Jone 12:49 - Verikariano Vou Na Baki

⁴⁹ Kanaku iliano mijikia rila tibe na, bior ka bogo napano nojom̃a naberial iliano nalo na, maka neil ea siaku kiniou ga ve takurano, mia nemil ea Teta siano napano naio miila kiniou nebinimei yetano. Naio ga berial batitig ban kiniou vite nonovio na monoka neverialio,

Jone 12:49 ပူးပေါင်းရင်းမြစ်များ

Jone 14:10

?Jau komonea ka kiniou ea Teta, a Teta naio ea kiniou, p̃eli na jau maka komoneaio? Iliano nalo nam̃a neber ka kamiu, maka kiniou ve takurano nam̃a nemil ea siaku ga, mia Teta napano joa kiniou naio jo mila kiano im̃auano nalo jel ea kiniou.

Jone 8:26

Naina ga kiniou nojom̃a neber tivelinio na kiniou. A tivelinio na ea kamiu, ve vite miroano napano nemijikia neverenio, mia p̃eli ver neverenio, a be iliano na tibureiano nonovio. Ana vite nalo napano nojom̃a neberial ea yetemeriba nei, naio be iliano nalo ga napano nomijog den naio napano miila kiniou, bior dam̃ariga, kiano iliano nalo amemedu laka.”

Jone 5:30

Ana Yesu mil lie vo, naio mil memedu ban tomu na tortoru na kulo Ju nalo napano maka asidom amonea naio, naio berii vite nalo na m̃a ajiloglog naio ka naio be riano. Naio berenio berinavo “Ea tivelinio na tibureiano, napano mia kiniou nala, mia kiniou nala re tibe ka kanaku jidomiano kiniou ve takurano ga, mia nala ea ga venia napano nomijog Teta berenio. Tibe na, mia kanaku tibureano naio memedu ga, bior napano maka nala ka kanaku jidomiano, mia nemila ea Teta kiano na naio juvan kiniou nebinimei.

Jone 17:8

bior kiamo iliano napano kojian ban kiniou, kiniou nejian solio ka banlo, naruei nalo amijevio nonovio ruei, mila na vonganei nalo amonea jikili ka kiniou najaluvo easo nebinimei, jau naruei komiila kiniou.

Jone 14:31

mia kiniou nemijamo ka ga kiniou ea jum̃ano, bior monokanio nala venia napano m̃a Teta berialio ka naio jidom ka kiniou nalaio. Mia nemila jibe na, ka tomu nalo na yetemeriba nei nalo ajikia avitilubar ka kiniou tinieku jiilo. “Kito m̃a, voniganei kiano bogo nene na ruei, rotumolu rava tavio.”

Jone 15:15

Kiniou novio re kamiu bunu ka kanaku tomu na im̃auano ga, bior toro na im̃auano naio mim̃au ga, naio maka rijikia batitig kanano tubo kanano jidomiano na kiano im̃auano. Mia kiniou nemial kamiu kumitibe ka kanaku bilbilu, bior vite nonovio nam̃a nomijog Teta ber ka kiniou, kiniou neberial meravo bo ban kamiu.

Jone 8:42

Ana na Yesu berinavo “Ver iliano na be riano, ka Atua naio be karamemiu, mia kamiu monoka tiniemiu tii kiniou ve toru mia, bior ka kiniou najaluvo den naio nebinimei ea vio nei. Kiniou maka nemei tibe ka napano kiniou ga, mia naio naruei miila kiniou nebinimei.

Jone 3:32

napano naio binimei jom̃a berial vite nalo nam̃a naio mialio beamu ea vio mave, a vite nalo nam̃a naio mijogio. Naio berial vite nalo na, mia tomu nalo maka asidom kanano iliano, maka amoneaio.

Jone 3:11

Kaiagago rivu! Javukia nam̃a naverialiano nalo amilaiio beamu ruei, kiniou nojom̃a neberial ga venia na m̃a kiniou nemijikiaio, p̃eli na venia na m̃a kiniou namialio, mia tibe na dam̃ariga, kamiu tomu nalo na vio Israel kamiu maka kuvisidom kuvisov kenememi iliano nalo.

Navisip̃eiano 1:1

Niosi na be visip̃eiano ka venia napano mia naio riyotuba ea legiano nalo napano mia amei navo. Atua naio jidom ka kanano tomu na im̃auano nalo na yetemeriba monoka ameravo rivu ka vite nalo nene, naruei, jian jikiaiano nene ban Yesu Kristo, karina Yesu naio miila kiano nailiano tai miyotuba ka kanano toro na im̃auano nei Jone, naio mila vite nalo nene amiyotuba ka naio ea kanano visip̃eiano tai.

Jone 5:19

Ana Yesu ber kalo, naio berinavo “Kiniou neber be riano ka kamiu, ka kiniou Atua kenerinio, kiniou maka nejikia nela titai kiniou ga ve takurano, mia venia ga napano nemial Karam̃aku milaio, naina naruei kiniou bunu nemilaio jibe na.

Jone 6:68

Ana Saimon Pitere naio berdop̃e, berkar jikili ban Yesu, berinavo “Tubo, ver kumemi nuvituvanso, mia kumemi nuva nuvitakisor kei bereio? Jau takurano ga napano ioluano na meuliano na joaso,

Jone 7:16

Ana jibe na Yesu naio berial banlo, berinavo “Venia nam̃a nojom̃a nejiloglog ban kamiu, maka ve kiaku, mia be Teta na naio miila kiniou nebinimei ea yetemeriba nei kiano.

Jone 8:28

Naio mil bereio banlo, naio berinavo “Telikiti napano kuvitelan kiniou Kulorinio Kenerinio mave ea iesi m̃akolkolo bisi, mia kamiu kumijikia ka kiniou nebe kenemiu Naverikariano. Mia kamiu kuvitilubar ka napano vite nonovio nam̃a namilalo, maka nala kiniou ga ve takurano, mia dam̃ariga neber ga venia nam̃a Teta naio berloglog ka kiniou.

Jone 14:24

Mia toro na maka tinien tii kiniou, mia naio maka rimonea batitig kanaku iliano. Naina naruei be verdop̃eiano na kenemiu vikadeniano, ana iliano napano kumijogio ruei, naio maka ve kanaku, mia naio be Teta napano naio miila kiniou nebinimei ea vio nei kanano.”