Jone 14:6 - Verikariano Vou Na Baki

⁶ Ana Yesu berinavo “Kiniou nebe burupati m̃arabo, kiniou nebe burupati ilirianiano, kiniou nebe burupati meuliano. Maka toro tai rijikia rivan ea karam̃aku, ver naio maka selea kiniou.

Jone 14:6 ပူးပေါင်းရင်းမြစ်များ

Im̃auano 4:12

Mia maka m̃arabo dolu tai bereio napano mia romijikia rovokar meuliano eaio, bior Atua naio maka sian sio dolu tai leleio van kito ea yetemeriba nei napano mijikia rilarur kito eaio.”

Jone 10:9

Kiniou ga nebe morouo na burusio, toro na rimei selia kiniou ga, mia kiniou nevitikar vatitig kiano meuliano. Mia naio mijikia rivatavio ka sirago sano sinaniano, karina mijikia rimei rimon jouro ka bogiano, naio mijikia rimei rivan tibe na rivu ga.

Eveso 2:18

Ana bior vite nalo nei napano Kristo naio mila ruei, vonganei kito nonovio robe kiado m̃arabo tai ea Niununo tai ga, ka romei ea karam̃ado mirano.

Jone 1:4

Meuliano na be riano maluvo den naio ga, naruei meuliano nei binimei jibe ka yulu na taara nonovio na tomu nalo.

1 Jone 5:20

Kito romijikia ka Atua kenerinio naio binimei, naio jian vitilubariano ban kito ka mia rejikia Atua napano naio be riano, ana kito rojua ga naio naruei, vija kenerinio nene nei, Yesu Kristo. Kanado Atua nei naio be riano, mia meuliano na naio jian ban kito naio maka ve jukuti nene.

Jone 1:14

Tibe na, Parinio Bajago na Atua kiano naio binimei be toro riano, naio binimei jo iviso ka kito, naruei kito romial kanano meuliano na bo nene, naio bujo laka ea bajago na tiniememiano a bajago na ilirianiano. Naio be novo na bo laka be motoru na Karam̃ado kenerinio, naruei kumemi numial kanano burum̃ara mermerano nene, napano be kanano, naio ga takurano.

Jone 1:17

Beamu, Atua bitirilar tormoruo Mosis, ka naio du ga kanano tuboiano binimei ban kanano tomu nalo, mia Yesu Kristo, Atua bitirilar naio ka naio naruei bar bajago na tiniememiano a iliano na ilirianiano binimei ea yetemeriba nei.

Abe Kulo Ju 7:25

Jibe na naio jo dam̃ariga ea Atua mirano, naio jo bolkouo dam̃ariga banio ka kito, mila na kito na voniganei, p̃elina kito tomu na romei iorou, mia naio naruei mijikia rilarur nono kito na m̃a rejelea naio robinimei vaataro ka Atua.

Jone 8:32

Mia kamiu kuvijikia ilirianiano, naruei mia ilirianiano rila m̃arimieni nalo atibirbili den kamiu.”

1 Pitere 3:18

Kamiu tiniemiu maio ka Kristo, napano naio jibe na. Naio be toro na memedu laka tai, mia naio mijog jaleleano burutomoruo laka bior tomu nalo napano maka amemedu. Kariano na kito tomu nalo na yetemeriba kiado telabo laka, mia ea kanano m̃ariano takurano nei, naio mila vite nonovio bo ruei ka rila ka ve kiado m̃arabo ka mijikia rivuru kito rava vaataro ka Teta Atua. Amila lelan Yesu niabene jibe na bano naio m̃aro garuei, mia bo laka ka napano iorou, naio binimei meul bereio ea moroano na Atua Niununo.

Jone 5:21

A bunu, tibe ka napano Teta naio bitiri bulag bereio nalo napano m̃a am̃arm̃aro naio jian bere kialo meuliano banlo, mia kiniou Kenerinio bunu nemijikia nesian meuliano van toro kei nam̃a nojidom nesian vanio.

2 Jone 1:9

Toro na tumolu, riviako loa rivatavio den burusio, rimonea re bunu verloglogiano nalo na Kristo, naio maka bunu ve Atua kanano. Mia toro na jo bo dam̃ariga jouro ea ilirianiano na kiado, Atua Teta bija kenerinio ajoa naio.

