Jone 19:14 - Verikariano Vou Na Baki

¹⁴ Ana ka bogo na, binimei bokar niogoravo naruei, nina ea legiano na imoniano na vite nonovio na beni nene napano be burum̃ara legiano na Jokoluolu na Sidomkariano na Ioruriano. Mia Pailat naio jotano mave ruei, naio jiloglog Yesu ban tomu na tortoru na kulo Ju nalo napano ajikili aju yetano aju, naio berinavo “!Nina naruei, be kenemiu Parinio Tubo nei!”

Jone 19:14 ပူးပေါင်းရင်းမြစ်များ

Mataiu 27:62

Vite nalo na amalmaluvo ea legiano na ka rila vite nonovio atu batitigio ea Legiano Lu. Mia bogoti dolu nene, napano naio be Legiano Lu nei naruei, tomu na tortoru na kulo lu nalo naliko Varisis nalo aba ajumolu aju kamu ea Pailat mirano,

Jone 19:5

Naio ber jibe na, ana Yesu naio miyotuba tavio, jikili ju kamu ea miralo, bija batubatu na tilikibi ea parinio bija kulukoti napano amiya eaio. Naruei Pailat berial ka kulo Ju nalo, berinavo “Nainei naruei be kenemiu toro na toru!”

Jone 19:42

Naruei amial ka vaataro napano m̃erenio rivatove, bogo bulati ga ana Legiano Lu tikario, naruei amidu Yesu mokotenano mebi joomo ea vio nene.

Yesu Kristo Kiano Ioluano Vou Napano MAK Bivitauiaio 15:25

Mia bogo napano amidu Yesu joa m̃akolkolo nei, nina kavijova, ea aura kover jibe na.

Jone 19:3

Ana aju lilie abinimei vaataro kanio, abeve terakurano amiyotel eaio, aberinavo “!Parinio tubo na kulo Ju nalo kialo, aiou! !Kumemi nubatove kaso!” Aber iliano nei kanio, ajum̃a amijubajuba kulbibinio.

Luka 23:54

Naruei legiano na Yesu kiano m̃ariano, naio be Vraire, jibe ka bogo na amiomon vite rorea Legiano Lu. Mia vonganei m̃erenio jo mialolo batove, vaataro ka Legiano Lu tikario, nina monloglog bogo na m̃erenio javin.

Yesu Kristo Kiano Ioluano Vou Napano MAK Bivitauiaio 15:42

Mia bogoti nei be Vraire, naio be bogo na ala vite nonovio atu batitig rivu ea Legiano Lu nei beni, mia bogo napano vaataro ka m̃erenio rivatove,

Mataiu 27:45

Ana ea legiano viovare, ana melijokouo binimei miununuko vio reraio, mia jo jibe na bano-o bokar m̃erenio tolu niogoravo,

Luka 23:44

Mia vonganei, rimei rivokar leri, ana tikar ea bogo na m̃erenio maka bunu merera, mila na melijokouo jovuko reraio vio nonovio garuei, naio jo jibe na bano-o bokar m̃erenio tolu niogoravo.