Jone 3:36 - Verikariano Vou Na Baki

³⁶ “Tibe na, kito napano romonea naio, robokar ruei meuliano nei napano naio to tobo to. Mia toro napano maka m̃a rimonmonea naio, mia naio rijikia re rial meuliano nei bogo tai, mia Atua kanano tiniemimiano ve toru toa naio.”

Jone 3:36 ပူးပေါင်းရင်းမြစ်များ

Mataiu 25:46

Naruei Yesu mila nonovio kiano iliano, ana naio berinavo “Nalo na mia avan ka ajev vironiano tai napano maka rijikia ribisi bogo tai. Mia tomu na memedu nene nalo ava ajev meuliano napano maka rijikia ribisi bogo tai.”

Yesu Kristo Kiano Ioluano Vou Napano MAK Bivitauiaio 16:16

Ver toro tai rijogio, mia naio rimoneaio, mia karina avaruei ea naio, toro nene mia naio rijev ioruriano. Ana naio napano ver maka rimoneaio, mia Atua naio riverkar m̃ariano vanio.

Luka 2:30

Ea miraku ga namial kanamo Ioruriano,

Luka 3:6

tibe na, ana mia taara nonovio na tomu nalo aial kialo Ioruriano napano Atua riila riel ea m̃arabo nei riyotuba kalo.” Aisaia 40:3-5

Jone 1:12

Mia tealo ajaaro kanio, amoneaio, naruei ea nalo na abiniu, naio mijamo kalo ka amijikia amei ave Atua kenerinio nalo.

Jone 10:28

Kiniou nojom̃a nejian meuliano nei napano maka ve jukuti nene banlo, ka mia ava kovio deio, a ve re toro tai napano mijikia rivuru bulaglo den jum̃aku.

Jone 3:3

Ana Yesu berdop̃e banio, berinavo “Ee, burutomoluo nalo na bo, a monokanio never ve riano bo vanso, toro na maka sidom rimoluo bereio ve terivou, mia Atua naio maka rijikia rive tubo ea kiano meuliano.”

Jone 4:36

Mia nalo nam̃a ava avario, mia nalo asaaro ve toru laka bior kanalo vuliano telisu naio jo ruei, ana bogo na avar sinaniano nene rimei vonuo na meuliano na maka ve togio nene, toro na toru na mebija, mia naio bunu saaro ve toru. Naio jibe ka ga iliano napano ber jibe nei, berinavo ‘Toro tai naio ba mebijo, mia toro dolu naio ba bario, mia burum̃ara saariano be tena nalo nonovio.’

Jone 5:24

Ana Yesu mil lie vo, naio berinavo “Kamiu kuviagago vatitigio. Toro kei nam̃a monmonea kanaku iliano, a naio monea nana naio miila kiniou nabatove, ea bogo nei memedu mia naio rivokar meuliano. Naio maka totano yetano ka tibureiano tai leleio, bior naio jumolu den bajago na m̃ariano, ba bokar kiano meuliano vou ruei.

Jone 6:58

Naina naruei kiniou nojom̃a neber ea kanaku iliano ea tivelinio na joko nei napano jaluvo ea vio mave naio batove. Joko nei naio maka tibe ka joko nei nanua m̃a korobido moruo nalo m̃a ajenio mia nalo ajum̃a am̃aro jibe na ga. Naio be joko napano toro kei napano ver naio senio, mia naio mijikia rimeul to tobo to.”

Jone 8:51

Mia be iliano tai napano be riano napano nemijikia never ka kamiu jibe nei, ka ver kamiu tai rivokar kiaku iliano sikili, naio rudukario, mia naio maka rijikia rial nam̃ariano bogo tai.”

Im̃auano 14:2

Mia kulo Ju dolu nalo napano aju na, maka asidom amonmonea, naruei iorou kanio ana aba amila vonio ka avilig lelan tomu dolu nalo napano maka ave kulo Ju kialo jidomiano, nalo amila tiniel jerlo nalo napano amonea vonga.

Romo 4:15

Mia bereio, titai dolu mila meravo ka kito berenio Atua kiano verikariano novo nalo maka ajikia amaluvo ea bajago na jogkariano ea tuboiano. Nina bior ka bogo napano tuboiano jo, bajago na lakokoroviano na tuboiano monoka riyotuba, a iorou kanio, monoka vironiano tai kanio, ka napano maka toro tai napano jilimebi ka rilakorovio tuboiano bogo tai.

