Jone 18:17 - Verikariano Vou Na Baki

¹⁷ Mia bogo napano Pitere jo binimei jouro, niatira nei mialio, bika denio, berinavo “?Ana jau bunu kobe naiagagoano tai na toro nei kanano, ina?” Mia Pitere naio mijogio, miilo kanio ana berdop̃e mila sibililio, berinavo “Ee, makanio.”

Jone 18:17 ပူးပေါင်းရင်းမြစ်များ

Jone 21:15

Telikiti napano numije simemi sinaniano na kavijo bisi, ana na Yesu jidom tukunu kija vija Saimon Pitere. Naio bika denio, berinavo “?Saimon, Jonas kenerinio, jum̃abe? Jau tiniemo jii kiniou loa laka, juvulu ka napano nalo dolu tinielo jii kiniou, p̃eli na makanio?” Ana Pitere berdop̃eio, berinavo “Tubo, vite na jau komijikia ruei, ka kiniou najaaro toru kaso.” Naruei Yesu berkanio, berinavo “M̃araiu, mo jau kavagan kiaku nunu solbouo nalo.”

Jone 18:25

Mia Saimon Pitere jikili ju bijalo ea tivelinio na sebi, aju amijegilo, ana abitilubar kija naio, ana abika denio aberinavo “?Jum̃abe, p̃eli jau bunu kobe toro na kiano naiagagoano tai?” Ana naio berbure, naio berdop̃e berinavo “Makanio, kiniou maka neve kanano.”

Jone 18:16

Aber naio to tavio ga ea morouo, mia bogo napano nemial jibe na, nabano bereio, nemil ban toro na toru nei kiano niatira na im̃auano tai, napano jikili jua morouo. Ana niatira nei mijamo ka kiniou ka novuru Pitere bunu riva jouro.

Luka 22:54

Bogo na abokar Yesu, aburio ban bereio naliko, abano aba jouro ea burusio na parinio toro lu kanano. Mia Pitere bunu jom̃a jakisosor vavanlo ga ka bogo nei, naio maka riva vaataro keanlo.

Mataiu 26:33

Naruei Pitere berial kanio, berinavo “Yesu p̃eli mia nalo dolu na aviniu kialo moneano ajoru kaso, ana avuro, mia kiniou maka nejikia notuvanso bogo tai.”

Im̃auano 12:13

Ana Pitere boru ea yimo nei, minia m̃aratavo nene, ana niatira sesa na vio nei tai, siano Rota, naio binimei ka rivetavo.

Jone 18:8

Ana Yesu naio berinavo “Jibe ka nam̃a kiniou neberenio ruei, kiniou nene nei naruei. A ver kamiu kubinimei kar kiniou takurano ga, bo ka kamiu kumijamo ka dolu nalo nei kanaku amijikia avano ga tibe na, kuvitokol re lo.”

Jone 18:5

Naruei nalo nei ajumolu aju napano Jutas, toro na jiveluku ka Yesu, naio jo jumolu lelan bijalo, mia nalo aberdop̃e banio, aberinavo “Kumemi numitum̃a numisirag kema na Yesu, napano naio tena Nasarete.” Ana Yesu berdop̃elo, naio berinavo “Naio nam̃a kamiu kumitum̃a kuber na, kiniou nene nei naruei.”