Jone 2:22 - Verikariano Vou Na Baki

²² Ana iorou laka garuei, iorou ka na naio jumolu bere den m̃ariano, kanano naiagagoano nalo ajidomialio bereio ka naio ber iliano nei banlo, ana mila na amonea lie vivitauiano lu nalo bija Yesu kanano iliano nalo banlo.

Jone 2:22 ပူးပေါင်းရင်းမြစ်များ

Jone 12:16

Ana ea telikiti na, kumemi naiagagoano na Yesu kiano, kumemi maka nuvisidomial iliano na, mia iorou, telikiti napano naio bavin mave bisi, kumemi nubitilubar ka iliano moruo re nua nei naio berial naio memedu, ka napano naio mila vite nonovio memedu ga ka venia nam̃a Vivitauiano Lu aberialio beamu ka mia Naverikariano naio rilaio.

Jone 16:4

Mia iorou kanio, bogo napano ver kuvial vite nene amalmaluvo ka kamiu tibe na, kuvijikia kuvisidomialio bereio, kuvijikia kuverinavo ‘Ierinio kiana, vonganei romial vite nalo na jibe ka ga napano Tubo naio ber bisivisii ban kito beamu ruei.’ ” Ana Yesu berinavo “Vite na, kiniou maka nojom̃a noberenio ka kamiu nua ruei, bior ea bogo na kiniou nojo kia ga bija kamiu vo.

Jone 14:26

Mia bogo napano navano, mia Teta naio riila Niununo na ijaiano rimei, ana mia naio ridu jeleku, naio riverloglog kamiu ka vite nonovio, ana mia naio rudu sidomii kakarioano na kanaku iliano nalo nonovio ea kenemiu jidomiano.

Jone 2:17

Ana bogo na kanano naiagagoano nalo amial Yesu naio mijil dedade ealo jibe na, mila na nalo tiniel maio ka vivitauiano lu tai bereio, jibe ka na naio berii Naverikariano beamu ruei, napano berenio berinavo “Kanaku jidomiano temi laka ea kanamo yimo lu, naio jibe ka sebi tai bovago ea kanaku iviso.” Iouano 69:9

Im̃auano 11:16

Kiniou nemial vite nei, ana tinieku maio ka bereio kanado Tubo kanano iliano, napano beriio nanua, berinavo ‘Jone baruei ea kamiu ka uei, mia bogo vesiou re, ana mia kamiu kuvokar varueiano napano ea Niununo Lu.’

Jone 2:11

Vite nei nam̃a Yesu naio mila ea bulukomeli na Kenan ea vio Kalele, naio jibe ka burum̃ara vremesiano tai, be kiano vremesiano na be moti napano milaio. Naio mila jibe ka na naio jo jikar jo jiloglog kanano moroano na vio mave, mia bogo na naiagagoano nalo amialio, kanalo moneano na ea naio, ka naio be Naverikariano na be riano, binimei bavin lie vo.

Luka 24:44

Karina na, Yesu mil banlo, berinavo “Bogo na nanua m̃a nojo kitoliko nua, kiniou nojom̃a neberii iliano miroano ea yati na nonovio na Navivitauiano Lu nalo ban kamiu ruei. Kiniou nobar iliano nalo na ea niosi na Mosis kiano, ea naverialiano nalo kialo niosi nalo, a ea niosi na Iouano lu nalo, naruei kiniou neberial ka iliano nalo na naruei, aberii kiniou ga, mia amei ave riano rivesiou re ga na. Tenene na kiniou neber jibe na ka kamiu, mia vonganei naruei kumial vite nonovio nalo na abinimei be riano ruei ea miremiu nalo.”

Luka 24:26

P̃eli na kamiu kumijikia ruei, napano mia Atua rivitirilar kiano Naverikariano naio ve toro na toru ea yetemeriba nei. Mia kamiu maka kuvitilubar ka Iliano Lu nalo aju aber mia ala Naverikariano rojog rivova, ala bulag naio beamu, karina mia Atua mijikia vitirilar naio, rivokar kiano burum̃ara mermerano.”

Jone 2:2

ana iorou kanio amiila toru binimei ka Yesu naliko kanano naiagagoano nalo, abiolo bunu ka amei eaio.

Im̃auano 13:33

ana vonganei vite nalo nene abinimei abe riano ea kito ruei, kito kum̃abilo nalo, a ea kito kulo dolu napano kito romonea naio. Ana kito robokar vite novo nei ea kiado bogo ga, napano Atua miila Yesu binimei yetano ea yetemeriba nei, a mila naio meul bereio den nam̃ariano kar kito. “Ea Iliano Lu, Iouano mirano juo naio berii vite nei, napano ber ‘Kiaku tete, nemial jibe ka banei kobinimei kobe keneriku, ana kiniou nebinimei nebe karam̃amo riano.’ Iouano 2:7