Jone 18:15 - Verikariano Vou Na Baki

¹⁵ Jibe nei naruei, aburu Yesu ban ea vio napano Anas joaio, ana ea bogo na, kumemi juo Saimon Pitere numitu numitakisorlo. Beamu kumemi juo Parinio Toro Lu nei nuburon vio takurano, naruei amijamo ka kiniou natakisor Yesu nava jouro, mia aberbure Pitere jo bo.

Jone 18:15 ပူးပေါင်းရင်းမြစ်များ

Luka 22:54

Bogo na abokar Yesu, aburio ban bereio naliko, abano aba jouro ea burusio na parinio toro lu kanano. Mia Pitere bunu jom̃a jakisosor vavanlo ga ka bogo nei, naio maka riva vaataro keanlo.

Yesu Kristo Kiano Ioluano Vou Napano MAK Bivitauiaio 14:54

Mia Pitere bunu jom̃a jakisosor Yesu ea bogo nene, mia naio maka riva vaataro kanio, mia bogo na nalo abinimei jouro ea burusio na komeli neibano, Pitere naio ba jotano bija tomu nalo na amim̃au Kaivas kiano, napano nalo ajum̃a ajutano vaataro ka sebi, bior vio menini.

Mataiu 26:3

Naruei kanio bogo nene, tomu na tortoru na kulo lu nalo, naliko navurim̃araboiano na kulo Israel nalo aju abior ea parinio toro lu kunuano, napano siano Kaivas.

Jone 18:24

Ana kario, aburu Yesu, napano amiorkakar jum̃ano nalo kia ga vo, ajaluvo den tormoruo Anas, aburu naio ban ea komeli na Parinio Toro Lu Kaivas kanano, ana naio mila vijagiano kanio.

Jone 18:28

Naruei viomijeni mermeravo kia ga vo, maka viorijeni vatitig vo, mia Kaivas naio mil ban Yesu ruei, naruei aburu naio ajaluvo den vio nei bereio, aban ea Pailat kanano komeli. Pailat naio be toro na toru napano kulo Romo abitirilar naio ka rije tuboiano ea buruvenuo na kulo Ju nalo kialo. Mia ka bogo na abinimei vaataro ka kanano komeli, kulo Ju nalo kialo navurim̃araboiano tinielo maio ka jibe ka napano abel ka ava joomo ea yimo nei, ajidomii ver ava joomo eaio mia rila amei ameravo re bunu ea Atua mirano, mia ajikia re ka avijurukarlo ka sinaniano na Jokoluolu na Sidomkariano na Ioruriano. Tenene na, aburu Yesu, abinimei aju tavio ga, mia maka ava joomo.