Jone 11:49 - Verikariano Vou Na Baki

⁴⁹ Ajum̃a aber jibe na, mia kialo navurim̃araboiano na toru nei Kaivas, napano ka yuka nei naio bokar sio na Parinio Toro Lu, naio ber kalo, berinavo “?Tomnei, bior venia ana kube vovu jibe na, ka napano maka bunu kuvijikia ka mia kito rala venia ka toro na?

Jone 11:49 ပူးပေါင်းရင်းမြစ်များ

Mataiu 26:3

Naruei kanio bogo nene, tomu na tortoru na kulo lu nalo, naliko navurim̃araboiano na kulo Israel nalo aju abior ea parinio toro lu kunuano, napano siano Kaivas.

Jone 11:51

Mia ea bogo napano naio ber iliano nei, beriam̃a jom̃a berial kiano jidomiano ga. Atua mila naio bokar im̃auano na Parinio Toro Lu ka bogo na, mia Atua kiaga vo naio midu iliano nei joa kiano jidomiano ka naio riverial ilirianiano tai, ka ver Yesu naio monoka rim̃aro ka rilarur tomu nalo kialo meuliano aviniu.

Im̃auano 4:6

Naruei ana nalo aba ajutano ea komeli na toru naliko Anas, napano naio toru ka kulo lu nalo, a naliko bunu kulo kouo dolu tealo jibe ka Kaivas, a naliko Jone, a Aleksada, a kulo dolu nalo na m̃aratavo na toru na kulo lu nalo nei.

1 Korin 1:20

A iliano na be riano laka, bior napano robitii yetemeriba, romijikia rovika tibe nei, rever: ?Kiano tomu na masouano nalo, nalo be? Tomu nalo napano amilakakar vatitig jikiaiano nalo napano ajua niosi nalo, nalo be? ?Tomu nalo napano amijikia aberii jidomiano dolu nalo napano aju jeliviv vonganei, nalo be? Romial jibe maka atu na, a romial jibe Atua mila masouano na yetemeriba nei binimei jibe tena vovuiano tai bereio ruei.

1 Korin 2:6

Be riano napano kiaku iliano maka rivujo ka ilimasosouano na yetemeriba nei, p̃eli jikiaiano ninio nalo napano tomu na tortoru na yetemeriba nei ajaaro kanio, mia naio bo ga, bior napano yetemeriba nei bija kiano tomu na tortoru mia ava am̃aro ga. Mia kamiu napano kenemiu jidomiano meruo bo, kubitilubar napano kiaku iliano bujo vatitig ka Atua kiano masouano nalo.