Jone 4:50 - Verikariano Vou Na Baki

⁵⁰ Mia Yesu naio jidom ka tubo nei monea kanano iliano ga, naio berinavo “Makanio, mia jau ga ve takurano kavano. Kiniou neber kaso neberinavo kenerimo nene mia naio rim̃aro re na, naio rimeul rivu ga.” Naruei toro nei monea iliano napano Yesu berkanio, ana na juvan vio ka riva vonuo bereio.

Jone 4:50 ပူးပေါင်းရင်းမြစ်များ

Mataiu 8:13

Naruei Yesu ber ka boru na mira nei, naio berinavo “Mo, bo ga, jau komijikia kava vonuo. Mia rimaluvo kaso tibe ka na jau komoneaio.” Mia memedu ka bogo nene garuei, toro na im̃auano nei niabene binimei bo bereio.

Luka 17:14

Ana bogo napano Yesu mijogio, naio ber kalo berinavo “Kamiu kuva kuvar laka ea kulo lu nalo beamu vo, ka avitii veve niabemiu nalo ka aver niabemiu nalo ameravo ruei.” Naruei nalo abano, ana bogo napano aju amiel abano, amiilo ka mokotenalo nalo aju abinimei meravo.

Jone 11:40

Ana Yesu berdop̃e banio, berinavo “?Ee, jau maka koto tiniemo rimaio vo ka kiaku iliano nei napano neber ka jau ruei? Kiniou neber ka ver jau komonea ga, mia keial moroano na Atua kiano naio rim̃au.”

Jone 4:49

Mia tubo na toru nei naio jikili kanio, berinavo “Toro na toru, neber bo kaso jau komei sop̃eli, ver p̃eli mia keneriku nene naio rivakovio.”

Jone 4:51

Ana na viobijeni kanio, bogo na naio jom̃a miel ban bere ka rivano, naio bitavo bija kanano tomu nalo, napano ajum̃a amiel bior naio. Mia nalo aberial banio, aberinavo “Kenerimo naio mijog bo ruei jo.”

Abe Kulo Ju 11:19

Ana ka bogo napano Aisak vaataro ka naio rim̃aro, Epraamo naio maka vitovtonia ea Atua kanano verikariano nei, mia naio jo monmonea ga ka ver naio monoka ruebin kenerinio nene rim̃aro, mia Atua mijikia rila naio rimeul bereio. Ana Atua mial kiano viekouoiano ea naio be riano jibe na, ana Aisak naio maka bunu m̃aro, mia karam̃ano naio mial ka napano Atua mila kenerinio kiano meuliano ban ea jum̃ano bereio.