Jone 5:27 - Verikariano Vou Na Baki

²⁷ mia naio mijamo ka bunu ka kiniou Kulorinio Kenerinio, mia nala im̃auano nalo na tibureiano.

Jone 5:27 ပူးပေါင်းရင်းမြစ်များ

Im̃auano 10:42

Ana bogo napano Yesu jo bija kumemi jibe na, naio mil ban kumemi, berinavo kumemi monoka nuvisivisii kiano Ioluano Novo van tomu nonovio, a monoka nuvila rimeravo vatitigio vanlo ka Atua naio bitirilar naio takurano ka naio tibure tomu nalo, nina nalo napano am̃aro ruei, a nalo napano mia nalo ameul kia ga vo ea bogo na tibureano.

Im̃auano 17:31

bior ka napano naio berkar legiano nene ruei, napano mia naio tibure yetemeriba nei, tibe ka napano rimemedu ka mia naio rila, a naio berkar bunu ruei kiano toro tai napano mia rila kiano im̃auano nene. Naio mila vite nei meravo batitigio ban tomu nalo ruei, napano kiano toro lu nei, nalo amuebini m̃aro ruei, avona bisi ana Atua bitirilario meul bereio.”

Jone 5:22

Mia Teta, maka ve naio ga nam̃a mila tibureiano, mia im̃auano na bunu naio midu joa jum̃aku,

1 Pitere 3:22

Mia iorou ka nina, naio bavin bereio ea vio mave, naio ba jo jotano mave bija Atua ea jum̃ano tivelinio vameruo nene, napano nailiano nalo, kulo kouo nalo na tortoru, bija moroano nalo, abiniu ajutano ka kanano navenatuboiano.

Mataiu 9:6

Mia kiniou neim̃auka titai napano mia kamiu kuvisidomii kuver Atua naio ga takurano mijikia rilaio, bior kiniou nejidom nala rimeravo van kamiu ka Kulorinio Kenerinio naio bare ka riviekokoa kariano ea yetemeriba nei.” Naruei Yesu mil ber ka toro na mieiano nene, naio berinavo “Jau kotumolu, jau kojuku m̃amo jogu, jau keiel kava vonuo.”

Jone 9:39

Ana na Yesu mil, berinavo “Kiniou nebinimei ea yetemeriba nei ka nevitii tomu nalo, ka rila meravo ka tomu nalo nam̃a abe merebono, amijikia aial vite, a ka tomu nalo nam̃a aberiam̃a amijikia amial vite, ajikia ka abe merebono ga.”

Abe Kulo Ju 1:2

Mia voniganei, ea legiano na maaro nalo na kito rojua nei, naio mil ban kito jel ea kenerinio memedu Yesu. Kenerinio nene naruei napano beamu, ea tiiano na yetemeriba nei, Atua mim̃au eaio, ana na nalojuo ajii bogo nalo a vio nonovio, avona iorou kanio ana na Atua naio bitirilar kenerinio nei, naio mije vite nonovio monea jum̃ano be parinio kalo.