Navisip̃eiano 20:15

Mia toro kei napano maka alealio siano toa Niosi na Meuliano nei, naio naruei avuku naio bunu rivatove ea burum̃ara bulukuti sebi nei.

Jone 15:1

Naruei ka bogo na numiel nubano, Yesu naio ber iliano ta bunu ban kumemi. Naio berinavo “Kiniou nebe burupati na telikrevi na be riano, mia Teta naio jibe ka toro na bitikar jiotilikrevi nei.

Mataiu 11:27

Karina Yesu ber bunu, berinavo “Karam̃aku juvan vite nonovio jua jum̃aku ruei. Mia Karam̃aku, naio ga takurano mijikia batitig kiniou, mia kiniou nei napano nebe kenerinio, kiniou ga takurano napano nemijikia batitig naio. Kiniou kumemliko nalo napano nebijauialo ka nesiloglog Karam̃aku kalo ka avarkar tinielo ea naio, kumemi nene naruei numijikia batitig naio napano be karamememi.”

Jone 6:51

Mo, kiniou naruei, kiniou nebe joko napano meul mugaruei, napano jaluvo ea vio mave binimei ea yetemeriba nei, ka toro na naio senio, naio meul tobo to. Joko nene naruei be mokotenaku, napano kiniou nemijamo ka bior yetemeriba vodolu nei, nejian bior meuliano na kanano tomu nalo.”

Navisip̃eiano 22:17

Mo Atua niununo naio mijog iliano nalo nei, naio ber ka Yesu, berinavo “Bo ga, jau komijikia komei!” Tira na ju ka soro kanio, naio berinavo “Nao, bo ka jau komei naruei!” A toro kei napano naio mijog iliano nalo nei, bo ka naio bunu riverialio, riverinavo “O Yesu, ver jau komei ga!” Mia kei napano midou jer, kuvetavo ka m̃aratavo kanio ka naio mijikia riviedu joomo. Toro napano naio jidom rimei, mia naio mijikia rivokar m̃ano uei na meuliano, jibe ka kanano jidomiano kurano tai ga.

Jone 8:51

Mia be iliano tai napano be riano napano nemijikia never ka kamiu jibe nei, ka ver kamiu tai rivokar kiaku iliano sikili, naio rudukario, mia naio maka rijikia rial nam̃ariano bogo tai.”

1 Jone 2:23

Toro na m̃a bilig taakano ka Atua kenerinio, Atua maka rijikia toa naio, mia toro na m̃a berial batitig bo ka ber naio midu Atua kenerinio ea kiano meuliano, mia Atua bunu rimonmon ga to vija naio dam̃ariga.

Jone 10:28

Kiniou nojom̃a nejian meuliano nei napano maka ve jukuti nene banlo, ka mia ava kovio deio, a ve re toro tai napano mijikia rivuru bulaglo den jum̃aku.

Jone 18:37

Ana Pailat berkanio, berinavo “?A na m̃a ka nomijog koberii kiamo tuboiano, jibe ka napano jau kobe parinio tubo tai ruei ina?” Ana Yesu berinavo “Naina naruei! Jau kobakario vatitigio kiana, javukia napano jau koberenio. Kiniou nebinimei yetemeriba nei, nomiyotuba eaio, kar vite na ga naruei, a ka kiniou nemei neverial ilirianiano nalo van kiano tomu nalo. Toro na m̃a naio jikili ju tivelinio na ilirianiano, mia naio riagago rivu ka kiaku iliano.”

Jone 6:33

Atua kanano joko be kiniou napano najaluvo ea vio mave nebinimei yetano, ka nesian meuliano vou rivan tomu na yetemeriba nalo.”

Jone 14:19

Bogo teliki ga jo kiano vo, vesiou lele re, karina mia tomu nalo na yetemeriba nei ajikia re bunu aial kiniou bereio. Mia kamiu ga kuvial ka napano mia nemeul bereio, a bior mia nemeul, mia kamiu bunu kumeul.

Jone 6:57

Karam̃aku na be burupati na meuliano, ana naio miila kiniou nebinimei, mia kiniou nojo nomeul ea kanano meuliano napano joa kiniou, naruei naio napano m̃a jen niamonioku, mia naio rimeul ea kanaku meuliano napano joaio.

