Jone 21:12 - Verikariano Vou Na Baki

¹² Naruei bogo napano niado nalo na aju amijegeio amenoko bo, ana na Yesu bio, berinavo “Mo, kamiu kumei kuvisinan.” Ea bogo nei, nubitilubar ka be Tubo, maka bunu nuvila von ka nuvikanio ka naio be kei.

Jone 21:12 ပူးပေါင်းရင်းမြစ်များ

Jone 16:19

Ana Yesu naio mijikia ka napano numisidom ka nuvika vatitig vite nalo nei denio, ana naio jikario, naio berinavo “P̃eli kamiu kumitum̃a kubivika ea kamiu p̃eli ea tivelinio na kiaku iliano nei?

Jone 21:15

Telikiti napano numije simemi sinaniano na kavijo bisi, ana na Yesu jidom tukunu kija vija Saimon Pitere. Naio bika denio, berinavo “?Saimon, Jonas kenerinio, jum̃abe? Jau tiniemo jii kiniou loa laka, juvulu ka napano nalo dolu tinielo jii kiniou, p̃eli na makanio?” Ana Pitere berdop̃eio, berinavo “Tubo, vite na jau komijikia ruei, ka kiniou najaaro toru kaso.” Naruei Yesu berkanio, berinavo “M̃araiu, mo jau kavagan kiaku nunu solbouo nalo.”

Yesu Kristo Kiano Ioluano Vou Napano MAK Bivitauiaio 9:32

A kiano naiagagoano nalo maka ajoglubarbar vo venia napano Yesu naio jo berenio banlo, a nalo amerou ka avika vatitig denio bereio.

Jone 4:27

Naio berial naio ban tira nei jibe na bisi, ana naiagagoano nalo abinimei aboru ea vio nene bereio. Naruei amialio ka napano Yesu jom̃a jukunu bija tira nei, jibe ka naljuo nei ga, naruei nalo amiilo kanio. Nalo amiilo, mia nalo aju buru ga, maka ve nalo tai kalo napano naio rivika den tira nei ka naio jidom venia, p̃eli na rivika den Yesu river naljuo ajum̃a ajukunu ka venia.

Luka 9:45

Mia naiagagoano nalo maka ajog lubar vo venia napano Yesu jom̃a berii kalo, jibe ka nioti nene joluku kia ga vo, mila maka ajikia ka avitilubario, a amerou bunu ka avika batitig den Yesu tivelinio ka iliano nene.

Mataiu 22:46

Naruei maka toro tai rijikia river iliano tai van Yesu. Mia jikario ea bogo na, mia maka bunu toro tai rijikia rila von Yesu ea navikadeniano nalo.

Jone 21:11

Ana Saimon Pitere naio batove ea tei, bavin ea uako, burular levlevi, buru binimei uro. Niado nalo miroano laka, numerou ka mia levlevi naio rivurkokorovio, mia makanio, nuburu binimei bo ga. Mia bogo napano nubar bulavulag niado nalo, nubulukulo bokar toromomou takurano duelimo va jimo ba tolu [153].