Jone 6:60 - Verikariano Vou Na Baki

⁶⁰ Mia bogo na, Yesu naio ber iliano nalo nei, kumemi kanano naiagagoano nalo telabo ajidomii naio bereio, aberinavo “Kanano verloglogiano nalo nei kirisikili kiana. ?Kei bereio naio mijikia rijoglubarbar vatitigio?”

Jone 6:60 ပူးပေါင်းရင်းမြစ်များ

Mataiu 11:6

“A kamiu kuva kuver ka Jone bunu, kuver ‘Toro napano maka leleio kiano jidomiano riveve juo ea kiniou bogo tai, mia ilivuiano rimei van naio.’”

Jone 2:2

ana iorou kanio amiila toru binimei ka Yesu naliko kanano naiagagoano nalo, abiolo bunu ka amei eaio.

Jone 5:25

“A kiniou neber ilirianiano nei bunu ban kamiu, ka bogo na jo binimei vonganei napano nalo nam̃a Atua mial ka am̃arm̃aro den bajago va, mia nalo ajog jooku kiniou Atua kenerinio, mia nalo na ajogkario, mia avokar meuliano.

Jone 6:52

Naruei Yesu kanano iliano nalo nei kirisikili laka ka tomu na tortoru na kulo Ju nalo kialo nei ajikia batitigio rivu, naruei ajum̃a abivika aberenio “Venia na? Toro na naio ber ka mia naio sian niamoiano van kito ka kito resenio, p̃eli na naio jom̃a ber venia?”

Jone 6:64

Mia nebitilubar ka kamiu tealo kumonea ruei, mia tealo makanio.” Yesu naio ber nina, bior ka napano beamu ruei, naio mijikia kulo be nalo nam̃a maka amonea naio, ba bokar napano naio mijikia kei kalo napano mia naio tiveluku kanio.

Jone 6:66

Naruei ea bogo nei, kumemi tealo kanano naiagagoano nalo amial jibe Yesu kanano verloglogiano nalo nei, abinimei jikili lie vo, naruei amialio ka be de ga, ana nalo aban bereio, maka bunu atu atakilili kumemi.

Jone 7:3

Mia ka bogo na, Yesu kuruano nalo amil banio, aberinavo “Ei, jau kojo bogo jiou ea vio nei ruei, bo ka jau kalavon ka kavavin Yutea, ka kanamo naiagagoano nalo na yako nalo kija amijikia aial kijokijo nalo nam̃a jau kojom̃a komilaio.

Jone 8:31

Yesu mil ban nalo na amonea dovorovo ea naio, naio berinavo “Ver kamiu kuvokar sikili kiaku iliano, kuvitum̃a kuviduio, kamiu kuve kiaku naiagagoano riano nalo.

Jone 8:43

Kiniou nojom̃a neberii vite nalo na ban kamiu banbano-o kiride ga, mia dam̃ariga kamiu maka kumijikia leleio. Kiniou maka nejikia den kamiu, bior vaio ana maka kuvisidom ka kuvokar vatitig rivu kiaku iliano na?

Abe Kulo Ju 5:11

Naruei sio nei Melkeseteki, naio be kiano tukunu moruo na bo nalo aju, napano amijikia ala rimeravo rivu van kamiu jum̃abe ka tete na bija kanano im̃auano. Kirisikili ka avisivisii rivan kamiu, bior be bogo tai napano m̃a burutiliniemiu nalo abonvono kija. Mia ver kamiu kuvilavon ka kuvijoglubarbario,

2 Pitere 3:16

Mia nina iliano nene kia ga napano naio jo jian ea kanano m̃esi dolu nalo, bogo napano ver naio berii liliuano bereio na Tubo kanano. Kiano m̃esi nene nalo kirinovo laka, mia bogo tai kiano verloglogiano nalo teremi kija, mila na iliano tealo napano naio bivitauiaio, tomu tai maka ajikia avuluku vatitigio. A bogo tai, tomu nalo napano maka ve parilo rivu, p̃eli napano maka ajikia vite nalo, abuluku abilivilig kiano verloglogiano ba be dolu bereio, javukia na m̃a aju amila ea iliano dolu nalo telabo ea Vivitauiano Lu nalo na. Mia bogo napano amila jibe na, mia ve re toro dolu napano mia naio rijog eaio, naio mila nalo ga aju aban ea m̃arabo na laluvuiano.