1 Pitere 2:4

Atua naio jidom rivitirilar yimo lu tai, naruei naio bijauialar puruveru tai napano naio meul tena tagvoru na yimo nei, napano naio mial bo laka, nina be Yesu. A kulo dolu nalo maka asidom naio, abukulario, mia kito tiniedo jii naio toru, rotakiio.

Jone 10:7

Jibe na, mia Yesu mil lie vo banlo ea tivelinio na burusio na nunu, naio berinavo “Kiniou neber riano ka kamiu, ka morouo na burusio na nunu nalo, kiniou nene nei.

Romo 5:2

a mila napano roju bo joomo ea kiano tinieseseiano bogo nonovio. Jibe na naruei, kiado jidomiano jikili ka iorou, mia monoka rove togio joomo ea Atua kiano mermerano, mia rasaaro laka.

Kolosia 3:4

bior ka Kristo naio naruei be burupati na kiado meuliano vonganei, mia iorou kanio, bogo napano mia naio riyotuba ea tomu nalo miralo, mia kito bunu royotuba vija naio ea kanano burum̃ara mermerano.

1 Korin 15:45

A bunu, romijikia rosidomii toro moti nei napano Atua jiio, napano be Atam, bija Atam na maariano napano midu joa yetemeriba, napano be Kristo. Iliano tai berenio ber Atam, Atua jii naio binimei bija mokotenano tai napano meul, ana Kristo, Atua miila naio binimei bija niununo tai napano be burupati na meuliano.

1 Jone 1:8

Toro na m̃a jo mila bonua, ka ber maka ve na bova tai toa kiano meuliano, kiano iliano nei naio maka rive riano leleio, naio jom̃a mila sibilili naio bereio.

Jone 6:68

Ana Saimon Pitere naio berdop̃e, berkar jikili ban Yesu, berinavo “Tubo, ver kumemi nuvituvanso, mia kumemi nuva nuvitakisor kei bereio? Jau takurano ga napano ioluano na meuliano na joaso,

Romo 5:21

Beamu, kariano buru m̃ariano binimei, mia m̃ariano nene na naio jo mila kariano jo juvulu bogo nonovio. Mia iorou, Atua mila kiado m̃arabo ka romei memedu ea mirano, mia nina mila ka vonganei kiano tinieseseiano naio juvuluio, kar napano jo mila ka kito roviniu napano romonea Tubo Yesu Kristo, mia rovokar meuliano napano maka rijikia ribisi.

Navisip̃eiano 1:5

a mijikia rimaluvo ka kamiu den Yesu Kristo bunu, naina napano naio biekouo banbano mia kiano burukija miou, karina naina be moti napano naio jumolu meul bereio, napano vonganei naio be burum̃ara parinio tubo ka parinio tubo nalo na yetemeriba. Riano, Yesu Kristo nene napano naio tinien miia kito toru, banbano mijamo ka kanano burukija miou ka rivulu bulag kito den vironiano na kiado kariano nalo,

1 Pitere 1:21

Naio miyotuba, naruei ea kanano m̃ariano naio betavo ea kiado m̃arabo ka rovan bereio ea Atua naio bo laka. Mia bogo napano romial ka Atua mila naio meul bereio, midu naio jo mave bijaio ea kiano mermerano, kito be tiniedo ka Atua nei naruei, bo ka romonea naio, resikili rotuaio, a ravarkar tiniedo eaio.

Navisip̃eiano 19:11

Mia ka bogo na vio mave betavo ban kiniou, nejiraravo ba joomo, nemial bue kulorinio na mivu naio jumolu ju, a toro kouo tai jotano mave eaio. Naio naruei napano mila mira die vovaiano, ana bogo napano mila kiano tibureiano, naio mim̃au memedu ga. Toro nene, abio siano ka Parinio Tubo Viekouoiano na Riano,

Kolosia 2:9

Atua naio midu kiano meuliano a moroano nonovio nalo ajua mokotenano toro nei Kristo,

1 Jone 5:6

?Mia jum̃abe ka kito romijikia ka Yesu naio be Atua kenerinio? Tomu tolu aberial iliano nei ban kito: tai naio be Niununo Lu, tai naio be uei, a tai naio be burukija, a nalo tolu nene, aberial jibe ka iliano takurano ga. Uei naio berenio bajago na Yesu Kristo kiano, ka napano naio miyotuba yetemeriba nei jibe ka venia, a naio bokar varueiano jum̃abe, mia romijikia rovitilubario ka naio be Atua kenerinio. Mia maka naina ga, mia burukija bunu naio ber bajago na Yesu kanano bereio, napano naio m̃aro jum̃abe, mia romijikia rovitilubario ka naio be riano. Ana mave ka naio bereio, Niununo Lu, napano kanano iliano naio be riano julaka, naio berialio kiri meravo ban tomu nalo re nua ea miralo bunu ruei.

