Jone 16:11 - Verikariano Vou Na Baki

¹¹ “A tolu nene, mia Niununo nene rilalo avitilubar ka mia Atua naio rijikia tiburelo, tibe ka ga napano naio jibure tubo kirivova nei ruei napano naio jo be tubo ka yetemeriba vonganei.

Jone 16:11 ပူးပေါင်းရင်းမြစ်များ

Jone 12:31

Monoka tibe na bior ka napano vonganei be bogo na tibureiano na yetemeriba, be bogo na avukular parinio tubo sim̃aro na yetemeriba naruei.

1 Jone 3:8

Toro na kanano meuliano bova, naio be Sim̃aro kiano toro, na naio be burupati na kariano ea yetemeriba nei jikar ea kiano tiiano binimei bokar vonganei. Bajago va na Sim̃aro nei kiano naio mila na Atua kenerinio miyotuba ea yetemeriba nei, ka ruekon bulag kanano im̃auano na bova nalo a ka rila kanano burum̃ara moroano naio ribisi.

Abe Kulo Ju 2:14

Mia kito robiniu robe Atua kenerinio nalo kia nei, kito robiniu robe kulorinio, bija niabedo a kiado burukija, mia ka Yesu rimei rive kuruado be riano, naio binimei ea yetemeriba nei, midu niabene a kiano burukija jibe ka kito ga. Tibena, mia bogo na naio mijamo ka bereio, naio m̃aro bior kito, naruei kiano m̃ariano nei naio muelar moroano na parinio tubo na kirisikili na m̃ariano kiano, nina be Sim̃aro.

Kolosia 2:15

Ea m̃akolkolo nei, Kristo jovulu vite jikili dolu nalo, naio mila kokorov sim̃aro nalo kialo buriu kouo nalo, jibe ka napano naio jovulu nalo ea burum̃ara mira tai, naruei naio mila kiano uolu nalo nene abinimei abe iakurano ea mirado kito tomu nalo, ka mia rosidomii yebekavo re bunu mave ealo.

2 Korin 4:4

Ea tivelinio na nalo napano maka amonea vo, tubo va na yetemeriba nei naio jetavoko kialo jidomiano ruei, naio milalo jibe abe merebono, bior napano naio maka sidom ka avitii burum̃ara miamoiano na Kristo kiano Ioluano Vou. Kristo nene kiano mermerano merera laka, bior napano naio bar mirano Atua ga memedu.

Jone 14:30

Mia vonganei, kiniou maka nejikia never vite ve telabo rivan kamiu, bior parinio tubo nam̃a jo mila tuboiano ea yetemeriba nei, vonganei naio jo binimei ka kiniou ruei. Kanano moroano naio maka rivare ka tovulu kanaku moroano,

Navisip̃eiano 1:7

Kamiu kuvitii vatitig rivu! Naio naruei jom̃a mijian burevure melijo nalo na mave, naio riyotuba rimei. Mia kito nonovio reial naio ka mirado memedu, a vija bunu nalo nanua m̃a ajukukakar naio ea m̃akolkolo, nalo bunu avitilubar naio bereio. A mia ve burum̃ara jogvaiano a tegiano riyotuba ea tomu nalo na yetemeriba, tinielo rimaio ka venia napano amila ban naio ea bogo nanua beamu. Mia monoka tibe ga na, neber “Ee” ban naio kanio.

2 Pitere 3:7

A kanano iliano nene naio jo mim̃au vonganei kiana, naio jo bokar vatitig vio tiniabene a borotano na yetemeriba, ka atu rivan riva vokar bogo na sebi na toru ea legiano na tibureiano mia naio rimei ka sisen bulag meuliano na tomu nalo na m̃a maka asidom Atua ea kanalo meuliano. Nina naruei be moroano na Atua kanano iliano, mia tomu nalo nei maka asidom ajikia.

Abe Kulo Ju 9:27

Ea tivelinio na kito tomu nalo, Atua mila ka kito romeul ea yetemeriba, karina rava kovio denio karina romeul bereio ka ravan ea tibureiano,

Abe Kulo Ju 6:2

Ajiloglog kito ruei ka varueiano, a ajokol pariparido ruei, romonea ruei ka mia rotumolu bereio den m̃ariano, a romijikia ruei ka tibureiano tai jo bija kiano vironiano napano mia tomu na bova mia avokar rivano-o mia rijikia re ribisi bogo tai. Mia vite nalo na kito romiovo dulu ealo ruei, mia maka rivu ka rotum̃a rataki jaado ka m̃a reseliviv ea vite nene dam̃ariga, mia bo ka rotu rava lie vo vija kiado Tubo.