Romo 5:9

Kiano burukija miou jekon kito romeravo ruei, ana robinimei romemedu ea Atua mirano a mila napano maka bunu titai toa kito napano naio mia ridu vironiano van kito kanio.

Romo 8:1

Kristo Yesu binimei ka rilarur kito, naruei mila ka kito napano kiado meuliano jo bo bija naio ruei, mia Atua maka leleio rijikia ridu vironiano van kito bogo tai.

Kalesia 3:10

Mia nalo napano aju ajidom kavulio ka amijikia avokar meuliano bior amila von ka amonea tuboiano nalo, nalo na ajutan ka vironiano tai ruei, bior maka toro tai napano naio ridukar vatitig tuboiano nalo nei riviniu, ana Atua kiano iliano lu berenio, “Tomu nalo napano maka amonea vite nalo nonovio napano ajua niosi na tuboiano, mia nalo monokanio avokar vironiano.”

Eveso 5:6

Kamiu kuvijamo re ka tomu nalo avuru kamiu kuvan ea m̃arabo dolu nalo, napano nalo amijubolbolili kamiu ea kanalo iliseseiano nalo. Vite nalo nei naruei, mila ana Atua tinien jerlo ruei, jibe ka napano nalo maka amonmonea naio ruei, ana na mia naio rudu vironiano vanlo.

1Tesa 1:10

A bija nina, nalo aju ajukunu bunu napano kumitu jikili, kuvitu rorea Atua kenerinio nei, Yesu. Naio riyotuba ka kito bereio, bior napano Atua bitiri lario meul bereio ea nam̃ariano ruei, a mia naio riila riyotuba bogo ve valuo nene, ka naio toko kito ka bogo na tibureiano.

1Tesa 5:9

Nina maka rivu ka kiado jidomiano veve juo ka mia Atua rilarur kito, p̃eli mia rilarur re kito, bior ka maka kiano jidomiano ka kiano moneano nalo mia avokar vironiano, a naio bijauia kito ruei ka rovokar ioruriano napano Tubo Yesu Kristo naio jovulu be kiado.

Abe Kulo Ju 10:29

Ver ala tibe na ka toro na mila korov Mosis kiano tuboiano, mia tum̃abe ka toro na bilig taakano ka Atua kenerinio? Mia kanano vironiano naio ve burutomoluo laka na, bior naio mila lelan burukija na virakariano vou napano beamu mila naio meravo ruei ea Atua mirano. Mia Niununo na tiniememiano naio rijog rivova ka bajago na mia naio tinien ser m̃elea toro na m̃a mila.

Abe Kulo Ju 2:3

Mia voniganei, Ioluano Vou na bo na terivou naio binimei bokar kito ruei, mia naio toru lie loa ka Tuboiano moruo na beamu. Jibena, ver kito rosidomii kurano ea m̃arabo na kiado ioruriano napano joaio, mia maka rejikia rovuro den kanano vironiano leleio. Kanado Tubo nene naruei naio mila Ioluano Vou na bo naio miyotuba jukamu, mia nalo na m̃a amijog naio ka m̃a berialio ea tilinielo nalo, nalo kija aberial sosolio binimei boru ea kito, amila meravo ka be riano.

Abe Kulo Ju 3:18

?A nalo na m̃a naio berkar ber mia nalo ajikia lele re ka mia ava jouro ea kiano buruvenuo novo na jilimebiano napano naio mila batitigio be kanalo, nalo abe tomu na ajum̃abe? Nalo na maka ajikia avano, nina nalo na m̃a amila pariparilo, a nalo na m̃a maka adu niono.

Abe Kulo Ju 3:19

?Mia venia na mila napano maka ajikia ava jouro ea vio novo na jilimebiano nene? Maka ajikia avano, bior maka amonea kar Atua, maka avarkar tinielo ea naio.

Navisip̃eiano 21:8

Mia tomu na vovaiano nalo, nalo bunu mia avokar kialo jajum̃ano tai. Nina be tomu nalo na m̃a maka atu sikili ea kiniou, napano maka amonea, napano kialo bajago naio kirivova laka, amuebinvin tomu, abijuku bova ka tira p̃eli sum̃ano, abar semei, amilotu ka tavoru, a abe tomu na sibiano. Nalo nei naruei mia ava avokar m̃ariano juo nene, nina ea kialo vio nene rimemedu ea bulukusebi napano bonoti kirivova, a naio maka rijikia ribisi.”