Jone 20:27 - Verikariano Vou Na Baki

²⁷ Naio mil ban Tomas, berkanio, berinavo “Naine be jum̃aku, jau koyuku m̃arjukujum̃amo, kotokol veveio. Naine be merikoku, jau kodu jum̃amo toaio. Jau kovitovtonia re bunu, koviekar kiniou sikili.”

Jone 20:27 ပူးပေါင်းရင်းမြစ်များ

Jone 20:25

Iorou kanio, numial naio, nuberialio kanio, nuberinavo “!Tubo naio maluvo ea kumemi, numial naio ruei!” Mia naio maka sidom rimoneaio, berinavo “Makanio, kiniou monoka naial naio ka miraku. Ver kiniou naial re jeleig butoto ea jum̃ano, a notokol ka m̃arjukujum̃aku nei, a ver kiniou nasian re jum̃aku nei ea niajebijo ea merikono, mia kiniou nomonea re ka naio meul bereio.”

Jone 20:20

Naio ber jibe na, karina naio jiloglog ka kumemi ka jeleig butoto nalo ea jum̃ano bija burum̃ara niajebijo na ea merikono tivelinio. Numialio, mia bogo napano nubitilubario ka be Tubo, numisaaro mia numisaaro.

Romo 5:20

Nua, Atua jian tuboiano ban Mosis, mia tuboiano nene jo berial ka tomu nalo ka kialo kariano nalo ju bujo laka. Mia bogo napano kariano nalo aju abinimei miroano lie bogo nonovio, Atua bunu ban lie vo, mila napano kiano tinieseseiano binimei toru lie vo.

Luka 24:40

Ana naio jom̃a mil banlo jibe na, naio jiloglog jum̃ano bija jaano kalo ka ajikia avitii vevelo.

Luka 9:41

Naruei Yesu berdop̃e, mil banlo, berinavo “?Kamiu na, jum̃abe jibe na? Kamiu maka kuvarkar tiniemiu sikili ea Atua leleio. ?Mia kiniou monoka noto vija kamiu kelvovu nalo riva rivokar nagi? Kiniou tinieku m̃aro ea kamiu ruei. Mo, bo ga, kovuru kenerimo nene rimei vonio.”

Yesu Kristo Kiano Ioluano Vou Napano MAK Bivitauiaio 9:19

Ana Yesu berdop̃e, mil banlo, naio berinavo “Kamiu na, jum̃abe jibe na? Kamiu maka kuvitu sikili ea Atua leleio. Kiniou monoka noto vija kamiu vano-o vokar nagi? Kiniou tinieku maro ka kamiu ruei. Mo, bo ga, kuvuru m̃eaku nene rimei ea kiniou.”

Mataiu 17:17

Ana Yesu naio mil ban kiano naiagagoano nalo, berinavo “?Kamiu na, jum̃abe jibe na? Kamiu maka kuvitu sikili ea Atua leleio, bogo nonovio ga m̃a kumiavovu. ?Mia kiniou monoka noto vija kamiu rivano-o mia rivokar nagi? Mia kiniou tinieku maro ruei ka kamiu. Mo, bo ga, kamiu kuvuru m̃eaku nene rimei van kiniou.”

Luka 24:39

Kuvial vonio jum̃aku vija jaaku, jeleig venia nalo nei jualo! Kam kuvialio, ninei be kiniou ga nei! Kumei kuvitokol veve niabeku torogio nalo nei, bior vite na jibe ka sim̃aro maka ve buruiu, a maka ve niamoiou tibe ka mokotenaku nei.”

Jone 20:28

Tomas mijogio, bitii Yesu, naruei berdop̃e berinavo “Kanaku Tubo, jau kobe kanaku Atua!”