Jone 13:13 - Verikariano Vou Na Baki

¹³ Vite na naio jibe nei. Telikiti nam̃a kubio kiniou kuber Naverloglogiano p̃eli na Tubo, kamiu kumitum̃a kuber riano ga na.

Jone 13:13 ပူးပေါင်းရင်းမြစ်များ

Mataiu 20:28

Kulorinio Kenerinio naio mila jibe naruei, ka naio maka rimei ka mia tomu nalo ala im̃auano na ka mia aija naio, mia naio binimei ka rila im̃auano na ka mia naio rijailo, a kanio rijamo ka kiano meuliano ka rivulu bulag tomu nalo ve telabo.”

Luka 10:28

Ana Yesu berkanio, berinavo “Nao, jau kober kirimemedu tanea na. Mia ver jau kala tibe na, mia jau kovokar meuliano na kojom̃a kobikanio na.”

Luka 6:46

Ana Yesu ber kalo, berinavo “?Bior vaio ana kumitum̃a kubio kiniou kuber ‘Tubo o, Tubo o,’ karina maka kuvitum̃a kumonmonea venia nam̃a kiniou nojom̃a neber ka kamiu ka m̃a kuvilaio?

Luka 7:43

Ana Saimon berdop̃e ban Yesu, naio berinavo “Kiniou maka nejikia, p̃eli na kanano jabue burutomoruo laka kovio, naio monoka sidomii naio rivu lie.” Ana Yesu berenio berinavo “Nao koig, naio jibe na naruei.”

Jone 11:2

A Mere nei bunu napano iorou, naio miyon bonotanunu ea Yesu, naio miolkon jaano nalo ka vijinio.

Jone 11:28

Telikiti na Marita ber jibe nei ka Yesu avona bisi, ana naio milivi joomo bereio, ban ka kuluene nei Mere, mijuvaluva banio, berinavo “Naverloglogiano nene, naio binimei ruei, naio joa m̃arabo yako, naio jidom rialso beamu vo.”

Jone 11:3

Mia bogo napano kuviviniene juo nei amial ka kum̃anelo na m̃aro naio mie toru jibe na, amiila toru ka Yesu, aberinavo “Tubo, kiamo bilbilu m̃a na jau tiniemo eaio, naio mie laka.”

1 Korin 12:3

Nina naruei niununo kinkin nalo napano amijikia ala toro ril rivova ka Yesu, riolua siano, mia Atua kiano Niununo Lu maka rijikia sian iliano na jibe na. A niununo nalo na, maka ajikia ala toro river iliano novo, verial Yesu be Tubo riano, mia toro napano ber jibe na, romijikia ka Niununo Lu jo mim̃au ea naio, bar iliano nei banio.

1 Korin 8:6

mia ea kito, romijikia vatitig ka Atua takurano ga jo. Nina naruei Atua karam̃ado, napano naio be burupati ka vite nonovio, napano kito robe kiano. A Tubo takurano ga ju, nina naruei Yesu Kristo, napano naio jii vite nonovio, napano kito romeul eaio.

Eveso 6:9

Mia kamiu tubo nalo na tomu na im̃auano nalo kanalo, kamiu bunu kuvila rimemedu van kenemiu tomu na kenemiu im̃auano nalo, mia kuvil re ka tiniesereiano tulaka vanlo. Monoka kuvitu tiniemiu rimaio ka kamliko nalo, kubiniu kenemiu Tubo takurano ga, napano joa vio mave, a napano naio jom̃a mila be verare ga ban tomu nalo.

Vilip 2:11

mia niolo nalo nonovio avamenea Atua Teta, averial ea miralo, aver ka Yesu Kristo naio takurano be Tubo.

Vilip 3:8

Nao-o, nemijikia never tibe nei naruei, neverinavo nojo namial vite dolu nalo nonovio abe tena vakovio ga, mia nojidom ga ka nejikia vatitig Kristo Yesu tibe ka tubo na kanaku meuliano, riva lie tibe na. Vite takurano na ga na namial naio bo, napano bo lie vo jovulu vite dolu nalo nonovio, naruei naina ga nojidomio. Kiniou nojidom toru ka novokar naio ea kanaku meuliano, mia namilaluv kanaku saba dolu nalo nonovio bior ruei, mia naio bo ga, kiniou namial vite nalo na jibe soro ga ea kiniou.

Yemesi 2:19

Nao, nemijikia ka jau komonea ka napano be Atua takurano ga naio jo, nina bo laka. Ana neber kaso, neberinavo sim̃aro nalo bunu amonea jibe na, a nalo ajum̃a amemebiju toru kanio.