Eveso 2:2

naruei ea bogo na, kamiu kumiel ea bajago va nalo na yetano nei. Beamu, kamiu kumitakisor tubo na moroano nalo na vio yauo, kumonmonea naio ga, napano naio be niununo napano jo mila kiano im̃auano ea nalo napano m̃a maka amonmonea Atua.

1 Korin 4:5

Tibe na, kito rala sop̃eli re ka rotibure toro dolu, mia monoka rotu rorea Tubo ka rimei bereio ea kiano legiano nene na tibureiano. Ea bogo na, mia naio rivar vite nalo napano ajuluku ea melijokouo, rila amalmaluvo ea mermerano, a mia naio rivar jidomiano nalo napano ajuluku ea toro kiano iviso, rila amalmaluvo ea mirano vio. Mia Atua rivitivitii vite nalo na, ana mia sian iliano van tomu nalo rimemedu ka venia napano naio mialio ea kialo meuliano.

Im̃auano 10:42

Ana bogo napano Yesu jo bija kumemi jibe na, naio mil ban kumemi, berinavo kumemi monoka nuvisivisii kiano Ioluano Novo van tomu nonovio, a monoka nuvila rimeravo vatitigio vanlo ka Atua naio bitirilar naio takurano ka naio tibure tomu nalo, nina nalo napano am̃aro ruei, a nalo napano mia nalo ameul kia ga vo ea bogo na tibureano.

Luka 10:18

Ana na Yesu berdop̃elo berinavo “Ee, kiado im̃auano jibe na naruei. A kiniou bunu, nemial Sim̃aro jumolu den tiniabene, amiila deven naio mijoru batove jibe ka viobijiio tai.

Mataiu 12:36

“Mia kiniou nejidom kamiu kuvijikia ka ea bogo na tibureiano, mia tomu nalo nonovio monokanio ala kialo veriiano ea kialo ilivovaiano nonovio veve terakurano napano ajum̃a aberenio ea kialo meuliano nalo,

Mataiu 12:18

“Nina be toro napano mim̃au kanaku, napano kiniou nebijauialar naio. Kiniou nejidom m̃elea naio bo laka, a kanaku jidomiano jaaro toru kanio. Mia kiniou nodu Niunuku toa naio, ka mia naio riverial bajago nalo napano memedu van tomu nonovio nalo na yetemeriba nei.

Romo 16:20

Mia verver kuvila tibe na, mia kiado Atua na tum̃aro naio be kiano m̃arabo ka rila Sim̃aro to yetano ka jaamiu ka kuvila tanea vatitig naio. Mia kiaku volkouano ka mia kiado Tubo Yesu Kristo kiano tinieseseiano to vija kamiu.

Romo 2:16

Jibe napano ioluano napano nojo nomioliolu kanio berenio, bogoti na toru nei naio jo binimei, a ea bogo na, mia Atua sian van Yesu Kristo ka rivitii veve tomu nalo kialo jidomiano nalo, riva rivokar venia na amilavanio joa kialo iviso, mia naio tibure tenalo napano amilaio, ba bokar naio napano aber p̃eli toro tai maka rijikiaio.

Im̃auano 26:18

ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”

Im̃auano 24:25

Mia Pol juvan iliano telabo lie vo ban naljuo, naio maka rialerinio ealo leleio, mia berii jum̃abe ka napano toro monoka rila bajago na memedu, a ka napano toro monoka telan vuu vatitig ka kiano meuliano, mia berii bunu tibureano napano Atua kanano ka mia rimei ea legiano na maaro. Naruei bogo napano Veliks mijog iliano nalo nei, naio mijog jibe ka julu m̃elea kiano jidomiano, mila naio merou kija, mo naio ber ka Pol, berinavo “Mo bo, bare ga vo. Jau kava joomo nei bereio vo, mia ver kiniou neleal kanaku bogo tai, mia neiila toru riviedu kaso bereio.”

Jone 16:12

“Vite telabo aju kiana vo ka mia neverialio, mia nemial ka napano kumijog bova jibe na, maka nejikia never ka kamiu vonganei.