Jone 12:9 - Verikariano Vou Na Baki

⁹ Ana maka vesiou, lilianiano naio ba bokar tomu nalo napano aju amidu bijiilo yako Yerusalemo bior jokoluolu, ka vonganei Yesu naio binimei jo Betani ruei. Mo nalo abatavio ka aialio, a maka ve naio ga, mia ajidom aial Lasaros bunu, nanua Yesu mila naio meul bereio den m̃ariano maka vesiou.

Jone 12:9 ပူးပေါင်းရင်းမြစ်များ

Yesu Kristo Kiano Ioluano Vou Napano MAK Bivitauiaio 12:37

“Ea vio na kito romialio ka napano Teviti naio jom̃a bio Naverikariano nei naio be kiano Tubo ruei. Naruei bior Teviti naio ber jibena, jum̃abe ana ajum̃a aberinavo mia Naverikariano nene mia naio riyotuba ea Teviti, be kiano yati ga?” Mia burum̃ara tiniobi napano aju ka bogo na, ajidom m̃elea verloglogiano na jibe ka Yesu kanano, nalo amije tilinielo toru laka eaio.

Jone 12:1

Mia telikiti napano Jokoluolu na Sidomkariano na Ioruriano nei naio maka vo, bogoti ari ju, ana kumemi liko Yesu nubano nubokar bereio komeli na telisu nei Betani. Naruei nubano numiyotuba bereio ea Lasaros kiano vonuo, naio napano Yesu nanua mila meul bereio den m̃ariano maka vesiou ga.

Jone 12:10

Tomu nalo aju aba amial Lasaros jibe na bisi, a venia napano Yesu mila banio mila napano nalo telabo kalo, ba bokar kulo lu na kulo Ju tealo, aburo ajuvan kialo navurim̃araboiano dolu nalo abinimei amonea Yesu. Ana ka tena, tomu na tortoru na kulo lu aberiio, abirokar ka mia aleal m̃arabo tai ka ajikia auebin Lasaros rim̃aro bo.

Jone 12:12

Mo Lasaros nalo amila Yesu sano sinaniano nei bisi, ana ka legiano dolu nene, iliano ba bokar burum̃ara tiniobi nei napano aju Yerusalemo bior jokoluolu, ka vonganei Yesu naio jo binimei ruei.

Jone 12:17

Naruei tiniobi toru nei aju aborvorua Yesu jibe na. Nalo miroano napano naniovo ga aju bija naio telikiti na naio bio Lasaros meul bereio den m̃ariano, ana aba aberial burum̃ara burutomoluo nei ban nalo dolu nalo.

Im̃auano 4:14

Ana nalo maka bunu ajikia aue dobi Pitere kanano iliano leleio, bior toro napano jaano be juo binimei bo ruei naio jumolu ju naliko naljuo nei.