Jone 6:65 - Verikariano Vou Na Baki

⁶⁵ Ana Yesu ber kalo bunu, naio berinavo “Tealo mia amonea, a tealo mia amonea re, naina naruei kiniou neber batitigio ban kamiu iliano nei naruei, ka maka toro tai rijikia rimei ea kiniou, ver karam̃aku maka rijamo ka naio rimei.”

Jone 6:65 ပူးပေါင်းရင်းမြစ်များ

Mataiu 13:11

Naruei Yesu berdop̃e banlo, berinavo “Atua mila jibe na ka mia kamiu kuvijikia kuvileal m̃ajig na navenatuboiano na kiano, mia naio maka jian jikiaiano nei van kulo dolu nalo nei.

Jone 10:16

A kiaku nunu dolu nalo miroano napano aju bunu, napano maka amei atu jouro ea kiaku burusio nei vo, naruei kiniou monoka novio nalo bunu, mia bogo na ajog jooku, mia amei. Mia kiniou nala tibe na-o mia kiaku nunu aviniu amei ave burukuti ve takurano ga vija kiniou, kialo toro na vitikariano na toru nene.

Jone 3:27

Ana bogo nam̃a aber jibe na ka Jone, naio maka rijoku, maka rijog rivova, mia naio jaaro ga, berinavo “Kito tomu nalo nonovio monoka roim̃auka ga venia napano Atua naio midu jua jum̃ado.

Jone 6:37

Ana mia monoka tomu tai napano mia amonea kiniou, bior nalo nonovio napano teta mudulo ajua jum̃aku, mia monoka amei ea kiniou, mia nalo nonovio napano mia amei ka kiniou, ve re tai kalo napano mia novukulario bereio, mia novokar vatitiglo aviniu ave kanaku.

Vilip 1:29

Nao-o, mia kamiu monoka kuvila mira ka uolu nalo na jibe na, bior ka bogo na Kristo buru kamiu abe kanano, naio maka ka kumonea ga, mia ka kuvijikia kuvar jogvaiano rivior naio bunu.

1 Timoti 1:14

Jibe na, nemial ka napano kiado Atua naio mije kanano tiniememiano novo ban kiniou burutomoruo laka, mison kanaku meuliano ka viekouoiano a tinietiiano napano be kiado robiniu napano robe takurano bija Yesu Kristo.

2 Timoti 2:25

P̃eli bogo tai mia nalo tealo tinielo ail die naio, ana ver naio rilavio ka rila kialo jidomiano to rimemedu, mia naio rimelumu rivanlo ga. Ea m̃arabo na naruei p̃eli mia Atua mijikia rudu bogo ve telisu kalo ka avilig kialo jidomiano bereio, amijikia avokar kiano ilirianiano.

Abe Kulo Ju 12:2

Kito rovuku mirado ea Yesu sikili, napano m̃a jikili ju ea juluvati m̃arabo iako. Naio be burupati m̃arabo na viekouoiano, a naio be jukuti nene, mia bogo na tiniedo maio ka naio, mia naio rije moroano van kito. Romijikia rosidomii jum̃abe ka bogo na m̃a naio jom̃a bar niabejalele nalo a mijog kirivova mave ea m̃akolkolo, naio jidom bea ga ka bogokouo na naio jo biniuaio. Naio midu kiano jidomiano jo jikili ea burum̃ara saariano napano jokamu ea mameriniano, rivano-o mia naio tovulio, napano vonganei naio jom̃a jotano ea Atua jum̃ano vameruo, ea kanano vio lu napano loa laka tiniabene.