berial ban kito ber naio jaluvo ea vio mave tiniabene naio binimei ea kito? Naio maka ve toro kokouro tenia na, kito romijikia batitig naio ruei, bija kenieno a karam̃ano bunu. Naio be tormoruo Yoseve ga kenerinio na, Yesu.”

Jone 9:29

Mosis nei, kumemi numijikia batitigio bo ka be riano ka Atua berial kiano iliano nalo banio, mia tivelinio ka toro dolu na, kumemi maka nuvijikia naio, ka naio be toro na vio be p̃eli na naio binimei jum̃abe.”