Jone 10:40 - Verikariano Vou Na Baki

⁴⁰ Naruei Yesu naio jaluvo Yerusalemo, barkor uei na Yortano nei ba tivelinio ea vio nanua Jone Baruei naio baruei ea tomu nalo. Naruei Yesu joa vio na kirisiou kija,

Jone 10:40 ပူးပေါင်းရင်းမြစ်များ

Jone 1:28

Naruei vio nei naruei napano nalo abano ka aial Jone ea, naina ea tanobuku na vaataro ka komeli na Betani, ea m̃arauei na Yortano tivelinio bano, nina ea vio nam̃a Jone naio jom̃a baruei ea tomu nalo.

Jone 11:54

Mia kialo jidomiano nei mila na Yesu maka bunu rijikia rieliel iviso ka tomu nalo na tanobuku nalo nei na Yutea, ana naio buru bulag kumemi nubano numitua komeli na telisu tai, siano Ivraem, napano naio jo yako ea tanobuku napano vaataro ka vio teauo.

Jone 11:7

Naio jo bere bogoti juo jibe na, bisi ana naio ber ka kumemi kiano naiagagoano nalo, naio berinavo “Kito m̃a, ravarkor ravan bere ea tanobuku na Yortano.”

Jone 3:26

Aberii banbano-o karina abinimei amial Jone, abika denio, aberinavo “Naverloglogiano, kumemi numisidom nuvika denso ea tivelinio na toro na Yesu napano beamu, bogo na kito rojua marauei na Yortano tivelinio bano, naio binimei mialso, naruei jau koberial saba telaboiio naio. Vonganei, naio bunu binimei jo baruei ea tomu nalo, mila abiniu aju ajuvarvan kito aban ea naio ga, vio bujo mia vio bujo.”

Jone 7:1

Iorou ka naina Yesu naio jom̃a miel jeliviv, jom̃a ban ea ga vio na be kiano tanobuku ga nei Kalele. Naio maka bunu tom̃a rivavin ea vio nalo na tanobuku na vio Yutea, bior navurim̃araboiano na kulo Ju na vio na nalo ajum̃a ajirarag ka naio ruei, ka ajidom ka ala bin naio rim̃aro.