Jone 3:19 - Verikariano Vou Na Baki

¹⁹ ?Ana vironiano nei napano mia Atua naio monoka rilaio, burupati nene be venia? Naina bior napano naio miila kanano yulu binimei ea yetemeriba nei, mia tomu nalo ajum̃a amila kikiio ga banbano-o na, maka asaaro kanio, mia ajidom ga bajago na bova tena melijokouo.

Jone 3:19 ပူးပေါင်းရင်းမြစ်များ

Luka 12:47

“Mia toro na im̃auano napano mijikia batitig venia napano kiano boru jidomio ka naio monoka rilaio, karina maka rilaio, mia monoka avitii vatitig naio.

Luka 16:14

Ana na ea bogo na, Varisis nalo bunu aju kiano vo, ajum̃a amiagago ka iliano nalo nei. Mia nalo abe tomu nam̃a tiniel jii m̃elea puruveru toru bogo nonovio, naruei nalo abital lelan ga m̃arabo novo nalo na im̃auano bija puruveru napano Yesu berial ban kiano naiagagoano nalo.

Jone 1:4

Meuliano na be riano maluvo den naio ga, naruei meuliano nei binimei jibe ka yulu na taara nonovio na tomu nalo.

Jone 1:5

Naio binimei jibe ka yulu nam̃a mereralii nalo na ajua melijokouo, ana melijokouo neibano naio maka rijikia tovulio.

Jone 12:31

Monoka tibe na bior ka napano vonganei be bogo na tibureiano na yetemeriba, be bogo na avukular parinio tubo sim̃aro na yetemeriba naruei.

Jone 12:43

Nalo amerou jibe na bior napano maka bunu asidomii ka ala vite napano mia Atua rijikia saaro kalo riviorio, mia ajidom ga toru ka mia kulo dolu nalo aialo tum̃abe.

Jone 12:46

Kiniou nebinimei ea yetemeriba nei, jibe ka kanano yulu, ka rila ka napano toro kei na rimonea kiniou, mia naio toa re melijokouo.

Jone 5:44

Kiniou tinieku miia kamiu toru laka, mia namial jibe kiride ka kuvijikia kuvokar moneano riano bogo tai. Naina bior napano dam̃ariga, kamiu kumitu tiniemiu jii ka kuvidular siemiu rivavin. Kamiu maka kuvitu kuvisidom ka kuvijebukua kenemiu bajago leleio, ka kuvila vite nalo napano iorou mia Atua naio mijikia rivitiri bulag kamiu riviorio.

Jone 7:17

Ver toro tai saaro ka rila ga Teta kiano jidomiano, mia naio rila toro nene mijikia rivitii vatitig kanaku verloglogiano nalo. Mia toro nene naio mijikia rivitilubar ka kiniou maka noto neverloglog tomu nalo selia ga siaku, mia mijikia rivitilubar ka verloglogiano nalo nei, be riano laka ka amaluvo ea Atua.

Jone 7:7

Kamiu kumijikia kuvila kenemiu im̃auano nalo rivu ga, tomu nalo maka ajikia aserm̃i ka kamiu riviorio, mia bogo na kiniou nemila kiaku im̃auano, neberial ka kialo bajago va nalo na yetemeriba nei maka rimemedu, mia nalo ajerm̃i ka kiniou toru laka.

Jone 8:12

Mo iorou kanio ana na Yesu mil banlo bereio, naio berinavo “Kiniou nebe yulu na yetemeriba, toro kei napano takisor kiniou, mia naio riel re bunu ea melijokouo, ana mia yulu na meuliano toa naio.”

Jone 9:5

Mia vonganei, kiniou nojo yetano ea vio nei, kiniou nebe yulu na yetemeriba nei.”

Romo 1:32

Nalo amijikia vatitig bo Atua kiano iliano ruei, amijikia ka Atua naio berkar m̃ariano ban tomu nalo na jibe na, mia maka atovonio. Nalo aju ajidel dolu ka amila jibe na, mia mave ka nina, aju ajaaro lie vo ver amial kialo bilbilu dolu nalo aju amila bova jibe nei bijalo.

Romo 2:8

Mia tealo, tomu na baravoiano, nalo maka amonea ilirianiano, a nalo aju yetano ka moroano na vovaiano. Venia napano Atua mia sian vanlo, nina vironiano napano riyotuba ea kiano burum̃ara tiniemimiano ga.

2Tesa 2:12

Ana iorou, mia naio tiburelo memedu garuei, ber abe tomu na maka amonea kiano ilirianiano, mia venia na ajaaro kanio, naio be bajago va nalo nam̃a aju amila ruei.

1 Pitere 2:8

A ea Niosi na Aisea bereio, be Atua kanano iliano tai naio berii puruveru nei keano vo, naio ber jibe nei, berinavo Puruveru nei, mia tom ve telabo jaalo nalo ser bap̃eia naio, rila aiel vovu. Naio be puruveru tai napano mia rila tom nalo na yetemeriba nei atibirbil. Aisaia 8:14 Ver revika venia milalo na ajibirbil jibe na, nina bior ga maka amonea ilirianiano nei napano amijogio, a mia atibirbil avatove laka ea vio na vakovioiano napano naio jo mon kalo.

2 Pitere 3:3

Titai na be moti ka napano nojidom nover naio jibe nei, ber kamiu monoka kuvijikia ka ea bogo na maaro nalo, mia tomu na amiyotel ea Atua kiano im̃auano amijikia amaluvo. Tomu nene kanalo bajago nalo, ajum̃a ajidom venia ga napano nalo tinielo jiio, mia aju amiakurano ea toro dolu kanano jidomiano.