Jone 15:22 - Verikariano Vou Na Baki

²² “Ver nemei re neverial vite nonovio rimeravo ea miralo, mia Atua rialo re river nalo amila korov kanano iliano. Mia vonganei, maka ajikia aver sop̃eiano tai rivior kanalo kariano ka rila parilo sikili ka Atua, bior amijog kiaku iliano nalo ruei.

Jone 15:22 ပူးပေါင်းရင်းမြစ်များ

Luka 12:46

Ana mia toro na toru nei naio rimei bereio ea legiano tai na mia toro na im̃auano nei naio riilo kanio garuei, ea bogoti tai na mia naio risidom re ka mia boru nei rimei eaio. Ana na mia toro na toru nei sian burum̃ara vironiano van toro nei napano mia rila naio riva toa vio na tomu na pariparilo kirisikili ajuaio.

Jone 15:23

Nao, be riano ka parilo jikili ka Atua ruei, bior napano ajerm̃i ka kiniou, ana naio javukia ga napano ajerm̃i bunu ka Karam̃aku.

Jone 15:24

“Verver re kiaku burutomoluo nalo napano amial nemilaio, napano maka toro dolu rijikia rilaio, p̃eli mia Atua maka jikia river ka kariano jualo. Mia makanio, amialio ruei, mia maka ga amoneaio, ajidel dolu ka ga m̃a ajerm̃i ka kumemi juo karam̃aku.

Jone 16:9

“Moti nene, be Niununo nene rila avitilubar ka burupati na kialo kariano naio be kialo bajago na maka asidom amonmonea kiniou.

Jone 19:11

Vonganei Yesu mil naruei, naio berdop̃e banio, berinavo “?P̃eli jibe na kovio, mia be kei na naio mije moroano na banso ka kala tibe na? Verver Toro na toru na mave naio maka rijamo ka vanso, maka kejikia kala titai ka kiniou leleio. Ver koverinavo kiniou nam̃aro, nina be kiamo vovaiano tai ruei, mia naio napano midu kiniou nojoa jum̃amo, naio mila bova laka, naina be kiano burum̃ara kariano tai na.”

Jone 9:41

Ana Yesu berdop̃e, berinavo “Ver ve riano ka kamiu kuve merebono naio bo ga, kamiu kuvijikia re kuvar vironiano riviorio. Mia bogo napano kumitum̃a kuberinavo kamiu kumijikia kumial batitigio vite nonovio, burum̃ara beleano na joa kamiu ruei.”

Im̃auano 17:30

Beamu laka ruei, ea melijokouo, tomu nalo maka ajikia vite tai, mia Atua bijuku bo kalo, naio maka tom̃a rivuluku kanalo vovaiano nalo ea bogoti nene. Mia vonganei naruei, ana na Atua berial memedu ga ban kulorinio reraio ea vio nonovio, berinavo monoka nalo aviliglo,

Romo 1:20

Be riano ka Atua naio maka ve kulorinio, a toro maka rijikia rial naio, mia jikar ea tiiano na yetemeriba binimei bokar vonganei, tomu nalo aju amial kiano bajago novo nalo, ana amijikia avitilubario ka naio be Atua riano. Ver aial kiano tiiano nalo ga, maka bunu ajikia avika aver ka naio be kenia.

Romo 2:1

Jibe na, ver jau toro Ju tai napano kojo komial vovaiano nalo na kulo dolu nei kialo, mia jau kosidomii tum̃abe kanio? P̃eli jau kosidomii ka jau kobo, nalo abova, mia maka leleio, vovaiano na joaso be verare ga, mia maka bunu kojikia kover titai. Jau kobe toro na tibure kulo dolu na, a kojo kojibureso bereio kar napano jau kojo komila tena javukia napano kojo kojibure dolu nalo kanio.

Yemesi 4:17

Toro napano naio mijikia batitig vite novo nalo napano memedu ka mia naio rila, mia naio maka rilaio, naio jom̃a mila kiano kariano ga na.

1 Pitere 2:16

Ka tivelinio, be riano ka kito romijikia romila venia ga na m̃a kito rojidom, mia ka tivelinio nene, toro na m̃a be namoneano naio maka rijikia sidom m̃elea tibe na. Vede naio jidom ka river tibe na, ver O, vite na naio joa kiniou ga na, kiniou nemijikia nala vite va venia napano kanaku jidomiano ga naio jidom. Mia maka tibe na leleio, bior ka napano monoka rovitilubar ka kito namoneano nalo robe tomu na amim̃au Atua kanano, mia monoka rala venia ga na m̃a naio jidomio.