Jone 13:10 - Verikariano Vou Na Baki

¹⁰ Ana Yesu berdop̃e ban Pitere ea jamerijiano sesa tai, na berial jum̃abe na toro naio meravo ka kiano kariano. Naio berinavo “Toro napano mijeliou vonga, niabene reraio meravo nonovio ruei. Ana ver jaano riagiago bereio, mia naio maka rijikia riva rijeliou nonovio bereio, mia naio sekon ga jaano. Mia kiniou nemial kamiu kumitibe na. Kamiu kumeravo nonovio bo ruei, mia kamiu tai ga maka tibe na, naio miagiago dolu ga jo.”

Jone 13:10 ပူးပေါင်းရင်းမြစ်များ

Mataiu 6:12

A jau koviekokoa kumemi rivior kenememi kariano nalo, tibe ka kumemi numitum̃a nubiekokoa tomu dolu nalo napano amila vite jorokor ban kumemi.

Jone 13:18

Ana Yesu berenio “Kiniou neber jibe na, mia maka never kito nonovio, bior kito tai naio jo, napano kiano jidomiano bilig be dolu ruei. Ierinio, kiniou nemijikia batitig kamiu kubiniu napano nebijauia bulag kamiu, mia kiniou nemijikia ka mia kamiu tai naio rila rimemedu ga takii napano Vivitauiano Lu berial nua ruei, napano ber jibe nei, berinavo Naina mia kumemi ve juo nuvisen bitiran saku joko, naio mudular burum̃eiano ka rivuta davalar ka kiniou ruei. Iouano 41:9

Jone 13:9

Naruei telikiti na Pitere naio mijog ninei, kiano jidomiano be dolu kija, naio ber ka Yesu berinavo “!Tubo, ver tibe na, najamo ka ga, nejidom ka jau kesekon kiniou maka ea jaaku ga, mia ea mokotenaku reraio, riva rivokar bunu jaaku a pariku!”

Jone 15:3

Vite na namila ban kamiu ruei, a vite napano bivikon batitig kamiu na, naio be kanaku iliano nalo nam̃a nojom̃a neber ka kamiu.

2 Korin 5:17

Nina bior napano toro kei napano ver rimonea Kristo, naio rimei tibe toro terivou tai garuei. Kiano meuliano moruo na re nua ba kovio, a vonganei, kiano meuliano vou maluvo ruei.

2 Korin 5:21

Naio naruei tinien miia laka kito, ana midu kenerinio nei Kristo, napano maka leleio rila kariano, miila naio binimei jibe toro na bar kiado kariano nonovio robiniu. Atua mila jibe na ban naio ka rila kito tomu na romila kariano, romijikia romei rove tomu memedu nalo ea Atua mirano.

2 Korin 7:1

Bilbilu nalo, naina naruei Atua kiano verikariano novo nalo napano ber ka mia rivuru kito tibe kiano m̃aratavo nalo. Naio mila jibe na ka kito bo laka, ana bo ka kito ravatove ka naio tulaka, a monoka rolakon niamiamo ea kiado meuliano. Kariano tealo romila ea mokotenado, a tealo romila joomo ea kiado iviso ga, ana monoka robisi kalo nonovio, a monoka romei roveli vatitig mia roveli vatitig, tibe napano naio jidomio.

1Tesa 5:23

Ana nobolkouo ka Atua ga, napano be Atua na tum̃aro, rila kenemiu iviso vija jidomiano a meuliano bunu rive lu mia rive lu vatitigio. Nojidom laka ka bogo na kiado Tubo Yesu Kristo rimei bereio, mia niunomiu, tiniemiu, vija mokotenemiu nonovio maka lele kiri soro tai toalo.

Abe Kulo Ju 9:10

Amila vite nalo na, bija venia napano tuboiano sesa nalo aberenio ea tivelinio na m̃arabo na amim̃auka sinaniano bija munuiano, a ea tivelinio na bajago na sekoniano na saba. Mia vite nalo na naio be tena vio tavio ea toro niabene ga, mia maka atokol toro kiano iviso p̃eli kiano jidomiano. Mia kiado tormoruo nalo ajum̃a abokar bajago nalo jibene bano-o, abe navokariano nalo ga rivano-o rivokar bogo na Atua mila kiado m̃arabo vou, napano naio be kiano virakariano vou napano maluvo ruei.

Yemesi 3:2

Ver toro tai maka lele rilaluvu kanano iliano bogo tai, toro na naio bo mia bo, naio mijikia telanvuu vatitig ka kiano meuliano momou. Mia p̃eli ga, kito nonovio roju romila kokorov kanado iliano julaka ga.