Navisip̃eiano 3:14

“Na maaro, jau monoka kovivitauia m̃esi tai riva van nailiano na lotuano na komeli na vio Leotesia, kover tibe nei, koverinavo ‘Iliano napano biedu ban kamiu naio binimei den naio napano naio be parinio ka vite nonovio, napano naio ga mijikia river “Tibe na.” Naio biekouo be riano ea Atua va vokar napano kiano burukija riou, a naio rive tubo ka yetemeriba nonovio napano Atua naio jiio.

Kolosia 2:17

Tuboiano nalo na jibe na, tomu nalo aber ka ala vonio ka aleal m̃arabo na memedu, mia nalo ajavukia ga vamelu na vite na maka rimaluvo vo, mia burupati riano na vite nonovio nene, naio be Kristo ga.

Navisip̃eiano 3:7

“Bereio, jau monoka kovivitauia m̃esi tai riva van nailiano na lotuano na komeli na vio Vilatelvia, jau kover tibe nei, koverinavo ‘Iliano na napano biedu ban kamiu, naio binimei den naio napano be lu, a naio be riano, napano naio naruei naio midu vukariano na vetavoiano na m̃aratavo napano Parinio Tubo Teviti re nua kiano. Venia napano naio betavo eaio, maka toro tai rijikia tetavoko bereio, a venia napano naio jetavokoio, maka toro tai rijikia rivetavo ea bereio.

Im̃auano 3:15

Tenene na mia kamiu kumuebin ruei Burubati Na Meuliano naio m̃aro, mia iorou kanio ana Atua mila naio meul bereio den nam̃ariano, mia vite nei naruei kumemi numial ka mirememi, ana na numitum̃a nuber lilianio.

Navisip̃eiano 22:1

Karina, nailiano jiloglog parinio uei na meuliano ka kiniou. Nemial napano be uei novo nene, naio meravo mia meravo, naio jo mieraro miyotuba jikar ea vio lu na Atua napano Nunu Solbouo juaio.

Abe Kulo Ju 9:8

Mia bogo na ajum̃a amila jibe na, javukia kijokijo na Niununo Lu napano mila meravo ban kito ka bogo na ver yimo panpano lu naio tumolu tu kia ga vo, mia kito tomu ninio kito ve re kiado m̃arabo tai leleio ka ravan rovokar vio na m̃a Atua naio joaio.

Romo 15:16

ka nomei tibe Yesu Kristo kiano toro na im̃auano ka noverial Atua kiano Ioluano Vou ka nalo napano maka ave Ju. Nomila im̃auano na, nojibe toro lu tai napano nomim̃au joomo ea Atua kunuano Lu, nomila nalo napano maka ave Ju abinimei abe lu vatitig, nomioalo ea Niununo Lu siano, ka amijikia amei tibe ijaiano novo tai napano ban ea Atua napano mia naio saaro ka vatitigio.

Im̃auano 9:2

naio bika ijaiano tealo denio. Sol jidom ka parinio kulo lu nei rivivitauia niosi nalo tealo van navurim̃araboiano na yimo na volkouano na kulo Ju nalo kanalo, nina ea vio Tamaskas, ka riverial vanlo ka monoka ajamo ka Sol rivatove ealo ka sirag tomu nalo napano aju joomo ea vaio napano m̃a abio ea bogo na kanio “M̃arabo Vou,” ninei be namoneano nalo. Sol mila jibe na bior naio jidomii ka riva rivokakarlo sikili, sum̃ano nalo a tire nalo, ana mo naio rivurlo avan bereio Yerusalemo, napano beamu nalo aburo kanio, ka rivukulo avan ea yimo na tetavokoiano. Ana toro na toru nei bivitauia jibe ka napano Sol bika denio, ana midu jian banio.