Jone 15:12 - Verikariano Vou Na Baki

¹² Ana kanaku tuboiano dolu tai na maariano na mia neje van kamiu naio jibe nei, ber kamiu tiniemiuti tii kamiu tulaka, tavukia nam̃a kiniou tinieku jii kamiu.

Jone 15:12 ပူးပေါင်းရင်းမြစ်များ

1 Jone 4:21

Kristo kiano tuboiano napano ban kito naio jibe nei, ber toro na m̃a jidom ka naio be toro na m̃a tinien tii Atua, naio monoka tinien tii vatitig bunu kanano m̃aratavo.

Jone 13:34

Ana vonganei, kiniou nejian tuboiano vou tai ban kamiu, ka monoka kamiu tiniemiu titii kamiu ve toru, rivanvano-o mia tibe ka ga napano kiniou tinieku jii kamiu.

1 Pitere 4:8

A mave ea vite nonovio dolu nalo, monoka tinielo titiilo bereio ve toru laka, bior ka napano bogo na tiniedo jii toro tai, mila na romijikia robiekokoa kiano kariano monmaio ga. Iliano tai naio ber jibe na ruei, berinavo kariano toru laka, mia tinietiiano naio mijikia rivariko nonovlo.

1 Jone 3:23

Atua kanano tuboiano ea kito naio jibe nei, ka ber: kito monoka romonea kenerinio Yesu Kristo siano, amonoka tiniedo titii kito bogo nonovio, tibe ka na naio ber ka kito.

Romo 12:10

monoka kuve tiniemiu titii ea kamiu tibe kube torogio takurano, monoka kuvila vio sikili ka kuvial ka kei naruei mijikia rila bajago na vameneano rivan lie,

Eveso 5:2

Monoka kuviel ea jidomiano, tibe ka napano Kristo naio jidom kamiu, ana naio mijamo ka kiano meuliano kar kamiu, jibe ka bonotanunu novo tai ban Atua, a sida tai napano Atua naio jaaro kanio.

1 Pitere 3:8

Iliano na maaro tai ea tivelinio na, kiniou neber bo ka kamiu kuvidu jidomiano nalo napano neberenio mave ruei. Kamiu kuviniu, monoka kuvila vio sikili bogo nonovio ka kuvitu batitig vija kamiu napano kenemiu jidomiano ve takurano ga. Kamiu tiniemiu riiaia kamiu, kamiu tiniemiu titii kamiu tibe ka kube m̃aratavo takurano ga, kuvijuku rivu, kuvidu kamiu kuvitutano ka kamiu bereio.

1 Pitere 1:22

Jikario ea vio nei naruei kamiu kumonea ilirianiano na Atua kanano, a kenemiu meuliano jo binimei memedu bo, a kumitu tiniemiumaio lie vo ka kuruemiu dolu nalo. Mia kamiu kuveve re torogio ea naio, monoka kuvila vio sikili ka tiniemiuriia kamiu kuviniu ea kenemiu iviso nalo ka rimei ve toru lie laka.

1Tesa 4:9

Titai bereio napano nojidom neveriio ka kamiu, kito namoneano nalo kiado bajago, napano monoka rosidom kito tibe na robe m̃aratavo takurano ga. Tena kumijikia vatitigio ruei, maka tena ka nevivitauia bulagio bereio van kamiu, bior Atua naio berloglog kito robiniu ruei ber nina naio be tena bo tai na bo kirinovo laka.

1Tesa 3:12

Bano bokar bogo na, nojo nobolkouo ban Tubo, nebika ka mia naio rila kenemiu tinietiiano to riluo rivan tibe nei, rison vatitig kenemiu meuliano rivanvano-o rivokar bunu tomu nalo dolu, rimei ve toru laka rive verare ka kenememi tinietiiano ea kamiu.

2Tesa 1:3

Titai napano bo ka nuvila bogo nonovio, monoka nuver siva ka Atua ka kamiu nalo na kenememi bilbilu nalo. A vonganei, kumemi numisaaro toru ka nuvila tibe nei, bior kumemi numijog lilianiano nalo na kenemiu, aber kenemiu moneano binimei bavin laka bogo nonovio, a kamiu tomu nalo biniu aju tinielo jiilo bavin toru lie.

Jone 15:17

Mia kanaku tuboiano nene na jibe nei, ber kamiu monoka tiniemiu titii kamiu.”

2 Jone 1:5

Nena, kiniou nemial tenei, naruei nojidom notunukakar kamiu bereio, ka kumonmonea kanano tuboiano nei napano robokario nua ea burupati nene ruei. Tibe na, maka never vite vou tai van kamiu, neberial iliano tealo ga, ka kito monoka tiniedo titii kito dam̃ariga.