Jone 11:28 - Verikariano Vou Na Baki

²⁸ Telikiti na Marita ber jibe nei ka Yesu avona bisi, ana naio milivi joomo bereio, ban ka kuluene nei Mere, mijuvaluva banio, berinavo “Naverloglogiano nene, naio binimei ruei, naio joa m̃arabo yako, naio jidom rialso beamu vo.”

Jone 11:28 ပူးပေါင်းရင်းမြစ်များ

Mataiu 26:18

Ana Yesu naio berdop̃e banlo, berinavo “Kamiu kuva Yerusalemo, kamiu kuvial toro na, kuverii kanio, kuverinavo ‘Kenememi naverloglogiano naio berii kiano bogo binimei vaataro na ruei. Mia naio jidom naio naliko kumemi kiano naiagagoano nalo, numei nuvila sinaniano nei ea kunuamo.’ ”

Yesu Kristo Kiano Ioluano Vou Napano MAK Bivitauiaio 10:49

Ana Yesu binimei jikili joa vio nei, ber ka tomu nalo ber avio toro napano na rimei vaataro ka naio, ana nalo aba aber ka merebono napano, aber “?Ei, komijikia vaio?” Ana toro neibano ber “Venia?” Nalo aber “Yesu nei naio berenio jau komei vaataro ka naio beamu vo. Bo ga, jau kotumolu kito ravano.”

Yesu Kristo Kiano Ioluano Vou Napano MAK Bivitauiaio 14:14

ana mia naio rivuru kamiu kuvan ea yimo tai. Naruei bogo na kamiu kuve juo kuva joomo ea yimo nene, mo na kamiu kuvil van boru na yimo nene, kamiu kuverii tibe nei, kuverinavo ‘Kiado naverloglogiano naio bikanio, berenio vajoomo vabe na valauo nalo kialo, ka naio naliko kumemi kanano naiagagoano nalo, kumemi numijikia nuvisen sinaniano na sidomkariano na ioruriano eaio?’

Luka 22:11

Mia bogo na ver kuva joomo ea yimo nene, mia kuvil rivan toro nene kuverinavo ‘Kiado naverloglogiano naio bika berinavo, Kumemi valauo nalo, kenememi vajoomo naio be, ka nuvijikia nuvisen sinaniano na sidomkariano na ioruriano eaio?’

Jone 1:41

Ana Andru nene naio ka takisor Yesu garuei, mia naio ban sop̃eli ka kuruano nei beamu vo, ana bogo na naio mileal naio berii banio, berial Naverikariano, napano kulo Ju nalo abio ea iliano na Ipru aberinavo Misaea, a kulo Kris nalo abio ea iliano na Kris aberenio Kristo. Naio berial kanio, berinavo “Kuruaku, Naverikariano m̃a na, kumemi numileal naio ruei.”

Jone 1:45

Ana maka ve sio, Vilip naio ba jirag kanano bilbilu tai, siano Nataniel, naio ba berkanio, berinavo “Toro na toru nam̃a tormoruo Mosis naliko naverialiano nalo abivitau kakario, aberialio nuanua ruei, naio miyotuba iviso bure kito ruei. Kumemi numileal naio ruei, be toro Nasarete tai, kenerinio tormoruo tai siano Yoseve, ana toro nene, naio siano Yesu.”

Jone 10:3

Ver adu toro tai to ka m̃a riviti kuku ka morouo, mia bogo na toro na bitikar nunu rimei, mia morouo mijikia rivetavo ga ka naio, mia bogo napano naio ba jouro, nunu nonovio abiniu amijog joono, mia naio bio nalo na ga abe kiano sialo, mia nalo nei ga ajumolu, naruei naio jukamu kalo abava tavio.

Jone 11:20

Mia Marita naio jo naliko, ana amiila toru binimei ban naio aber Yesu binimei joa m̃arabo ruei, naruei naio jumolu ban ka rivan jum̃ano naljuo naio. Mia kuluene neibano telisu Mere naio jo joomo ga ea yimo, a naio maka rivatavio.

Jone 11:29

Mere mijogio, naruei jumolu vaarakurano, jidom ka rivatove ka rial Yesu,

Jone 11:30

nina rove ea m̃arabo napano Marita mial naio ruei eaio, bior ka napano naio maka rimei jouro ea komeli vo.

Jone 13:13

Vite na naio jibe nei. Telikiti nam̃a kubio kiniou kuber Naverloglogiano p̃eli na Tubo, kamiu kumitum̃a kuber riano ga na.

Jone 20:16

Naruei Yesu bio Mere ka siano, berinavo “Mere!” Naio mijogio, ana barip̃iligio, bitilubar ka be Yesu, ba vaataro kanio, bioio mije kialo iliano, berinavo “Raponi!” napano nioti na iliano nei berinavo “Naverloglogiano.”

Jone 21:7

Ana vonganei nubitilubar ka be Yesu, ana kiniou napano kumemi juo Yesu nube kuruememi, neber ka Saimon Pitere, neberinavo “Pitere, keialio. Tubo yako ju.” Bogo napano Pitere naio mijogio jibe na, ana naio jumolu vaarakurano, miya kiano kulukoti bereio, biako batove ea tei, mia ba uro.

1Tesa 5:11

Iliano nalo na naruei bo ka kuvitu kuverver ka ridular kenemiu jidomiano mave, kuvitu kuvijaija kamiu ka kuvim̃auka kenemiu moneano rimei sikili rivu, tibe napano nemijikia ka kumitum̃a kumila ruei.

Abe Kulo Ju 12:12

Tibe na, be kurano ka venia na m̃a kubiniualo, mia kamiu kuvila von ka kuvila tavukia na m̃a naverialiano Aisea naio ber beamu ruei, na m̃a naio berinavo “Kuvitiri bulag jumemiu na m̃a melukluku jaklele, kuvilalo aikulkulu bereio, a sudu jaamiu na m̃a aju amemebiju na, kuvilalo asikil bereio.” Aisaia 35:3