Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 12:1 - Verikariano Vou Na Baki

1 Mia telikiti napano Jokoluolu na Sidomkariano na Ioruriano nei naio maka vo, bogoti ari ju, ana kumemi liko Yesu nubano nubokar bereio komeli na telisu nei Betani. Naruei nubano numiyotuba bereio ea Lasaros kiano vonuo, naio napano Yesu nanua mila meul bereio den m̃ariano maka vesiou ga.

အခန်းကိုကြည့်ပါ။ ကော်ပီ




Jone 12:1
13 ပူးပေါင်းရင်းမြစ်များ  

Naruei Yesu juvan nalo na, ana naio ban ea m̃arkomeli na telisu na Betani, naio ba monmelio ea vio na.


Ana Yesu ba jouro yako Yerusalemo, a naio ba bokar Atua Kunuano Lu. Ana naio ba joomo, ba bitii vio nalo nene, a vite nalo nonovio napano amila eaio. Ana m̃erenio jo batove ruei, mia naio buru kiano naiagagoano duelimo ba juo [12], ana nalo ajaluvo ea komeli na toru nei bereio, nalo aba amon Betani.


Bogo na ka mia Yesu jidom ka tuvanlo, jukamu kalo abatove ea komeli sesa na Betani. Abinimei abokar vio nene, ajum̃a jibe na, banbano-o na Yesu jumolu jian jum̃ano loalo, milivu kalo.


Ana ea komeli na, be tira tai napano jo naio mila bajago miroano na kirivova laka, naruei naio mijog ka napano Yesu ba jo jinano ea Varisis nei Saimon kunuano. Naruei tira nene bitilubar kiano kariano, mijog kirivova toru laka, naruei naio mijog ka monokanio riva rial Yesu, ana naio midu kanano bauei na bonotanunu nabo tai, naio midu binimei ea yimo nei.


Mia bogo napano Yesu naio jo laka kia ga vo, mieiano na jikili tai binimei bokar kiano bilbilu tai, napano naio be Lasaros. Naina be Lasaros napano kuviviniene juo be Mere naio Marita, a nalo tolu nei tena komeli na telisu na Betani vaataro ka Yerusalemo.


Mia telikiti napano Yesu bolkouo bisi jibe na, ana naio bio jikili jibe na ba ban naio berinavo “Lasaros, jau kotumolu komei tavio.”


Naruei amiilo ka napano toro na m̃aro nei naio jumolu miel binimei tavio, bija kulum̃arauo napano abiviko ka naio, napano m̃a ajum̃a ajarakii lele gorogoro ea jum̃ano a jaano a parinio kia ga vo. Naruei Yesu naio ber kalo berinavo “Mo, kamiu kuvijubar bulag kulum̃arauo nalo nei denio, ka mia mijikia riel rivu bereio.” Ana nalo amilaio, naruei Lasaros naio meul bo naio jo naliko bereio.


Naruei be vaataro ka bogo na jokoluolu na kulo Ju nalo kialo, napano be Jokoluolu na Sidomkariano na Ioruriano. Ana kulo Ju nalo napano ajua tanobuku dolu ninio, ajum̃a ajuvan kialo vio nalo abavin Yerusalemo, ajidom avan ea Atua kunuano Lu, amila sida na meravoiano nalo ka mia ajikia ameravo ea Atua mirano beamu vo, karina jokoluolu naio tikario.


Mo Lasaros nalo amila Yesu sano sinaniano nei bisi, ana ka legiano dolu nene, iliano ba bokar burum̃ara tiniobi nei napano aju Yerusalemo bior jokoluolu, ka vonganei Yesu naio jo binimei ruei.


Tomu nalo miroano nam̃a abavin Yerusalemo ka alotu ka Atua ka jokoluolu nam̃a, a nalo tealo maka ave Ju, nalo abe kulo Krik nam̃a amonea Atua javukia kulo Ju nalo.


Ana maka vesiou, lilianiano naio ba bokar tomu nalo napano aju amidu bijiilo yako Yerusalemo bior jokoluolu, ka vonganei Yesu naio binimei jo Betani ruei. Mo nalo abatavio ka aialio, a maka ve naio ga, mia ajidom aial Lasaros bunu, nanua Yesu mila naio meul bereio den m̃ariano maka vesiou.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