Jone 4:1 - Verikariano Vou Na Baki

^1-2 Ana ka bogo na, iliano jo jeliviv, ber Yesu jom̃a buru naiagagoano telabo abinimei ajakisor naio, a jom̃a baruei ealo. A maka ve Yesu nam̃a naio baruei ealo, mia kumemi kanano naiagagoano nalo ga numitum̃a numilaio, mia tomu nalo amialio ka nalo napano Yesu kanano aju abinimei miroano, jovulu Jone Baruei kanano. Naruei nalo ajum̃a aberver iliano nei ba janea vio jibe na, ba bokar Varisis nalo, mia bogo na Yesu mijogio ka nalo bunu amijikia vite nei a mila nalo amijog bova biorio,

Jone 4:1 ပူးပေါင်းရင်းမြစ်များ

Luka 1:76

Keneriku, mia avioso ka Atua Loa Laka kiano Naverialiano, mia kotukamu ka kala vatitig Tubo kiano m̃arabo.

Luka 19:31

Mia ver avika den kam juo averinavo ‘?Ai, kumitu kumijubarlar sano teli ka venia?’ Ana mia kamiu kuverdop̃elo kuverinavo ‘Tubo jidom temeul nei ka rila kiano im̃auano tai.’ ”

Luka 19:34

Naruei nalo aberdop̃elo, aberinavo “Makanio, Tubo naio jidom temeul nei ka rila kiano im̃auano tai beamu vo.”

Luka 2:11

Ka bogiano nei ga, ea komeli na Parinio tubo Teviti re nua kanano, nina ea vio Betleem, kiritete solbouo tai naio moluo vonga, ka mia naio rive kenemiu ioruriano. Naina naruei be kenemiu Tubo, naio be Naverikariano nam̃a Atua berkario nua ruei ka mia riilaio rimei.

Luka 7:13

Mia Yesu nalo aju amial nalo napano m̃a aju amiel abinimei, mia bogo na kiado Tubo mial taanou nei, naio tinien miiaio toru laka-o mia. Naruei naio ban vaataro kanio, berkanio, berinavo “Ai, jau koteg re bunu.”

Luka 7:19

Naruei Jone mil ban kanano tom juo, naio miilalo aban ea kiado Tubo, ka ava avika vatitig denio, ka naio be Naverikariano na, nam̃a aju rorea ka mia rimei, p̃eli na maka ve naio.

Jone 3:22

Ana iorou ka vite nalo nei, Yesu buru kanano naiagagoano nalo ajuvan vio Yerusalemo abatavio ea tanobuku na vio Yutea. Nalo aju jibe na, naruei ajum̃a abaruei ea tomu nalo.

Jone 3:26

Aberii banbano-o karina abinimei amial Jone, abika denio, aberinavo “Naverloglogiano, kumemi numisidom nuvika denso ea tivelinio na toro na Yesu napano beamu, bogo na kito rojua marauei na Yortano tivelinio bano, naio binimei mialso, naruei jau koberial saba telaboiio naio. Vonganei, naio bunu binimei jo baruei ea tomu nalo, mila abiniu aju ajuvarvan kito aban ea naio ga, vio bujo mia vio bujo.”

Im̃auano 10:36

“Iliano napano Atua naio miila binimei ban kumemi kulo Israel nalo, kamiu kumijikia ruei, napano naio be ioluano novo tai napano berial berinavo toro mijikia rivokar tum̃aro napano naio be riano ea Yesu Kristo, napano naio be Tubo ka tomu nonovio na yetemeriba nei reraio.

1 Korin 1:17

Jibe na bova na, bior napano Kristo maka tuvan kiniou nemei navaruei ea tomu nalo, mia miila kiniou nebinimei ka noioliolu ka kiano Ioluano Vou vanlo. A bogo napano nojo nomioliolu jibe na, maka nala vija moroano na masouano na yetemeriba nei, mia nemila bija moroano na Kristo kiano m̃akolkolo.

1 Korin 15:47

Toro na beamu nei Atam, Atua mijilar naio ea borotano na yetemeriba nei, mia toro juo nene nei Kristo, Atua miilalar naio ea vio mave binimei.

1 Korin 2:8

Ana kiano masouano na maluvo ea kito ea m̃arabo napano Yesu binimei milarur kito, mia tomu na tortoru na yetemeriba nei maka avitilubar tenei, ana amidu Yesu, napano naio be Tubo na toru na mermerano na tiniabene, ajilan naio jaklele ea m̃akolkolo m̃aro.

2 Korin 4:5

Kumemi numitu numioliolu ka nina naruei, ninei Yesu Kristo, kiado Tubo. Maka nuvitu nuvidular kumemi ka kamiu bereio, mia kumemi tomu na im̃auano na kenemiu ga, ka nuvioliolu ka Yesu van kamiu ka kuvijikiaio.

Yemesi 2:1

Kuruaku nalo a kuvivinioku nalo, jibe ka napano kamiu kumonmonea kiado Tubo Yesu Kristo, napano naio be Tubo na mermerano, mia kamiu kuvitisaia re tomu tealo ka ave dolu, napano kuvila rivu ga ka tealo, a kuvila rivova ka nalo tealo.

Navisip̃eiano 19:16

A naio be siano dolu tai kia ga vo, napano abivitauia joa kiano kulukoti a jaano, be “Parinio tubo na parinio tubo nalo, Toro na toru na tomu na tortoru nalo.”