Jone 14:31 - Verikariano Vou Na Baki

³¹ mia kiniou nemijamo ka ga kiniou ea jum̃ano, bior monokanio nala venia napano m̃a Teta berialio ka naio jidom ka kiniou nalaio. Mia nemila jibe na, ka tomu nalo na yetemeriba nei nalo ajikia avitilubar ka kiniou tinieku jiilo. “Kito m̃a, voniganei kiano bogo nene na ruei, rotumolu rava tavio.”

Jone 14:31 ပူးပေါင်းရင်းမြစ်များ

Jone 10:18

Vere toro dolu tai napano mia rudular kiaku meuliano nei den kiniou, mia kiniou ga takurano nemijamo kanio. Be kiaku ga nesian rivano, a be kiaku ga ka mia nodu bere rimei. Ka noim̃au tibe na, Teta ga mije monea kiniou.”

Vilip 2:8

Toro na vio mave naio binimei be toro na yetemeriba, naio mila naio batove, naio jotano yetano ka sidomiano na Atua kanano, banbano-o na naio bokar m̃ariano ea m̃akolkolo.

Jone 12:49

Kanaku iliano mijikia rila tibe na, bior ka bogo napano nojom̃a naberial iliano nalo na, maka neil ea siaku kiniou ga ve takurano, mia nemil ea Teta siano napano naio miila kiniou nebinimei yetano. Naio ga berial batitig ban kiniou vite nonovio na monoka neverialio,

Jone 4:34

Ana na Yesu ber kalo, berinavo “Makanio, sinaniano na kiniou nojo neberenio na naio dolu kiana. Saku sinaniano, naio be im̃auano na jogkariano na tinieiiano na naio nam̃a miila kiniou nebinimei yetano nei, a kiniou monoka noim̃au ka nonovio riviniu rivanvano-o na ribisi.

Luka 12:50

Burum̃ara im̃auano kouo tai monokoro jo kamu ka miraku kia navo, ka mia monoka nevija dulu eaio, mia vonganei notom̃a nop̃idig kar kiniou ruei riviorio. Bo ka tenene rimei sop̃eli, ka nomijikia nala nonovio.

Jone 15:9

Teta naio tinien jii kiniou toru laka, mia javukia ga napano naio tinien jii kiniou, kiniou bunu tinieku jii kamiu, naruei bo ka mia kamiu kuvijurukar vatitig ea kanaku tinietiiano nene.

Jone 18:11

Ana Yesu mil ban Pitere, naio berinavo “Pitere, jau kodu vatitig bereio kanamo iobogu na mira na riva joomo ea siveu nene bereio. ?Jum̃abe, jau maka kosidom ka kiniou navan ea bogokouo na jogvaiano napano Teta na mave naio mije ban kiniou? Makanio, monoka navan eaio ga.”

Jone 12:27

Mo Yesu naio jikar ka jidomii ka napano vesiou re, mia naio monoka rim̃aro, naruei naio mijog deio ea kiano iviso. Naruei naio berinavo “Vonganei, kiniou namijog jidomiano niukniuku joomo ea kiniou. ?Mia kiniou never venia rivan karam̃aku? ?Bo ka kiniou novolkouo, nevika den naio, neverinavo: Teta, aiou jau kovurular kiniou den aura na bogokouo nei? Mia maka rivu ka neber tibe na, bior kiniou nebinimei ea yetemeriba nei kar im̃auano nene ga na.

Mataiu 26:39

Ana Yesu miel ba lie kija telisu bereio, ana naio mijoru minie, dabuko mirano ka rivolkouo. Ana naio bio, berinavo “Teta o-o, verenio jau komijikia kala vite nei, aiou kiniou nejidom ka jau kejelar baja na jogvaiano nei den kiniou ka mia kiniou nomunu ea re. Mia kala re tibe ka na kanaku jidomiano, mia kala ea ga kanamo.”

Mataiu 26:46

Kito, kuvitumolu, ravano. Kamiu kumial na, toro na jiveluku ka kiniou nana ju binimei vaataro ga naruei.”

Jone 13:1

Vonganei, vite nonovio ju batitig ruei, beni ga naruei ana ve burum̃ara legiano, napano Jokoluolu na Sidomkariano na Ioruriano naio tikar eaio. Naruei Yesu naio jo bitilubar ruei ka kiano bogo binimei, legiano na beni ga be kiano bogo na naio monoka tuvan yetemeriba nei ka rivavin mave ea karam̃ano. Binimei bokar bogo nei, ea m̃arabo telabo, naio bijuku bo laka ban nalo na abe kanano napano ajua yetemeriba nei ruei, naio tinien jiilo toru laka, mia vonganei be bogo na naio tinien riialo lie vo, rivano-o rivokar napano mia kiano meuliano rivakovio riviorlo.